23.02.2021 | 
Հասարակություն
ԿԱՐԵՆ ԹՌՉՈՒՆՅԱՆԸ ՆՇԱՆԱԿՎԵԼ Է ԿԳՄՍ ՓՈԽՆԱԽԱՐԱՐ
ԿԱՐԵՆ ԹՌՉՈՒՆՅԱՆԸ ՆՇԱՆԱԿՎԵԼ Է ԿԳՄՍ ՓՈԽՆԱԽԱՐԱՐ
Վարչապետ Նիկոլ Փաշինյանի որոշմամբ ԵՊՀ կենսաքիմիայի, մանրէաբանության և կենսատեխնոլոգիայի ամբիոնի վարիչի պաշտոնակատար Կարեն Թռչունյանը նշանակվել է ՀՀ ԿԳՄՍ փոխնախարար:

Կենսաբ. գիտ. դոկտոր, դոցենտ Կարեն Թռչունյանն ավարտել է ԵՊՀ կենսաբանության ֆակուլտետը: 2011-2013 թթ. նա սովորել է ԵՊՀ կենսաֆիզիկայի ամբիոնի ասպիրանտուրայում:

 

2011-2015 թթ. եղել է կրտսեր գիտաշխատող, 2015 թ. առ այսօր աշխատում է Կենսաբանության գիտահետազոտական ինստիտուտի մանրէաբանության, կենսաէներգետիկայի և կենսատեխնոլոգիայի լաբորատորիայում: 2015-2019 թթ. եղել է Կենսաքիմիայի, մանրէաբանության և կենսատեխնոլոգիայի ամբիոնի ասիստենտ, 2019 թվականից՝ նույն ամբիոնի դոցենտ: 2018 թվականից Կարեն Թռչունյանը ԵՊՀ մանրէաբանական կենսատեխնոլոգիաների և կենսավառելիքի նորարարական կենտրոնի տնօրենն է:

 

Նա մասնակցել է մի շարք դրամաշնորհային ծրագրերի և վերապատրաստումների, անդամակցում է մի շարք խորհուրդների և խմբագրական կոլեգիաների: Մասնակցել է միջազգային մի շարք գիտաժողովների:

 

Կարեն Թռչունյանի գիտական հետաքրքրությունների շրջանակը ներառում է կենսաքիմիան, կենսատեխնոլոգիան, կենսաֆիզիկան, կենսաէներգետիկան և մանրէաբանությունը: Նա հեղինակ է 100-ից ավելի գիտական աշխատանքների: Նրա «h ինդեքսը» 22 է, իսկ նրա գիտական աշխատանքներն ունեն ավելի քան 1000 հղում:

 

Մեզ հետ զրույցում Կարեն Թռչունյանն ասաց, որ մեծ դժվարությամբ է ընդունել փոխնախարարի պաշտոնում աշխատելու առաջարկը, բայց և վստահեցրեց, որ կիրառելով իր գիտելիքները, հմտություններն ու փորձը՝ կանի ամեն ինչ, որ Հայաստանում բարձրագույն կրթությունն ավելի բարելավվի և համապատասխանեցվի միջազգային չափորոշիչներին:

 

Քնար Միսակյան

Այլ նորություններ
ՀԱՅՏՆԻ ԵՆ «ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆՈՒՄ ԴԱՍԱՎԱՆԴՄԱՆ ԳԵՐԱԶԱՆՑՈՒԹՅԱՆ ՄՐՑԱՆԱԿ» ԱՄԵՆԱՄՅԱ ՄՐՑՈՒՅԹԻ 2021 Թ. ՀԱՂԹՈՂՆԵՐԸ
Ամփոփվել են ԵՊՀ-ում դասավանդման մեթոդների կատարելագործումը խթանելու, արդի մեթոդների կիրառմանը, ինչպես նաև լավագույն փորձի տարածմանը նպաստելու նպատակով հայտարարված մրցույթի արդյունքները:
ԵՊՀ ՌԵԿՏՈՐԻ ԺԱՄԱՆԱԿԱՎՈՐ ՊԱՇՏՈՆԱԿԱՏԱՐ ԳԵՂԱՄ ԳԵՎՈՐԳՅԱՆԻ ՈՒՂԵՐՁԸ ՀԱՄԱԼՍԱՐԱՆԻ 102-ԱՄՅԱԿԻ ԱՌԹԻՎ
ԵՊՀ ռեկտորի ժամանակավոր պաշտոնակատար Գեղամ Գևորգյանը հանդես է եկել շնորհավորական ուղերձով՝ դիմելով բոլոր համալսարանականներին։