ԵՊՀ հոգաբարձուների խորհուրդը համալսարանի կառավարման բարձրագույն մարմինն է, որի լիազորությունների ժամկետը 5 տարի է:

ԵՊՀ հոգաբարձուների խորհուրդն ընտրում է ռեկտորին, քննարկում և հաuտատում է ԵՊՀ կառուցվածքը, բյուջեն, հաստիքացուցակը, զարգացման ռազմավարական ծրագիրը, ռեկտորի ընտրության կանոնակարգը, ռեկտորի տարեկան հաշվետվությունը, կանոնադրության մեջ փոփոխությունների և լրացումների իրականացումն և այլն:

Հոգաբարձուների խորհուրդը կազմվում է բուհի պրոֆեսորադասախոսական կազմի և սովորողների ներկայացուցիչներից, ինչպես նաև լիազոր մարմնի կողմից առաջադրված կրթության, գիտության, մշակույթի և տնտեսության տարբեր ոլորտների ճանաչված ներկայացուցիչներից ու ԵՊՀ գործընկեր գործատուներից՝ 25-ական տոկոս համամասնությամբ:

ԵՊՀ պրոֆեսորադասախոսական կազմից հոգաբարձուների խորհրդի անդամության թեկնածուներ են առաջադրում ԵՊՀ կառուցվածքային ստորաբաժանումները, այնուհետև նրանցից 5 հոգու հաստատում է ԵՊՀ գիտական խորհուրդը: 

Առաջադրված անձանց թեկնածությունների հիման վրա Հոգաբարձուների խորհրդի կազմը հաստատում է Հայաստանի Հանրապետության վարչապետը:

ՀՀ վարչապետ Նիկոլ Փաշինյանի 2021 թ. հոկտեմբերի 28-ի թիվ 1222-Ա որոշմամբ հաստատվել է ԵՊՀ կառավարման բարձրագույն մարմնի՝ հոգաբարձուների խորհրդի կազմը՝ բաղկացած 20 անդամից:

ԵՊՀ հոգաբարձուների խորհրդի նախագահն է Սուրեն Պապիկյանը, իսկ Հոգաբարձուների խորհրդի քարտուղարը Եղիշե Կիրակոսյանն է։

ԵՊՀ ընթացիկ գործունեության ղեկավարումն իրականացնում է ԵՊՀ գործադիր մարմինը` ռեկտորը: Ռեկտորն իր իրավաuության uահմաններում և ԵՊՀ կանոնադրությանը համապատաuխան գործում է միանձնյա և ամբողջական պատաuխանատվություն է կրում ԵՊՀ աշխատանքի արդյունքների համար:

ԵՊՀ ռեկտորը, ՀՀ օրենսդրության և ԵՊՀ կանոնադրության համաձայն, ընտրվում է ԵՊՀ խորհրդում բաց մրցույթի կարգով, գաղտնի քվեարկությամբ, 5 տարի ժամկետով:

ԵՊՀ ռեկտորն առանց լիազորագրի գործում է ԵՊՀ անունից, ներկայացնում է նրա շահերը պետության, պետական մարմինների, այլ կազմակերպությունների և քաղաքացիների հետ հարաբերություններում, այլ պետություններում և միջազգային կազմակերպություններում, Հայաuտանի Հանրապետության oրենuդրությամբ, հիմնադրի  և լիազորված պետական մարմնի որոշումներով, կնքում է պայմանագրեր, արձակում հրամաններ, կարգադրություններ, հրահանգներ, տալիu ցուցումներ, որոնք պարտադիր են ԵՊՀ կոլեկտիվի անդամների համար:

ԵՊՀ ռեկտորն իր իրավաuության շրջանակներում ղեկավարում է ԵՊՀ կրթական, գիտական, արտադրական, տնտեuական, ֆինանuական, միջազգային գործունեությունը, կազմակերպում է ԵՊՀ գիտական խորհրդի, կառուցվածքային uտորաբաժանումների աշխատանքը, հրավիրում է ԵՊՀ գիտական խորհրդի, ռեկտորատի նիuտեր, տարեկան հաշվետվություն է ներկայացնում ԵՊՀ խորհրդին, ապահովում է ԵՊՀ խորհրդի և գիտական խորհրդի որոշումների կատարումը և այլն:

Հովհաննես Վահագնի Հովհաննիսյան

ԵՊՀ ռեկտոր, պատմական գիտությունների դոկտոր

Հեռ.` (+374 10) 554629, (+374 60) 710100, 11-00 (ներքին)
Ֆաքս` (+374 10) 554641
Էլ.փոստ` rector@ysu.am

Գիտական խորհուրդը ԵՊՀ-ի ուսումնամեթոդական, գիտահետազոտական ու գիտատեխնիկական գործունեությունը պլանավորող, համակարգող և կարգավորող կոլեգիալ մարմին է:

ԵՊՀ գիտական խորհրդի լիազորությունների ժամկետը 5 տարի է: Գիտական խորհուրդն իր լիազորություններն իրականացնում է հերթական և արտահերթ նիստերի միջոցով: Հերթական նիuտերը հրավիրվում են տարեկան առնվազն ութ անգամ, արտահերթ նիստերը՝ ըստ անհրաժեշտության՝ գիտական խորհրդի նախագահի կողմից կամ գիտական խորհրդի անդամների առնվազն մեկ երրորդի գրավոր պահանջով: Գիտական խորհրդի ձևավորման և գործունեության կարգը uահմանվում է գիտական խորհրդի կանոնակարգով:

ԵՊՀ Գիտական խորհուրդը հաստատում է իր կանոնակարգը, ռեկտորի ներկայացմամբ՝ ԵՊՀ հոգաբարձուների խորհրդին ներկայացնում է առաջարկություն կառուցվածքային ստորաբաժանումներ ստեղծելու, վերակազմակերպելու, լուծարելու վերաբերյալ, հատկացված ընդհանուր չափաքանակների շրջանակներում քննարկում և ընդունում է որոշումներ ԵՊՀ-ի՝ ըստ կրթական ծրագրերի և մասնագիտությունների ընդունելության վերաբերյալ, հաստատում է կառուցվածքային ստորաբաժանումների կանոնադրությունները (այդ թվում` օրինակելի), ԵՊՀ-ի և կառուցվածքային ստորաբաժանումների հիմնական գործունեությունը և ուսումնական գործընթացը կանոնակարգող այլ ներքին իրավական ակտեր, քննարկում և հաստատում է կրթական ծրագրերը, ըստ մասնագիտությունների սահմանում է վճարաչափերը, քննարկում է գիտական գործունեության գլխավոր և հեռանկարային ուղղությունները, ընդունում է պատվավոր կոչումներ շնորհելու, մրցանակներ, անվանական և այլ կրթաթոշակներ տալու, ԵՊՀ-ի շքանշանով և մեդալով պարգևատրելու, հանրապետական ու միջազգային պարգևների և կոչումների համար թեկնածություններ ներկայացնելու մասին որոշումներ, շնորհում է գիտական կոչումներ, հաստատում ֆակուլտետների դեկանների, ամբիոնների վարիչների, պրոֆեսորների թափուր պաշտոնների տեղակալման մրցույթների արդյունքները և այլն:

Գիտական խորհրդի անդամների ընդհանուր թիվը 88 է, որի առնվազն 50 տոկոսն ընտրովի անդամներն են: Գիտական խորհրդի կազմում ի պաշտոնե ընդգրկվում են ռեկտորը (գիտական խորհրդի նախագահ), պրոռեկտորները, գիտական քարտուղարը (գիտական խորհրդի քարտուղար), գլխավոր հաշվապահը, իրավաբանական բաժնի ղեկավարը, արհեստակցական կազմակերպության ղեկավարը, ֆակուլտետների, մասնաճյուղերի ղեկավարները, ռեկտորի նշանակմամբ՝ այլ կառուցվածքային ստորաբաժանումների ղեկավարները, ինչպես նաև ընտրովի անդամներ՝ գիտական խորհրդի կանոնակարգին համապատասխան։ Գիտական խորհրդի անդամների թվի քuանհինգ տոկոuը սովորողներն են:

ԵՊՀ գիտական խորհրդի որոշմամբ` ըստ անհրաժեշտության կարող են uտեղծվել մշտական կամ ժամանակավոր հանձնաժողովներ, որոնց կարգավիճակը, կառուցվածքը, իրավաuությունը, աշխատանքի կարգը uահմանվում են գիտական խորհրդի կողմից:  (ԵՊՀ գիտական խորհրդի կանոնակարգ և գիտական խորհրդի կազմ):

ԵՊՀ գիտական խորհրդի մրցութային մշտական հանձնաժողովը եզրակացություն է տալիս ԵՊՀ թափուր պաշտոնների համար հայտարարված մրցույթում թեկնածուների կողմից ներկայացված փաստաթղթերի՝ ԵՊՀ համապատասխան կանոնակարգին համապատասխանության, պրոֆեսորի կամ դոցենտի գիտական կոչման թեկնածուների կողմից ներկայացված փաստաթղթերի՝ ՀՀ կառավարության կողմից հաստատված «Հայաստանի Հանրապետությունում գիտամանկավարժական կադրերին պրոֆեսորի և դոցենտի գիտական կոչումներ շնորհելու կարգին» համապատասխանության վերաբերյալ, իրականացնում այլ լիազորություններ:

ԵՊՀ գիտական խորհրդի՝ Երևանի պետական համալսարանի իրավական ակտերի նախագծերի մշակման և փորձաքննության մշտական հանձնաժողովը մշակում է ԵՊՀ գիտական խորհրդի հաստատմանը ենթակա ներքին իրավական ակտերի նախագծերը, եզրակացություն է տալիս ռեկտորի կողմից հանձնաժողովին ներկայացվող փաստաթղթերի իրավական հիմնավորվածության վերաբերյալ, իրականացնում է ԵՊՀ ներքին իրավական ակտերի իրավական փորձաքննություն, տալիս է ԵՊՀ ներքին իրավական ակտերի կամ դրանց որոշ դրույթների կիրարկման վերաբերյալ պարզաբանումներ, իրականացնում այլ լիազորություններ (ԵՊՀ իրավական ակտերի նախագծերի մշակման և փորձաքննության մշտական հանձնաժողովի աշխատակարգը):

ԵՊՀ գիտական խորհրդի՝ Երևանի պետական համալսարանի որակի ապահովման մշտական հանձնաժողովը մշակում է ԵՊՀ գիտական խորհրդի հաստատմանը ենթակա որակի ներքին և արտաքին ապա­հովման ոլորտի իրավական ակտերի նախագծերը, տալիս է ԵՊՀ որակի ներքին ապահովման ոլորտին առնչվող չափորոշիչների, գործընթացների և/կամ ընթացակարգերի կիրարկման, նոր և վերանայված կրթական ծրագրերի հաստատման վերաբերյալ երաշխավորություններ և առաջարկներ, համագործակցում է ԵՊՀ որակի ապահովման այլ կառույցների ու խմբերի հետ, իրականացնում է այլ լիազորություններ (ԵՊՀ որակի ապահովման մշտական հանձնաժողովի աշխատակարգը):

ԵՊՀ գիտական խորհրդին կից էթիկայի մշտական հանձնաժողովի խնդիրն է համալսարանում բարոյահոգեբանական առողջ մթնոլորտի պահպանմանն ուղղված անհրաժեշտ գործողությունների իրականացումը:

ԵՊՀ ռեկտորատը ռեկտորին կից խորհրդակցական մարմին է: ԵՊՀ խորհրդի և գիտական խորհրդի նիuտերի միջև ընկած ժամանակահատվածում ռեկտորատը, սահմանված կանոնակարգով, իրեն տրված լիազորությունների շրջանակներում քննարկում է ԵՊՀ գործունեության բոլոր ոլորտներին վերաբերող հարցերը, ԵՊՀ խորհրդի և գիտական խորհրդի որոշումների կատարման ընթացքը:

Ռեկտորատի կազմի մեջ մտնում են ռեկտորը, պրոռեկտորները, գիտական քարտուղարը, ռեկտորի աշխատակազմի ղեկավարը, արհեստակցական կազմակերպության նախագահը, պրոռեկտորների տեղակալները, վարչությունների պետերը, մասնաճյուղերի տնօրենները, ֆակուլտետների դեկանները, համահամալսարանական ամբիոնների վարիչները, գլխավոր հաշվապահը, գրադարանի տնօրենը, իրավաբանական բաժնի պետը, կադրերի բաժնի վարիչը, ուսանողների հետ տարվող աշխատանքների կենտրոնի տնօրենը, կրթական գործունեություն իրականացնող կենտրոնների տնօրենները և ուսանողական խորհրդի նախագահը:

ԵՊՀ գիտական քարտուղարի հիմնական գործառույթներն են.

• ԵՊՀ գիտական խորհրդի նիստերի նախապատրաստումն ու անցկացումը: Գիտական քարտուղարը, խորհրդակցելով ԵՊՀ ռեկտորատի անդամների հետ, կազմում է առաջիկա ուսումնական տարվա ընթացքում ԵՊՀ գիտական խորհրդի նիստերում քննարկվելիք հարցերի ցուցակը և այն ներկայացնում ԵՊՀ կառուցվածքային ստորաբաժանումներին՝ իրենց կողմից հարցեր առաջադրելու առաջարկությամբ: 
  
  Գիտական խորհրդի նիստի օրվանից առնվազն 5 օր առաջ գիտական խորհրդի անդամներին ուղարկվում է նիստի օրակարգը և, առկայության դեպքում, օրակարգի հարցերին առնչվող նյութերը (նորմատիվ փաստաթղթի նախագիծ, տեղեկատվություն և այլն): Նիստի արձանագրությունը ստորագրվում է ռեկտորի և գիտքարտուղարի կողմից: Գիտքարտուղարը կազմում է նաև նիստի որոշումների նախագծերը, դրանց ընդունվելուց հետո հրապարակում ԵՊՀ կայքէջում:
  
  
• ԵՊՀ ռեկտորատի նիստերի նախապատրաստումն ու անցկացումը: Ռեկտորի կողմից հրավիրվող նիստի մասին գիտական քարտուղարը տեղեկացնում է ԵՊՀ ռեկտորատի անդամներին: ԵՊՀ ամբիոնի վարիչի և պրոֆեսորի պաշտոնների, համահամալսարանական (ոչ ֆակուլտետային) գիտական ու գիտակրթական ստորաբաժանումների գիտական և պրոֆեսորադասախոսական համակազմի պաշտոնների, պրոֆեսորի և դոցենտի գիտական կոչումների համար մրցույթների համապատասխան փուլի նախապատրաստումն ու անցկացումը: 
  
  ԵՊՀ մասնագիտական խորհուրդներում պաշտպանության ընդունվող գործերի գրանցումը ԵՊՀ աշխատակիցների ստորագրությունների հաստատումը:
  
  
• Ռեկտորի հանձնարարությամբ ԵՊՀ աշխատակիցներին և հյուրերին խրախուսելու և պարգևատրելու պետական և գերատեսչական պարգևների ներկայացնելու  հետ կապված աշխատանքների իրականացումը:
  
  
• Ռեկտորի հանձնարարությամբ այլ աշխատանքներ:

Մերի Վազգենի Հովհաննիսյան
ԵՊՀ գիտական քարտուղար, բանասիրական գիտությունների թեկնածու, դոցենտ

Հեռ.` (+374 60) 710104, 11-04 (ներքին)
Էլ.փոստ` meri.hovhannisyan@ysu.am 

Էլինա Վյաչեսլավի Ասրիյան

Ակադեմիական/ուսումնական գծով պրոռեկտոր

Հեռ.` (+374 10) 554702, (+374 60) 71-01-10,  11-10 (ներքին)

Ֆաքս` (+374 10) 554641

Էլ. փոստ` elina.asriyan@ysu.am

Ուսումնամեթոդական վարչության գործառույթներն են բակալավրիատի և մագիստրատուրայի ուսումնական պլանների ու առարկայական ծրագրերի մշակման գործընթացի կազմակերպումը և կատարման վերահսկումը, ամբիոնային ծանրաբեռնվածությունների ստուգումը և կատարման վերահսկումը, ժամավճարային հիմունքներով աշխատողների ձևակերպումը և հաշվառումը, բակալավրիատի և մագիստրատուրայի դասատախտակների ստուգումը:

Ուսումնամեթոդական վարչությունը համակարգում է ֆակուլտետային մեթոդական խորհուրդների աշխատանքները, ուսանողների ավարտական փաստաթղթերի նախապատրաստումը և հաշվառումը, պետական քննական հանձնաժողովների աշխատանքների կազմակերպումը, ընթացիկ և հանրագումարային քննությունների անցկացման վերահսկումը, մագիստրատուրայի ընդունելության կազմակերպումը, 2-րդ մասնագիտության գծով ընդունելության կազմակերպումը, ուսանողների շարժունության (ազատում, հեռացում, վերականգնում, տեղափոխում), փոխատեղման և զեղչերի տրամադրման հետ կապված գործառույթներ, ուսանողների և շրջանավարտների շրջանում կրթության վերաբերող հարցումների կազմակերպում, ԵՊՀ ընթացիկ և տարեկան հաշվետվությունների նախապատրաստումը, կրթության և գիտության նախարարության համար ուսումնական գործընթացին վերաբերող տեղեկատվա-վիճակագրական տվյալների նախապատրաստումը և այլն:

Ուսումնամեթոդական վարչության կազմում գործում են՝

• Բակալավրիատի բաժինը,
• Մագիստրատուրայի բաժինը ,
• Կազմակերպչական բաժինը,
• Ուսումնական գործընթացի վերահսկման բաժինը,
• Պրակտիկայի բաժինը:

Հրանտ Գեւորգի Ժամհարյան

ԵՊՀ ուսումնամեթոդական վարչության պետ, ուսումնական աշխատանքների գծով պրոռեկտորի տեղակալ, կենսաբանական գիտ.թեկնածու, դոցենտ

Հեռ.` (+374 10)  554860, (+374 60) 710115, 11-15 (ներքին)
Էլ. փոստ` education@ysu.am

Ռաֆայել Հրայրի Բարխուդարյան

Գիտական հարցերի գծով պրոռեկտոր

Հեռ.` (+374 10) 554601, (+374 60) 710107, 11-07 (ներքին)
Ֆաքս`(+374 10) 554641
Էլ. փոստ` barkhudaryan@ysu.am

ԵՊՀ գիտական քաղաքականության  վարչության հիմնականխնդիրներն են՝

- ԵՊՀ ֆակուլտետներում գիտահետազոտական աշխատանքների համակարգումը,

- գիտական արդյունքների ներդրումն ուսումնական գործընթացում,

- ինովացիոն ծրագրերի եւ գիտության կարևորագույն արդյունքների առևտրայնացման նպատակով համապատասխան կառույցների ստեղծումը,

- միջֆակուլտետային գիտակրթական ստորաբաժանումների ստեղծումը,

- ԵՊՀ ֆակուլտետների նյութատեխնիկական եւ գիտական ռեսուրսների ուսումնասիրումը եւ համապատասխան բարեփոխումների իրականացումը:

ԵՊՀ գիտականքաղաքականության վարչությունը համակարգում է՝

- Գիտական կադրերի աշխատանքը,

- Գիտական ինստիտուտները, կենտրոնները եւ Գհ լաբորատորիաները,

ԵՊՀ գիտական քաղաքականության վարչությունը համակարգում է Երևանի պետական համալսարանի գիտական քաղաքականության ուղղված հարցերը: Կազմում և ՀՀ Գիտության պետական կոմիտեին է ներկայացնում ԵՊՀ-ի կողմից հաստատված գիտական անձնագիրը: Կազմակերպում է ՀՀ ԳՊԿ կողմից հաստատված պետական ֆինանսավորմամբ Grant-թեմատիկների ծառայությունների մատուցման պայմանագրերի հաստատումը: ՀՀ ազգային վիճակագրության ծառայություն է ներկայացվում ԵՊՀ պետական բյուջեից ֆինանսավորվող գիտական թեմաների վիճակագրությունը: ՀՀ ԳՊԿ է ներկայացնում բազային ֆինանսավորմամբ իրականացվող ծրագրերում ներկայացված գիտական աստիճաններ ունեցող գիտաշխատողների մասին տվյալները: Մասնակցում է գիտահետազոտական ստորաբաժանումներում մշակվող գիտահետազոտական և կոնստրուկտորական փաստաթղթերի չափագիտական փորձաքննության անցկացմանը:

ԵՊՀ գիտական քաղաքականության վարչությունը համակարգում է նաև ԵՊՀ-ի կողմից կազմակերպված և անցկացված միջազգային ու հանրապետական գիտաժողովների աշխատանքները: Համակարգում է ԵՊՀ գիտական աշխատակիցների արտոնագրային արժեք ունեցող աշխատանքների վերաբերյալ մեթոդական օգնությունը:

Երանուհի Կարապետի Մանուկյան

ԵՊՀ գիտական քաղաքականության վարչության պետ, փիլ. գիտ. թեկնածու, դոցենտ

Հեռ.` (+374 60) 710185, 11-85 (ներքին)
Էլ.փոստ` e.manukyan@ysu.am

2007 թվականի փետրվարի 1-ից Երևանի պետական համալսարանում գործում էր Համակարգչային ցանցի և համակարգիչների սպասարկման բաժինը: 2010-ից այն վերաձևավորվեց որպես Տեղեկատվական համակարգերի սպասարկման և զարգացման վարչություն:

Վարչության խնդիրներն են`

• ապահովել, արդիականացնել և կառավարել ներհամալսարանական տեղեկատվական համակարգերն ու համակարգչային սարքավորումները,
• ապահովել ներհամալսարանական տեղեկատվական համակարգերի միասնական շահագործումը և ինտեգրման աշխատանքները, մշակել նոր համակարգեր,
• աջակցել կրթական գործընթացում տեղեկատվական տեխնոլոգիաների կիրառման գործընթացին:

Վարչության կազմում գործում են հետևյալ բաժինները՝

• Տեղեկատվական համակարգերի և ցանցի զարգացման բաժին,
• Համակարգչային տեխնիկայի սպասարկման բաժին:

Պարույր Վարդերեսյան
 

Տեղեկատվական տեխնոլոգիաների վարչության պետ

Հեռ.` (+374 60) 710155, 11-55 (ներքին)
Էլ. փոստ`p.varderesyan@ysu.am

ԵՊՀ գրադարանը ստեղծվել է 1920 թ.-ի փետրվարի 28-ին, իսկ հանդիսավոր բացումը տեղի է ունեցել 1922 թ.-ի նոյեմբերի 8-ին: Գրադարանի ժամանակավոր կառավարիչն է եղել Հակոբ Մանանդյանը:

1927 թ.-ին գրադարանի գրքային ունեցվածքը կազմել է 52 հազար միավոր, իսկ ընթերցողների քանակն ընդամենը` 530: Այսօր ԵՊՀ գիտական գրադարանն ունի ավելի քան 2 միլիո­ն միավո­ր գիրք, որից 1,2 միլիոնը` գիտական և 55 աշխատող:

Այսօր գրադարանում գործում են Միավորված ազգերի կազմակերպության (ՄԱԿ) և Եվրոպայում անվտանգությանևհամագործակցության կազմակերպության (ԵԱՀԿ) նյութերի պահոցները, ինչպես նաեւ Հայաստանում Հունաստանի դեսպանատան կենտրոն-գրադարանը:

Գրադարանում գործում է նաև էլեկտրոնային քարտարան, որի միջոցով ԵՊՀ ուսանողներն ու ԵՊՀ գրադարանի տոմս ունեցող ցանկացած անձ կարող են պատվիրել իրենց անհրաժեշտ գրականությունը:

Հայաստանյան գրադարանների գրապաշարի մատենագիտական տեղեկատու աղբյուր է էլեկտրոնային համահավաք գրացուցակը, որից օգտվելու համար այցելեք հետեւյալ ինտերնետային կայքը` http://koha.lib.ysu.am/:

Եզնիկ Սահակի Միրզոյան

Սարգիս և Մարի Իզմիրլյանների անվան գրադարանի տնօրեն, ֆիզիկամաթեմատիկական գիտությունների թեկնածու, դոցենտ

Հեռ. ՝ (+347 10)  551334, (+374 60) 710200, 12-00 (ներքին)

Էլ. փոստ.՝  mirzoyan@ysu.am

Կայք՝ www.lib.ysu.am

Միքայել Դավիթի Հովհաննիսյան

Զարգացման և նորարարությունների գծով պրոռեկտոր

Հեռ․՝ (+374 10) 55-46-72, (+374 60) 71-01-12, 11-12 (ներքին)
Email: mhovhannisyan@ysu.am

Ազնիվ Գրիգորյան

Հեռ.` (+374 60) 710 141, (+374 60) 710 146

Էլ. փոստ՝ press@ysu.am  

ԵՊՀ շրջանավարտների և կարիերայի կենտրոնը ստեղծվել է 2006թ.-ին` ԵՊՀ գիտական խորհրդի որոշմամբ (նույն թվականին գիտական խորհրդի կողմից հաստատվել է կենտրոնի կանոնադրությունը): Կենտրոնի հիմնական նպատակն է նպաստել համալսարանի և առաջատար ձեռնարկությունների ու գործատուների փոխգործակցությանը, աշխատաշուկայում համալսարանականների մրցունակության բարձրացմանը, շրջանավարտների և համալսարանի միջև մշտական կապի ամրապնդմանն ու համագործակցության աճին:

Կենտրոնի հիմնական խնդիրներն են`

• ԵՊՀ ուսանողների և շրջանավարտների կողմից աշխատանք գտնելու հիմնախնդիրների ուղղությամբ համալսարանում տարվող աշխատանքների համակարգումը, կազմակերպումն ու ամփոփումը,
• ԵՊՀ ուսանողների մոտ ուսումնառության հետ զուգահեռ աշխատանքային որոշակի փորձի ձևավորման ուղղությամբ աշխատանքների կազմակերպումը,
• համալսարանի ուսանողների, շրջանավարտների և պոտենցիալ գործատուների միջև արդյունավետ կապի ապահովումը,
• տեղական և միջազգային աշխատաշուկայի զարգացման միտումների մասին տեղեկատվության ամփոփումը, ուսումնասիրությունների ու վերլուծությունների իրականացումը,
• ԵՊՀ ուսանողների և շրջանավարտների շրջանում նրանց կարիերայի զարգացման ակնկալիքների, աշխատաշուկայում մրցունակության ընթացիկ վիճակի և մի շարք այլ հիմնահարցերի վերաբերյալ տարբեր ուսումնասիրությունների իրականացումը,
• ԵՊՀ ուսանողների և շրջանավարտների համար աշխատանք գտնելու և այլ հիմնահարցերի վերաբերյալ տարբեր տեսակի խորհրդատվությունների, դասընթացների, սեմինարների և այլ միջոցառումների կազմակերպումը, համապատասխան տեղեկատվության տարածումը
• շրջանավարտների և համալսարանի միջև մշտական կապի հաստատումն ու համագործակցության ապահովումը:

Կենտրոնի գործունեության հիմնական ուղղություններն են`

• սեմինար-դասընթացների կազմակերպում և խորհրդատվության տրամադրում ինքնակենսագրություն կազմելու, գործատուին ճիշտ ներկայանալու, կարիերայի կառուցման և արդի աշխատաշուկային վերաբերող այլ խնդիրների շուրջ ինթերնշիփ ծրագրեր (պրակտիկա),
• հանդիպումներ գործատուների հետ,
• կամավորական ծրագրերի իրականացում,
• շրջանավարտների տվյալների էլեկտրոնային բազայի ընդլայնում,
• համագործակցություն պետական և մասնավոր սեկտորի կազմակերպությունների հետ,
• շրջանավարտներին թափուր աշխատատեղերի և այլ հնարավորությունների մասին տեղեկացում,
• կարիերայի զարգացմանը նպաստող միջոցառումների, կլոր-սեղան քննարկումների կազմակերպում:

ԵՊՀ շրջանավարտների և կարիերայի կենտրոնն այժմ ակտիվ համագործակցում է ՀՀ շուրջ 100 պետական և մասնավոր ընկերությունների, ձեռնարկությունների, ինչպես նաև միջազգային տարբեր կազմակերպությունների հետ: Կենտրոնի` ձեռնարկությունների հետ համագործակցության ցանկին կարող եք ծանոթանալ «Համագործակցություն» բաժնում:

ԵՊՀ շրջանավարտների և կարիերայի կենտրոնի գործունեությանն առավել մանրամասն կարող եք ծանոթանալ կենտրոնի ամենամյա հաշվետվություններում:

Երևանի պետական համալսարանի պատմության թանգարանը Հայաստանի Հանրապետությունում գործող բուհական առաջին, ամենամեծ և ցուցանմուշներով ամենահարուստ թանգարանն է:

Ռեկտորի 1960 թ. մարտի 22-ի հ. 5 որոշմամբ` ԵՊՀ պատմության թանգարանի հիմքը դրվեց: Սկզբում այն գործում էր որպես կաբինետ և տեղակայված էր համալսարանի առաջին շենքում (Աբովյան փ., 52):

1965 թ. կաբինետը տեղափոխվեց համալսարանի նորակառույց համալիրի կենտրոնական մասնաշենքի 5-րդ, հետագայում` 7-րդ հարկ:

1988 թ. պատմության կաբինետի հիմքի վրա, ԵՊՀ գիտահետազոտական մասի կազմում, ձևավորվեց Հայաստանի բարձրագույն կրթության պատմության ԳՀ լաբորատորիա` նրան կից թանգարանով:

1995 թ. հունվարի 1-ից թանգարանը դարձավ կառուցվածքային ինքնուրույն միավոր և կոչվեց ԵՊՀ պատմության թանգարան, որի հիմնադիր տնօրենն էր պրոֆ. Լ. Ղարիբջանյանը:

2009 թ. բարենորոգված թանգարանը հարմարեցվեց ցուցադրությունների տրամաբանությանը և բացվեց նոր ցուցադրություն` մի քանի բաժիններով:

ԵՊՀ հիմնադրման 100-ամյակի առթիվ գիտխորհրդի 2019 թ. սեպտեմբերի 2-ի հ. 1/1 որոշմամբ թանգարանի հիմնադրման և հետագա զարգացման գործում ունեցած անգնահատելի ավանդի համար թանգարանն անվանակոչվեց պրոֆեսոր Լյուդվիգ Ղարիբջանյանի անունով:

Թանգարանում առանձնապես կարևորվում է Մայր բուհի պատմությանը վերաբերող  ցուցադրությունը, որը պատմում է ԵՊՀ կառուցվածքի, ֆակուլտետների, ռեկտորների, հիմնադիր դասախոսների ու երախտավորների, ուսանողական ակտիվ կյանքի, ինչպես նաև համալսարանի միջազգային համագործակցական կապերի մասին:

Այստեղ կարելի է ծանոթանալ նաև Հայաստանում բարձրագույն կրթության ձևավորման ընթացքին և ԵՊՀ համապատասխան ֆակուլտետների հիմքի վրա հանրապետությունում ստեղծված բուհերի մեծ մասի տարեգրությանը:

Ուշագրավ են Հայրենական մեծ պատերազմում և Արցախյան գոյապայքարում զոհված համալսարանականներին նվիրված ցուցավահանակները` լուսանկարներով, փաստաթղթերով, անձնական իրերով, ինչպես նաև նրանց մասին գրված գրքերով:

Հետաքրքիր ցուցանմուշներով աչքի է ընկնում թանգարանի հնագիտության բաժինը, որը ձևավորվել է ՀՀ ԳԱԱ հնագիտության և ազգագրության ինստիտուտից ստացված և ԵՊՀ պատմության ֆակուլտետի հնագիտության ու ազգագրության ամբիոնի հնագիտական արշավախմբերի պեղումներով հայտնաբերված բազմաթիվ գտածոների հիմքի վրա` քարի դարից մինչև միջնադար:

Նշված ամբիոնի կողմից թանգարանում հաճախ անցկացվում են մասնագիտական դասընթացներ, և ուսանողները ծանոթանում են Հայկական լեռնաշխարհի հնագիտական մշակույթներին: Այս ցուցանմուշները ոչ միայն ուսուցողական մեծ արժեք ունեն համալսարանի ուսանողների մասնագիտական գիտելիքների հարստացման առումով, այլև կարևոր են հայրենական և արտերկրի մասնագետների գիտահետազոտական ուսումնասիրությունների համար:

Իր գոյության 60 տարիների ընթացքում թանգարանը շարունակաբար համալրվում է համալսարանին և Հայաստանում բարձրագույն կրթության զարգացմանը վերաբերող բազմաթիվ նյութերով (լուսանկարներ, անձնական իրեր, արժեքավոր փաստաթղթեր, հնագիտական ու ազգագրական նմուշներ, կերպարվեստի գործեր, անվանի նկարիչների ստեղծած գեղանկարներ, ԵՊՀ երախտավորների դիմանկարներ, ինչպես նաև ընծայագրերով գրքեր, տեխնիկական սարքեր և այլն):

ԵՊՀ հիմնադրման 100-ամյակին ընդառաջ թանգարանը համալրվեց համալսարանին և Հայաստանում բարձրագույն կրթության զարգացմանը վերաբերող բազմաթիվ նոր նյութերով: Ցուցադրվեցին այնպիսի եզակի նմուշներ, ինչպիսիք են` Հայաստանի առաջին հանրապետության նախարարների խորհրդի 1919 թ. մայիսի 16-ին ընդունած Երևանի համալսարանի հիմնադրման մասին օրենքը, կազմակերպիչ հանձնաժողովի նիստերի սղագրություններն ու արձանագրությունները, համալսարանի առաջին կանոնադրությունը, առաջին դասացուցակը, բազմաթիվ հին փաստաթղթեր, ձեռագիր գրքեր:

Ստեղծվեց 1930-ականներին բռնաճնշումների ենթարկված համալսարանականների անկյուն, որտեղ ներկայացված են բացառիկ տեղեկություններ նրանց մասին` ՀՀ ազգային արխիվի նյութերի հիման վրա: Բացվեց նաև նոր ցուցասրահ, որտեղ ամփոփված են տարբեր այցելությունների առթիվ ԵՊՀ հյուրերից ստացված բազմաթիվ հուշանվերներ:

Թանգարանը պարբերաբար կազմակերպում է ժամանակավոր և շրջիկ թեմատիկ ցուցադրություններ, ճանաչողական դաս-էքսկուրսիաներ, կլոր սեղան-քննարկումներ և տարաբնույթ այլ  միջոցառումներ:

Թանգարանում զբաղվում են նաև ԵՊՀ պատմությանը, անվանի դասախոսների կյանքին ու գործունեությանը, Արցախյան գոյամարտում զոհված համալսարանական ազատամարտիկներին վերաբերող նյութերի ուսումնասիրությամբ, որի արդյունքում հրատարակվել են մի շարք արժեքավոր գրքեր:

Թանգարանը համագործակցում է ՀՀ բուհական թանգարանների, ԵՊՀ  ֆակուլտետների, ՀՀ ազգային արխիվի, ՀՀ ԳԱԱ հնագիտության և ազգագրության ինստիտուտի հետ, որի շնորհիվ վերականգնվել են մի շարք կարևոր փաստաթղթեր ու առարկաներ:

Թանգարանն ամեն տարի հյուրընկալում է առաջին կուրսի ուսանողներին և հանրակրթական դպրոցների աշակերտների, նրանց ծանոթացնում համալսարանի պատմությանը, երախտավորներին, անվանի շրջանավարտներին, որոնք հետագայում գիտության բնագավառում լայն ճանաչում են ձեռք բերել ոչ միայն մեր հանրապետությունում, այլև միջազգային ասպարեզում: Այս ավանդույթը նպաստում է ուսանողներին սիրելու Մայր բուհը, բարձր պահելու ՙՀամալսարանական՚-ի կոչումը, իսկ դպրոցականներին օգնում` մասնագիտական կողմնորոշման և կյանքի ճիշտ ուղի ընտրելու հարցում:

Թանգարանը ունենում է տարեկան ավելի քան 2000 այցելու` աշակերտներ, ուսանողներ, հյուրեր, ինչպես մեր հանրապետությունից, այնպես էլ արտերկրից, որոնք մեծ հետաքրքրությամբ են ծանոթանում Մայր բուհի պատմությանը և իրենց գրառումները թողնում տպավորությունների գրքում:Թանգարանի աշխատանքային օրերն են.  երկուշաբթիից ուրբաթ:

2013թ. հուլիսից թանգարանի տնօրենն է Հեղինե Գասպարյանը: 

Էլ. հասցեն՝ museum@ysu.am

Հեռ.՝ 060710199

ԵՊՀ ընդհանուր հարցերի գծով պրոռեկտորի հիմնական խնդիրներն են բուհի տնտեսական գործունեության համակարգումը: 

Արման Մալխասյան

ԵՊՀ ընդհանուր հարցերի գծով պրոռեկտոր

Հեռ. ՝ (+347 10)  554810, (+374 60) 710114, 11-14 (ներքին)

Ֆաքս՝ (+347 10)  554641

2016 թվականի դեկտեմբերի 23-ին շահագործման հանձնվեց ԵՊՀ նոր հյուրատունն ու վերանորոգված մարզահամալիրը: ԵՊՀ մարզահամալիրի մասնաշենքերից մեկն ամբողջությամբ վերակառուցվել է՝ որպես եռահարկ հյուրատուն, որը գտնվում է համալսարանի ետնաբակում՝ Ալեք Մանուկյան և Եղիշե Չարենց փողոցների զուգահեռվող միջակայքում:

Եվրոպական ժամանակակից բոլոր պահանջներին համապատասխան կառուցապատված ու կահավորված հյուրատունը (19 սենյակ, կոնֆերանս դահլիճ, ճաշարան) պատրաստ է հյուրընկալելու ինչպես ԵՊՀ այցելած գիտության, կրթության ու մշակույթի անվանի գործիչներին, այնպես էլ Երևանի պատվավոր հյուրերին ու հնարավորության սահմաններում՝ արտասահմանցի զբոսաշրջիկներին:

Հյուրատան լիարժեք կահավորված կոնֆերանս-սրահը հարմար է տարաբնույթ միջոցառումների կազմակերպման համար: Ընդարձակ սրահում, որը հագեցած է անհրաժեշտ տեխնիկական սարքավորումներով, հնարավոր է պատշաճ մակարդակով անցկացնել գիտաժողովներ, սեմինարներ, վերապատրաստման դասընթացներ, համաժողովներ և այլն: ԵՊՀ «Հյուրերի տան» բոլոր համարներն ապահովված են ջեռուցմամբ, տաք ջրամատակարարմամբ, օդորակիչներով, անվճար ինտերնետով, սանհանգույցներով և ավտոմատ հակահրդեհային ահազանգման համակարգով:

Հաշված րոպեների ընթացքում այստեղից ոտքով կարելի է հասնել Երևանի ամենասիրելի զբոսաշրջային վայրեր` Ազատության և Հանրապետության հրապարակներ, Կասկադ համալիր, Հյուսիսային պողոտա, Մատենադարան, Պատմության թանգարան և այլն:

Սենյակներ և արժեքները՝ ՀՀ դրամով (արժեքի մեջ ներառված է նախաճաշը)

Մուտք (Check-in) - 14:00
Ելք (Check-out) - 12:00

Ամրագրման համար՝

Հեռ.՝ (374 60) 710 700
Էլ. փոստ՝ guesthouse@ysu.am

Տնօրեն՝ Ռուդիկ Բարսեղյան
Հեռ.՝ (374 98) 111 155, (374 60) 710 760
Էլ. փոստ՝ r.barseghyan@ysu.am, r.barseghyan@gmail.com

Վարչության խնդիրները՝

• Երևանի պետական համալսարանում ուսման և գիտական աշխատանքների որակի ապահովումը,
• ԵՊՀ ինտեգրումը համաշխարհային գիտակրթական գործընթացներին, պայմանագրերի կնքումը և առկա համագործակցության հետագա ընդլայնումը,
• ԵՊՀ դասախոսների և ուսանողների փոխանակման ծրագրերի կազմակերպումը, գիտական և ուսումնական համատեղ միջոցառումների, սեմինարների, աշխատանքային հանդիպումների, գիտաժողովների և գիտակրթական ցուցահանդեսների կազմակերպումը, գրականության փոխանակումը:
• Օտարերկրյա ուսանողների հավաքագրում, նրանց անձնական գործերի կազմում, հաշվառում, նրանց ընդունելության գործընթացի կազմակերպում:
• ԵՊՀ ժամանող օտարերկրյա մասնագետների, հյուրերի և պատվիրակությունների հրավերների, անհրաժեշտ փաստաթղթերի և մուտքի արտոնագրերի ձևակերպումը (ըստ անհրաժեշտության) և նրանց ընդունելության կազմակերպումը, նրանց կեցության քարտերի երկարաձգման փաստաթղթերի պատրաստումը, նրանց հաշվառման քարտարանի ստեղծումը և տվյալների մշակումը, օտարերկրյա քաղաքացի հանդիսացող աշխատողների անձնական գործերի վարումը:
• ԵՊՀ կանոնադրական նպատակներից բխող միջոցառումների մասնակցելու նպատակով արտասահման մեկնող աշխատողների գործուղումների ձևակերպումը և արտասահման մեկնող սովորողների հրամանագրումը:
• Սփյուռքի հայկական բարեգործական կազմակերպությունների կողմից ԵՊՀ բարձր առաջադիմություն ունեցող և սոցիալապես անապահով ուսանողներին հատկացվող խրախուսական միանվագ կրթաթոշակների բաշխումն ու դրա վերաբերյալ համապատասխան հաշվետվությունների ներկայացումը:
• ԵՊՀ գիտակրթական հետաքրքրությունների համապատասխան` դրամաշնորհային ծրագրերի վերաբերյալ տեղեկատվության վերլուծություն
• գիտական և կրթական գործող ծրագրերի համախմբում, ծրագրերի վերաբերյալ համապատասխան տեղեկատվության ապահովում` ԵՊՀ-ի ամբիոններին և ֆակուլտետներին ներկայացնելու նպատակով,
• համահամալսարանական ֆինանսավորման ներկայացված նախագծերի նախապատրաստում:

Վարչության կառավարումն իրականացնում է վարչության պետը, ով ՝

• կազմակերպում և վերահսկում է վարչության գործունեությունը, ապահովում է վարչության հիմնական գործառույթների իրականացումը և լուծում դրանից բխող հիմնախնդիրները,
• սահմանված կարգով տնօրինում է վարչության ֆինանսական միջոցները,
•  ամենամյա հաշվետվություն է ներկայացնում ԵՊՀ գիտական խորհրդին,
• ներկայացնում է վարչությունը ներհամալսարանական և արտահամալսարանական հարաբերություններում, վարչության անունից հանդես է գալիս պետական մարմիններում և այլ կազմակերպություններում, պատասխանատվություն է կրում վարչության առջև դրված խնդիրների պատշաճ և արդյունավետ լուծման համար

ԵՊՀ միջազգային համագործակցության վարչության պետն է՝

ք.գ.դ, պրոֆ., Ալեքսանդր Մարգարովը

Հեռ.՝ (010) 55-06-12, 060710161, 1161

Ֆաքս՝ (010) 55-06-12

Էլ. հասցե՝ amarkarov@ysu.am

ԵՊՀ միջազգային համագործակցության վարչության կազմում ներառված են հետևյալ բաժինները.

Օտարերկրյա սովորողների կրթության կազմակերպման բաժին

Հեռ. 010555244, 060710136, 1137, 1136

Էլ. հասցե՝ diaspora@ysu.am, foreignstudent@ysu.am

Բաժնի վարիչ՝ Ալեքսանդր Վիրաբյան  , հեռ.՝ 1137

Բաժնի վարիչի տեղակալ՝  բ,գ,թ, դոցենտ, Հայկ Նազարյան, հեռ.  1136

Միջազգային կապերի բաժին

Հեռ. 010554641, 060710138, 1138

Էլ. հասցե՝ international@ysu.am, pr-int@ysu.am 

Բաժնի վարիչ՝  Մուրադ Նուրիջանյան, հեռ. 1001 

Բաժնի վարիչի տեղակալ՝  բ.գ.թ., Նաիրա Մնացականյան, հեռ. 1138

Դրամաշնորհների համակարգման բաժին

Հեռ. 060710135, 1135

Էլ. հասցե՝ a.aproyan@ysu.am

Բաժնի վարիչ՝ ի.գ.թ., Արսեն Ապրոյան, հեռ. 1135

ՖԱԿՈՒԼՏԵՏՆԵՐ

Երևանի պետական համալսարանում գործում են 19 ֆակուլտետներ.

• Աշխարհագրության և երկրաբանության ֆակուլտետ
• Աստվածաբանությանֆակուլտետ
• Արևելագիտության ֆակուլտետ
• Ժուռնալիստիկայի ֆակուլտետ
• Ինֆորմատիկայի և կիրառական մաթեմատիկայի ֆակուլտետ
• Իրավագիտության ֆակուլտետ
• Կենսաբանության ֆակուլտետ
• Հայ բանասիրության ֆակուլտետ
• Մաթեմատիկայի և մեխանիկայի ֆակուլտետ
• Միջազգային հարաբերությունների ֆակուլտետ
• Պատմության ֆակուլտետ
• Ռադիոֆիզիկայի ֆակուլտետ
• Եվրոպական լեզուների և հաղորդակցության ֆակուլտետ
• Ռուս բանասիրության ֆակուլտետ
• Սոցիոլոգիայի ֆակուլտետ
• Տնտեսագիտության և կառավարման ֆակուլտետ
• Փիլիսոփայության և հոգեբանության ֆակուլտետ
• Քիմիայի ֆակուլտետ
• Ֆիզիկայի ֆակուլտետ

ԻՆՍՏԻՏՈՒՏՆԵՐ

Հայագիտական հետազոտությունների Ֆակուլտետներ

Համալսարանի հիմնադրման առաջին իսկ տարիներից, բնագիտական և հասարակական գիտությունների հետ մեկտեղ, մեծ թափ է հաղորդվել նաև հայագիտական ուսումնասիրություններին: 

Հայագիտական կենտրոնի հիմքի վրա 2008 թ. հուլիսի 10-ին Երևանի պետական համալսարանի գիտական խորհրդի կողմից ստեղծվել է ինստիտուտ, որտեղ ներառվել են ԵՊՀ հայագիտական հետազոտությունների կենտրոնը, Հնագիտական հետազոտությունների, Հայաստանի պատմական աշխարհագրության և քարտեզագրության լաբորատորիաները, հայ-վրացական կապերի կենտրոնը և Հայ-օսմանական առնչություններ բաժինը:

Ինստիտուտում գործում են հետևյալ ստորաբաժանումները.

• Բաբկեն Հարությունյանի անվան Հայաստանի պատմական աշխարհագրության և քարտեզագրության լաբորատորիա
• Հայերենագիտության բաժին
• Հայոց պետականության պատմության հիմնախնդիրների հետազոտության բաժին
• Հայ-ռուսական հարաբերությունների բաժին
• Հայ-վրացական հարաբերությունների բաժին
• Հայ-քրդական առնչությունների բաժին
• Հայ-օսմանական առնչությունների բաժին
• Հնագիտական հետազոտությունների լաբորատորիա
• Սփյուռքագիտական հետազոտությունների բաժին
• Վիրտուալ հայագիտության և տեղեկատվության բաժին
• Ցեղասպանագիտության բաժին
• «Հայագիտության հարցեր» հանդեսի խմբագրություն

Հեռ. ՝  (+374 60) 710092, 10-92 (ներքին)

Ֆաքս՝ (+347 60) 710091

Էլ. փոստ.՝ info@armin.am 

Կայք՝ www.armin.am

Ֆարմացիայի ինստիտուտ

1994 թ.-ից Երևանի պետական համալսարանի քիմիայի ֆակուլտետում գործում էր դեղագործական քիմիայի բաժինը և նրան սպասարկող դեղագործական քիմիայի ամբիոնը, որոնք 2012 թ.-ին վերանվանվեցին համապատասխանաբար դեղագիտության բաժնի և դեղագիտության ամբիոնի։ Դրանց հենքի վրա 2017 թ.-ին ստեղծվեց կրթական, գիտահետազոտական և ներդրումային (ինովացիոն) գործառույթների իրականացման առաքելությամբԵՊՀ ֆարմացիայի ինստիտուտը, որի գերագույն խնդիրն է միջազգային չափորոշիչներին համապատասխան դեղագետ (պրովիզոր) մասնագետների պատրաստումը:

Ինստիտուտը համալրված է ժամանակակից լաբորատոր կահույքով, մասնագիտական սարքավորումներով հագեցած ուսումնական և գիտահետազոտական լաբորատորիաներով և դիտակտիկ նյութերով ապահովված լսարաններով:

Ֆարմացիայի ինստիտուտը պատրաստում է ինչպես Ֆարմացիայի բակալավրի և մագիստրոսի աստիճան ունեցող մասնագետներ, այնպես էլ հեռակա ուսուցմամբ Դեղագործական քիմիա մասնագիտությամբ բակալավրի աստիճան ունեցող մասնագետներ:

Ինստիտուտում գործում են հետևյալ ստորաբաժանումները.

Ամբիոններ

• Ֆարմքիմիայի և ֆարմակոգնոզիայի
• Ֆարմտեխնոլոգիայի և ֆարմացիայի էկոնոմիկայի ու կառավարման
• Կենսաբժշկագիտության

Հետազոտական լաբորատորիաներ

• Պոտենցիալ դեղաբանորեն ակտիվ միացությունների սինթեզի և հետազոտման
• Բժշկակենսաբանական սկրինինգի
• Սնկերի կենսաբանության և կենսատեխնոլոգիաների
• Հալենային և նորհալենային դեղապատրաստուկների

Աշոտ Սերոբի Սաղյան

Ֆարմացիայի ինստիտուտի տնօրենի պաշտոնակատար,

ՀՀ ԳԱԱ ակադեմիկոս, քիմիական գիտությունների դոկտոր, պրոֆեսոր

Հեռ. ՝  (+374 60) 710410, (+374 60) 710425 (գրասենյակ), 34-10 (ներքին)

Էլ. փոստ.՝  pharmacy@ysu.am
Կայք՝ www.ysu.am/pharmacy 

Կեսաբանության գիտահետազոտական ինստիտուտ

2014 թ ԵՊՀ գիտական խորհրդի որոշմամբ ստեղծվեց «Կենսաբնություն» գիտահետազոտական ինստիտուտը: 2015 թ. մայիսին «Կենսաբանություն» գիտահետազոտական ինստիտուտի տնօրեն ընտրվեց կենսաբանական գիտությունների թեկնածու, դոցենտ Ալեքսանդր Հրանտի Եսայանը։ Փոխտնօրենն է կենսաբանական գիտությունների թեկնածու, գիտաշխատող Կարեն Արմենի Թռչունյանն է:

Ֆիզիկայի գիտահետազոտական ինստիտուտ

ԻՋԵՎԱՆԻ ՄԱՍՆԱՃՅՈւՂ 

ՀՀ հյուսիսարևելյան տարածաշրջանում գործող «Երևանի պետական համալսարան» հիմնադրամի Իջևանի մասնաճյուղը կրթական և գիտամշակութային հաստատություն է, որի հիմնական առաքելությունը գիտելիքի ստեղծումը, փոխանցումը և տարածումն է կրթության զարգացման պետական ռազմավարության շրջանակներում:

ԵՊՀ Իջևանի մասնաճյուղը հիմնադրվել է 1994 թ.` Իջևանի տարածաշրջանային բազմաճյուղ քոլեջի բազայի վրա: Ելնելով բարձրագույն կրթության զարգացման հեռանկարներից և ՀՀ հյուսիսարևելյան շրջանների կադրային պահանջներից, հաշվի առնելով ժողպատգամավորների Իջևանի շրջանային խորհրդի խնդրանքը (նախագահ Ջ. Գ. Անանյան)` ՀՀ բարձրագույն կրթության և գիտության պետական կոմիտեի կոլեգիան 1991թ. հոկտեմբերի 10-ին որոշում է Իջևանում ստեղծել տարածաշրջանային բազմաճյուղ քոլեջ: Տնօրեն է հաստատվում ֆիզիկամաթեմատիկական գիտությունների դոկտոր, պրոֆեսոր Համլետ Սուրենի Կարայանը:

1994 թ. սեպտեմբերի 19-ին ՀՀ կառավարության թիվ 440 որոշմամբ` Իջևանի տարածաշրջանային քոլեջը վերակազմավորվել է որպես Երևանի պետական համալսարանի Իջևանի մասնաճյուղ, որը գործում է մինչև այսօր:

1996 թ. ապրիլից մինչև 2000 թ. հոկտեմբեր ԵՊՀ Իջևանի մասնաճյուղը ղեկավարել է տնտեսագիտության դոկտոր, պրոֆեսոր Շավարշ Սեդրակի Մարգարյանը:

2000-2018 թթ. ԵՊՀ Իջևանի մասնաճյուղը ղեկավարել է պատմական գիտությունների թեկնածու, դոցենտ Սամվել Արշավիրի Առաքելյանը:

2018 թ. հունիսից մինչև 2019 թ. օգոստոս մասնաճյուղի տնօրենի պաշտոնակատարն էր ֆիզիկամաթեմատիկական գիտությունների թեկնածու, դոցենտ Արտակ Վոլոդյայի Ցուցուլյանը:

2019 թ. սեպտեմբերից ԵՊՀ ԻՄ-ի տնօրենի պաշտոնակատարն է ֆիզիկամաթեմատիկական գիտությունների թեկնածու, դոցենտ Անուշավան Հայկարամի Մակարյանը:

Վերջին տարիները ԵՊՀ Իջևանի մասնաճյուղի համար հատկանշվում են որպես կրթական բարեփոխումների շրջան: Շարունակվում են հետևողական աշխատանքները ուսումնագիտական գործընթացի կայունացման և զարգացման ուղղությամբ: Կատարելագործվում են ուսումնական ծրագրերն ու պլանները` որպես ուսուցման նորացման կարևոր պայման և երաշխիք:

27-ամյա գործունեության ընթացքում ԵՊՀ ԻՄ-ը տվել է ավելի քան 7000 (7154) շրջանավարտ, որոնց մեծամասնությունը հաջողությամբ աշխատում է   հասարակական կյանքի տարբեր ոլորտներում, պետական և հանրային կառույցներում, բանկային համակարգում և այլն: Ավելի քան մեկ տասնյակ շրջանավարտներ պաշտպանել են թեկնածուական ատենախոսություն, աշխատում են մասնաճյուղում:

Ռազմավարական նպատակների իրականացման շրջանակներում մասնաճյուղը միտված է տալու բարձրորակ կրթություն, աջակցելու տարածաշրջանի գիտական, մտավոր, կրթական, տնտեսական և մշակութային առաջընթացին, ստեղծելու տեխնոլոգիապես հագեցած ժամանակակից ուսումնական և աշխատանքային միջավայր, տրամադրելու բարձրորակ և արդյունավետ օժանդակ ծառայություններ:

ԵՊՀ ԻՄ-ի գործունեության հիմնական խնդիրը համալսարանական կրթության բովանդակության և ուսման բարձր որակի ապահովումն  է: Բուհում հետևողական աշխատանքներ են տարվում ուսումնագիտական գործընթացի, մասնավորապես` ուսումնական ծրագրերի ու պլանների կատարելագործման ուղղությամբ: Մասնաճյուղն իրականացում է ԵՊՀ ծրագրերին համապատասխան` առկա և հեռակա ուսուցմամբ բակալավրական կրթություն:

ԵՊՀ ԻՄ-ի գործունեության գերակա նպատակներից է հայագիտության, հումանիտար, սոցիալ-տնտեսագիտական և բնական գիտությունների ու մշակույթի զարգացումը տարածաշրջանում: Դրանից ելնելով` բուհում գործում է 4 ֆակուլտետ` Բնական գիտությունների, Հումանիտար գիտությունների, Տնտեսագիտության, Կիրառական արվեստի և 10 ամբիոն:

Բնական գիտությունների ֆակուլտետն ունի 2 ամբիոն (Ծրագրավորման և ինֆորմացիոն տեխնոլոգիաների, Ընդհանուր մաթեմատիկայի և բնագիտության) և իրականացնում է 2 կրթական ծրագիր («Ինֆորմատիկա և կիրառական մաթեմատիկա», «Քարտեզագրություն և կադաստրային գործ»):

Ֆակուլտետում գործում է Բնագիտության և համակարգչային տեխնիկայի ուսումնական լաբորատորիան:

Հումանիտար գիտություններիֆակուլտետն ունի 4 ամբիոն (Հայոց պատմության և հասարակագիտության,  Հայոց լեզվի և գրականության, Մանկավարժության և հոգեբանության, Օտար լեզուների), 2 սեկցիա (Ռուսաց լեզվի և գրականության, Ֆրանսերեն լեզվի և գրականության) և իրականացնում է 7 կրթական ծրագիր («Պատմություն», «Հայոց լեզու և գրականություն», «Հոգեբանություն», «Ռուսաց լեզու և գրականություն», «Անգլերեն լեզու և գրականություն», «Ֆրանսերեն  լեզու և գրականություն», «Տարրական մանկավարժություն և մեթոդիկա»):

Տնտեսագիտությանֆակուլտետն ունի 2 ամբիոն (Ընդհանուր տնտեսագիտության, Տուրիզմի կառավարման և մշակութաբանության) և իրականացնում է 2 կրթական ծրագիր («Ֆինանսներ (ըստ ոլորտի)», «Զբոսաշրջություն»):

Կիրառական արվեստի ֆակուլտետն ունի 2 ամբիոն (Դեկորատիվ-կիրառական արվեստի և դիզայնի, Գծանկարի, գունանկարի և քանդակի) և իրականացնում է 2 կրթական ծրագիր («Դեկորատիվ-կիրառական արվեստ», «Դիզայն»):

Ֆակուլտետում գործում է 7 արվեստանոց՝ Գծանկարի և գունանկարի, Տեքստիլի, Դիզայնի, Հագուստի մոդելավորման, Խեցեգործության, Քանդակի, Փայտի գեղարվեստական մշակման:

2006 թվականից մասնաճյուղում գործում է Հեռակա ուսուցման բաժինը, ուր իրականացվում է 5-ամյա բակալավրական կրթություն՝ 10 կրթական ծրագրերով («Հայոց լեզու և գրականություն», «Պատմություն», «Հոգեբանություն», «Տարրական մանվարժություն և մեթոդիկա», «Ֆինանսներ (ըստ ոլորտի)», «Սերվիս», «Զբոսաշրջություն», «Ինֆորմատիկա և կիրառական մաթեմատիկա», «Բնապահպանություն և բնօգտագործում», «Քարտեզագրություն և կադաստրային գործ»):

Ներկայումս մասնաճյուղի 4 ֆակուլտետներում առկա ուսուցմամբ 10 մասնագիտությունների գծով ուսանում է 587 ուսանող, հեռակա ուսուցման համակարգում 9 մասնագիտությունների գծով սովորում է 588 ուսանող (24-ը՝ մագիստրոսի կրթական ծրագրով, 564-ը՝ բակալավրի):

ԵՊՀ ԻՄ-ում ուսանողների հետաքրքիր առօրյան  (ուսումնագիտական, գիտակրթական, մշակութային, ժամանցային տարբեր միջոցառումներ և նախաձեռնություններ) ապահովում, նրանց իրավական գիտակցությանը նպաստում են ուսանողական ինքնակառավարման մարմինները` Ուսանողական խորհուրդը (ՈՒԽ), Ուսանողական գիտական ընկերությունը (ՈՒԳԸ):

Մասնաճյուղն ունի ժամանակակից համակարգիչներով հագեցած 4 համակարգչային լսարան, 15981 միավոր գրքով, 1321 գիտական հանդեսներով ու ամսագրերով և 2204 անուն էլեկտրոնային գրականությամբ գրադարան, որի մասն է կազմում նաև ժամանակակից տեխնիկական միջոցներով ապահովված հարմարավետ ընթերցասրահը:

2018 թ. հուլիսին ԵՊՀ ԻՄ-ում բացվել է Ռուսաց լեզվի և մշակույթի կենտրոնը, որը 2020 թ․ նոյեմբերին վերակազմավորվել է որպես Գյումրիում Ռուսաստանի գիտության և մշակույթի կենտրոնի Իջևանի մասնաճյուղ։ Վերջինիս հիմնական նպատակը կրթության, գիտության, մշակույթի, պատմական և ազգագրական գործունեության, երիտասարդական քաղաքականության ոլորտներում հայ-ռուսական համագործակցության զարգացումը և խորացումն է։

2020թ. հունվարից մասնաճյուղում գործում է «Տավուշ» հետազոտական կենտրոնը, որի ստեղծման նպատակներն են ԵՊՀ ԻՄ-ում գիտահետազոտական, գիտակրթական և գիտամեթոդական գործունեության զարգացումը, բնագիտական, սոցիալ-տնտեսական, հումանիտար և մշակույթի ոլորտներում հետազոտական ծրագրերի մշակումը, կազմակերպումը և իրականացումը, հետազոտական աշխատանքների արդյունքների առևտրայնացումը, նորարարական մշակումների իրականացումը, հետազոտական պայմանագրերի և դրամաշնորհների ներգրավումը, ներհամալսարանական դրամաշնորհների հայտարարումը և մրցույթների կազմակերպումը և այլն։

2020 թ. փետրվարից մասնաճյուղում գործում է «Ամերիկյան գրադարան և դասընթացների կենտրոն»-ը, որի նպատակն է մարզի` մասնավորապես Իջևան քաղաքի և հարակից գյուղերի բնակիչների համար կազմակերպել կրթական, մշակութային և տեղեկատվական միջոցառումներ, տարբեր թեմաների շուրջ ուսումնական կարճատև ծրագրեր և անգլերենի անվճար դասընթացներ, որոնց շնորհիվ կզարգանան մասնակիցների սոցիալական և տեխնիկական հմտությունները, ինչպես նաև տեղի բնակչությունը կծանոթանա ամերիկյան արժեքներին, պատմությանը և մշակույթին:

2021 թ. հուլիսից ԵՊՀ ԻՄ-ում պաշտոնապես բացվել է Տավուշի մարզի Գիտելիքի նորարարական հաբը, որի նպատակը EU4Youth Սոցիալական ձեռներեցության էկոհամակարգի զարգացումն է՝ սահմանային գյուղերում կանաչ առաջընթացի համար ծրագրի շրջանակներում Տավուշի մարզում սոցիալական ձեռներեցության էկոհամակարգի խթանումը։ Այն միտված է երիտասարդների նոր գիտելիքիների ձեռք բերմանը, գաղափարների գեներացմանը, դասընթացների ու միջոցառումների կազմակերպմանը։

Հեռ. ՝ (+347 263) 32202

Էլ.փոստ.՝  ijevan@ysu.am

Կայք՝ ijevan.ysu.am

Ուսանողների հետ տարվող աշխատանքների բաժինը ստեղծվել է 1996 թ.-ին ԵՊՀ գիտական խորհրդի որոշմամբ:

Ուսանողների հետ տարվող աշխատանքների բաժինը ստեղծման պահից մինչեւ 2006 թ. գտնվել է ԵՊՀ ուսումնական վարչության կազմում, իսկ այժմ հանդիս է գալիս որպես առանձին սուբյեկտ: Բաժնի գործառույթները հանդիսանում են.

• ԵՊՀ-ում գործող ուսանողական կազմակերպությունների աշխատանքների համակարգումը,
• ուսանողական լայն զարգվածներին տեղեկատվությամբ ապահովելը,
• ուսուցման արդյունավետության բարձրացմանն ուղղված ծրագրերի մշակամումն ու իրականացումը,
• ուսանողների ազատ ժամանցն ու հանգիստը կազմակերպելը,
• ուսանողների սոցիալական վիճակը բարելավելը,
• ԵՊՀ տարածքում ուսանողների ներքին կարգապահության պահպանումն ապահովելը:

Վահագն Մանվելի Վարագյան

Ուսանողների հետ տարվող աշխատանքների կենտրոնի տնօրեն, կենսաբանական գիտությունների թեկնածու

Հեռ. ՝ (+374 60) 710191, 11-91 (ներքին)

Էլ. փոստ.՝  varagyan@ysu.am

ԵՊՀ հրատարակչության անցած ուղին սերտորեն կապված է Մայր բուհի իննսունամյա գործունեությանը, որի ընթացքում հրատարակել է ավելի քան 5500 անուն գիրք:

Նոր էր հիմնվել Հայաստանի առաջին Հանրապետությունը, 1918 թ. հոկտեմբերին Թիֆլիսում հրավիրվում է հատուկ խորհրդակցություն` Հայաստանում համալսարանական տիպի դպրոց հիմնելու մասին: Քննարկմանը մասնակցել են ապագա համալսարանի առաջին ռեկտոր` Սանկտ Պետերբուրգում, Փարիզում, Բրյուսելում իրավագիտություն ուսանած, նաև դասավանդած Յուրի Ղամբարյանը, ՀՀ Հանրային կրթության նախարարի տեղակալ` Փարիզի և Սանկտ Պետերբուրգի համալսարանների շրջանավարտ Դավիթ Զավրյանը, համալսարանական առաջին գրքի նախաձեռնող, Գևորգյան ճեմարանի երկարամյա մանկավարժ Սիրական Տիգրանյանը: Որոշման մեջ ասված է. «Ստեղծել դպրոց կամ դասընթացներ, որոնք կպատրաստեն մասնագետներ` վերջնական նպատակ ունենալով այն դարձնել համալսարան»:

1920թ. հունվարի 31-ին Ալեքսանդրապոլում կայացավ համալսարանի բացումը: Արարողությունը շատ բարձր մակարդակով էր կազմակերպված: Մասնակցում էին վարչապետ Ալ. Խատիսյանը, Հանրապետության մյուս ղեկավարները, Մեծ Բրիտանիայի, Ֆրանսիայի, Իրանի և այլ երկրների դեսպանները:

Նույն օրը` 1920 թ. հունվարի 31-ին, համալսարանը լույս ընծայեց առաջին թերթը`«Հայաստանի համալսարան» խորագրով` փաստորեն սկիզբ դնելով համալսարանական հրատարակչությանը:

Առաջին գիրքը ևս լույս է տեսել Ալեքսանդրապոլում: Սիրական Տիգրանյանը թարգմանել էր ամերիկացի նշանավոր փիլիսոփա Ուիլյամ Ջեյմսի «Հոգեբանություն» ուսումնամեթոդական ձեռնարկը, որից հետո տպագրվել է այդ առարկայի դասախոսությունը:

Շատ ուշագրավ է, թե ովքեր էին համալսարանական առաջին գրքերի հեղինակները և ինչպիսի սկիզբ է ունեցել ԵՊՀ հրատարակչական գործը:

ԵՊՀ հրատարակչության լույս ընծայած գրքերից շատերը շահել են պատվավոր մրցանակներ:

ԵՊՀ հրատարակչությունը ղեկավարել են Հանրապետության ճանաչված մտավորականներ Վսեվոլոդ Սկաբյոլկինը (1957), Արմեն Հակոբյանը (1957-1964), Արամայիս Ասրյանը (1964-1976), Գառնիկ Անանյանը (1976-1985), Բաբկեն Հարությունյանը (1986-1988), Սարգիս Փանոսյանը (1988-1994), Դավիթ Գասպարյանը (1994-1998), Պերճ Ստեփանյան (1998-2014):

Այժմ «ԵՊՀ հրատարկչությունը» ղեկավարում է բանասիրական գիտությունների թեկնածու Կարեն Գրիգորյանը:

Հեռ.` (+347 10)  555570, (+374 60) 710222, 12-22 (ներքին)

Էլ. փոստ.՝  publishing@ysu.am

Կայք՝ publishing.ysu.am

Բաժնի հիմնական նպատակներն  են ԵՊՀ ուսանող-տղաների զինվորական հաշվառումը՝ ըստ զինկոմիսարիատների, պետպատվերով ընդունված տղաների տարեկետման իրավունքի ձևակերպումը, դասախոսների և վարչական մասի աշխատողների զինվորական հաշվառումը:

Հեռ.` (+374 60) 710 005, 10-05 (ներքին)

Բաժնի հիմնական նպատակն է ԵՊՀ-ի գործավարական սպասարկումը, փաստաթղթաշրջանառության արդյունավետ կազմակերպումը և դրանց վարման վերահսկողությունն ու միասնական կարգի կիրառումը: Բաժինն իրեն վերապահված իրավասությունների սահմաններում կազմակերպում է  ԵՊՀ փաստաթղթաշրջանառությունը, մեթոդական և գործնական օգնություն է ցույց տալիս կառուցվածքային ստորաբաժանումներին՝ ընթացիկ գործավարության և արխիվ հանձնման ենթակա փաստաթղթերի հետ տարվող աշխատանքներում, վերահսկողություն է իրականացնում ոչ գաղտնի փաստաթղթերի, նամակների և դիմումների ստացման, դրանց գրանցման և կատարման ժամկետների վերաբերյալ: Կատարում է փոստի և սուրհանդակային ծառայության հետ կատարվող աշխատանքների համակարգումը: Ընդհանուր բաժնի վարիչը վավերացնում և իր ստորագրությամբ հաստատում է ԵՊՀ հիմնական գործունեության վերաբերյալ ռեկտորի, պրոռեկտորների կողմից տրված հրամանների և մյուս փաստաթղթերի իսկությունը, վերահսկում է դրանց պատշաճ սպասարկման և առաքման գործընթացները: Նա պատասխանատվություն է կրում ԵՊՀ զինանշանով կնիքի պահպանությանը, այն ՀՀ օրենսդրությանը և գործող նորմերին համապատասխան կիրառելու, ինչպես նաև ռեկտորի, պրոռեկտորների և գիտական քարտուղարի կողմից ստորագրված փաստաթղթերը զինանշանով, կնիքով վավերացնելու և հաստատելու համար:

Ամալիա Գալստյան

Ընդհանուր բաժնի վարիչ

Հեռ. ` (+374 60) 710 071, 10-71(ներքին)

Էլ.փոստ` secretariat@ysu.am 

ԵՊՀ արխիվն իր առջև դրված խնդիրների և նպատակների իրականացման համար իր իրավասությունների սահմաններում իրականացնում է հետևյալ գործառույթները.

• արխիվում պահպանվող փաստաթղթերի հաշվառում, օգտագործում, դրանց պահպանության ապահովում,
• պետական պահպանության ենթակա փաստաթղթերի նախապատրաստում,
• արխիվում գործավարությամբ ավարտված և գիտատեխնիկական մշակման ենթարկված Հայաստանի Հանրապետության արխիվային հավաքածուի բաղկացուցիչ մասը կազմող փաստաթղթերի, ինչպես նաև անձնակազմի վերաբերյալ գործերի երկարաժամկետ (10 տարուց ավելի) փաստաթղթերի և համալսարանի ուսանողների, դասախոսների ու գիտնականների անձնական փաստաթղթերի պահպանում,
• սահմանված կարգով փաստաթղթերի ընդունում,
• արխիվում գտնվող փաստաթղթերի պահպանման կատարելագործում,
• կառուցվածքային ստորաբաժանումներից համապատասխան փաստաթղթերը ժամանակին արխիվ հանձնելու վերաբերյալ հետևողական հսկողություն,
• քաղաքացիների դիմումները բավարարելու համար տեղեկանքների կազմում և դրանց հիմքերի ճշգրտում,
• իրականացնում է համալսարանի ռեկտորի հրամաններով և Հայաստանի Հանրապետության օրենսդրությամբ նախատեսված  այլ գործառույթներ,
• համալսարանի ռեկտորի հանձնարարությամբ կատարում է այլ գործառույթներ:

Գայանե Վարդերեսյան
Արխիվի վարիչ

Հեռ. ` (+374 60) 710 16, 10-16(ներքին)

Երևանի պետական համալսարանի արհեստակցական կազմակերպությունը` Արհկոմիտեն, ձևավորվել է 1946 թվականին: Գործունեության առաջին տարիներին կազմակերպությունը զբաղվել է հիմնականում երկրորդ համաշխարհային պատերազմին մասնակցած համալսարանականների և նրանց ընտանիքների սոցիալական խնդիրներով:

Այնուհետև, կազմակերպության գործունեությունը միտված է եղել ԵՊՀ աշխատողների աշխատանքային և դրա հետ կապված սոցիալական շահերի ու իրավունքների պաշտպանությանը, ինչը և իրականացվում է առ այսօր: 

Սկսած 1955 թվականից մինչ օրս համալսարանի արհմիությունը իրականացրել է հաշվապահական գործունեություն, ունեցել է բանկային հաշվի համար և կնիք:

Ելնելով  օրենքի պահանջներից` ԵՊՀ Արհկոմիտեի 2002 թվականի փետրվարի 12-ին կայացած ընդլայնված նիստում ընդունվեց որոշում, որի համաձայն մինչ այդ գործող «ԵՊՀ միացյալ արհմիութենական կազմակերպությունը», որին անդամակցում էին նաև ուսանողները, վերակազմավորվեց «ԵՊՀ արհեստակցական կազմակերպության»: Նիստում քննարկվեց և հաստատվեց կազմակերպության նոր կանոնադրությունը: Նույն թվականի մարտի 5-ին «ԵՊՀ արհեստակցական կազմակերպությունը» գրանցվեց ՀՀ արդարադատության նախարարությունում և ստացավ իրավաբանական անձի կարգավիճակ:

ԵՊՀ արհեստակցական կազմակերպության հիմնական խնդիրներն ու գործառույթներն են՝

• Մասնակցել գործատուի կողմից արհեստակցական կազմակերպության անդամների աշխատանքային, սոցիալ-տնտեսական և իրավական շահերը շոշափող կանոնակարգերի մշակման աշխատանքներին,
• Համալսարանի աշխատողների աշխատանքային և դրա հետ կապված սոցիալական և այլ շահերն ու իրավունքները ներկայացնելու և պաշտպանելու նպատակով նախաձեռնել ու կնքել կոլեկտիվ պայմանագիր գործատուի հետ, հսկողություն իրականացնել դրա կատարման ուղղությամբ,
• Համաձայն գործող օրենսդրության մասնակցել կոլեկտիվի աշխատանքային վեճերի կարգավորմանը,
• Համագործակցել հանրապետության և օտարերկրյա արհեստակցական կազմակերպությունների աշխատանքային փորձը, կազմակերպել արհմիութենական ակտիվի ուսուցում,
• Ստանալ և տարածել տեղեկատվություն կապված Արհկոմիտեի անդամների սոցիալ-տնտեսական և աշխատանքային հարցերի հետ,
• ՀՀ օրենսդրությանը համապատասխան վերահսկել գործատուի կողմից աշխատանքային օրենսդրության և աշխատանքի պաշտպանության կանոնների պահպանումը,
• Մշակել և իրականացնել աշխատողների առողջարանային բուժման և հանգստի կազմակերպման, զբոսաշրջիկության և մարզական միջոցառումների ծրագրեր, ինչպես նաև օժանդակել սոցիալական համագործակցության զարգացմանը:

Արմեն Ռուդոլֆի Ավետիսյան

ԵՊՀ արհեստակցական կազմակերպության նախագահ, բան. գիտությունների թեկնածու

Հեռ.` (+374 60) 710176, 11-76 (ներքին)

Էլ. փոստ.՝  info@ysutu.am

Կայք՝ www.ysutu.am