02.03.2021 | 
Հասարակություն
ԱՐԻ՛ ԵՊՀ. «EXPO-2021»-Ը ՇԱՐՈՒՆԱԿՎՈՒՄ Է
ԱՐԻ՛ ԵՊՀ. «EXPO-2021»-Ը ՇԱՐՈՒՆԱԿՎՈՒՄ Է
ԵՊՀ մինչհամալասարանական կրթության վարչության նախաձեռնությամբ ԵՊՀ բոլոր ֆակուլտետներում ու ինստիտուտներում մարտի 1-5-ն իրականացվում են իրազեկող առցանց հանդիպումներ: Այսօր իրենց գործունեությունն են ներկայացրել ԵՊՀ 4 ֆակուլտետներ:

Ինչպես արդեն տեղեկացրել ենք, երեկ մեկնարկել է «Expo-2021» միջոցառումը, որի նպատակն է նպաստել դիմորդների մասնագիտական կողմնորոշմանը և գիտակից ընտրությանը:

 

Այսօր առցանց հանդիպման մասնակիցներին իրենց աշխատանքներին ծանոթացրել են Աշխարհագրության և երկրաբանության, Ռուս բանասիրության, Փիլիսոփայության և հոգեբանության ու Ինֆորմատիկայի և կիրառական մաթեմատիկայի ֆակուլտետները:

 

Առցանց հանդիպման մասնակիցներին այսօր ներկայացվել են համապատասխան ֆակուլտետների կառուցվածքը, գործունեությունը և կրթական ծրագրերը:

 

Բացի դրանից՝ ֆակուլտետների ներկայացուցիչները մանրամասն բացատրել են ընդունելության կարգի հետ կապված հարցերը, խոսել մասնագիտական առանձնահատկությունների, կրթություն-աշխատաշուկա կապերի ու հեռանկարների մասին և պատասխանել մասնակիցների հարցերին:

 

Հիշեցնենք, որ «Expo-2021»-ն իրականացվում է մարտի 1-5-ը: Ֆակուլտետային առցանց հանդիպումների ժամանակացույցն ու «Zoom» հարթակում մասնակցության համար անհրաժեշտ հղումները կարող եք տեսնել այստեղ:

 

Քնար Միսակյան

 

Այլ նորություններ
ԵՊՀ-Ն ԵՎ «ԱՅԳ»-Ը ՄԻԱՎՈՐՈՒՄ ԵՆ ՈՒԺԵՐԸ
ԵՊՀ կիրառական հոգեբանության կենտրոնն ու «Այգ» հոգեբանական ծառայությունների կենտրոնն այսօր համաձայնագիր են ստորագրել՝ ազդարարելով համագործակցության նոր սկզբի մասին:
«ԼՍԱՐԱՆՈՒՄ ՊԵՏՔ Է ՓՈԽՀԱՄԱԳՈՐԾԱԿՑՈՒԹՅՈՒՆ ԼԻՆԻ, ԻՍԿ ԴՐԱ ՀԻՄՔՈՒՄ՝ ԳԻՏԵԼԻՔ». ՆԱՐԻՆԵ ՀԱՐՈՒԹՅՈՒՆՅԱՆ
ԵՊՀ ընդհանուր հոգեբանության ամբիոնի դոցենտ Նարինե Հարությունյանը «Երևանի պետական համալսարանում դասավանդման գերազանցության մրցանակ» ամենամյա մրցույթի հասարակագիտական անվանակարգի հաղթողներից մեկն է: Տիկին Հարությունյանի հետ զրուցել ենք մասնագիտական ու մանկավարժական գործունեության, ընտանիքի կայունության վրա ազդող գործոնների, արժեհամակարգային փոփոխությունների, ինչպես նաև որդու՝ Արցախյան 44-օրյա պատերազմում հերոսացած ու անմահացած, ԵՊՀ իրավագիտության ֆակուլտետի ուսանող Խաչիկ Պողոսյանի մասին։