08.02.2021 | 
Ուսանողական
ՈՒՍԱՆՈՂԱԿԱՆ ՆՊԱՍՏՆԵՐ ԵՎ ՆԵՐԲՈՒՀԱԿԱՆ ԿՐԹԱԹՈՇԱԿՆԵՐ. ԻՐԱԶԵԿՄԱՆ ԾՐԱԳԻՐ ՈՒՍԱՆՈՂՆԵՐԻ ՀԱՄԱՐ
ՈՒՍԱՆՈՂԱԿԱՆ ՆՊԱՍՏՆԵՐ ԵՎ ՆԵՐԲՈՒՀԱԿԱՆ ԿՐԹԱԹՈՇԱԿՆԵՐ. ԻՐԱԶԵԿՄԱՆ ԾՐԱԳԻՐ ՈՒՍԱՆՈՂՆԵՐԻ ՀԱՄԱՐ
ԵՊՀ ՈՒԽ-ն նախաձեռնել ու իրականացրել է «Իրազեկում. ուսանողական նպաստներ և ներբուհական կրթաթոշակներ» երկօրյա ծրագիրը:

ԵՊՀ ՈւԽ իրավական հանձնաժողովի կողմից կազմակերպված և փետրվարի 6-7-ը տեղի ունեցած ամենամյա միջոցառումն այս տարի իրականացվել է առցանց։ Մեզ հետ զրույցում հանձնաժողովի նախագահ Կարոլինա Հարությունյանն ասաց, որ ծրագրին մասնակցել են ինչպես առաջինկուրսեցիներ, այնպես էլ այլ կուրսերի ուսանողներ:

 

Նրա խոսքով, հաշվի առնելով թեմայի կարևորությունը և հանդիպումն առավել արդյունավետ կազմակերպելու անհրաժեշտությունը՝ իրազեկման ծրագիրն այս տարի իրականացվել է հինգ հանդիպման ձևաչափով, որոնցից յուրաքանչյուրի ժամանակ Իրավական հանձնաժողովի պատասխանատուները հանդիպել են ԵՊՀ բոլոր ֆակուլտետների ուսանողների հետ և նրանց ներկայացրել թեման։

 

 

Բանախոսները հանդիպումների ժամանակ ներկայացրել են ուսման վարձի լրիվ և մասնակի փոխհատուցման հիմքերը, պայմանները և ընթացակարգը, պետության և ԵՊՀ-ի կողմից տրամադրվող զեղչերը և արտոնությունները, ինչպես նաև պետական և անվանական կրթաթոշակների հավակնելու պահանջները։

 

Յուրաքանչյուր հանդիպման ավարտին առանձին ժամանակ է հատկացվել հուզող հարցերին պատասխանելուն, ինչպես նաև հանդիպման մասնակից յուրաքանչյուր ուսանողի համար հարմար փոխհատուցման հիմք ընտրելուն։ Հանդիպման ժամանակ հարցեր և պատասխաններ են հնչել նաև տարկետման ու տեղափոխության վերաբերյալ։

 

 

Կարոլինա Հարությունյանը մեզ հետ զրույցում հավելել է, որ հիմք ընդունելով ուսանողների հետաքրքրությունը տարկետման և տեղափոխության վերաբերյալ՝ որոշվել է հաջորդ «Իրազեկումը» նվիրել հենց այդ իրավահարաբերությունների ներկայացմանը։

 

«Շատ ոգևորիչ է, որ ուսանողները ներկայումս պահանջատեր են իրենց իրավունքների և պարտականությունների իմացության հարցում և բաց չեն թողնում իրազեկ լինելու հնարավորությունը։ Պատահական չէ, որ Իրավական հանձնաժողովի կարգախոսն է՝ իրազեկված նշանակում է պաշտպանված»,- ասաց Կարոլինա Հարությունյանը։

 

Քնար Միսակյան

Այլ նորություններ
«ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ. ՀՀ ՍՊԱՌՆԱԼԻՔՆԵՐԸ ՀԵՏՊԱՏԵՐԱԶՄՅԱՆ ՇՐՋԱՆՈՒՄ» ԽՈՐԱԳՐՈՎ ՀԱՆԴԻՊՈՒՄ ՏԻԳՐԱՆ ԱԲՐԱՀԱՄՅԱՆԻ ՀԵՏ
ՈՒԽ Լ. Ազգալդյանի անվան մարտական ակումբն այսօր ԵՊՀ գիտխորհրդի նիստերի դահլիճում կազմակերպել էր հանդիպում «Հենակետ» վերլուծական կենտրոնի ղեկավար Տիգրան Աբրահամյանի հետ:
ԵՎՐՈՊԱՅԻ ՉԵՄՊԻՈՆՆԵՐԸ՝ ԵՊՀ ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՈՒՄ
Երևանի պետական համալսարանի Չարենցի անվան դահլիճում այսօր տեղի է ունեցել հանդիպում Եվրոպայի չեմպիոններ, վերջերս Բուդապեշտում ընթացող ազատ ոճի ըմբշամարտի վարկանիշային մրցաշարի ոսկե մեդալակիրներ և այս տարվա ամռանը Տոկիոյում կայանալիք 32-րդ ամառային օլիմպիական խաղերի ուղեգրեր նվաճած ազատ ոճի ըմբիշներ Արսեն Հարությունյանի և Վազգեն Թևանյանի հետ։