02.10.2019 | 
Ուսանողական, Հասարակություն
«ՍՈՑԻԱԼԱԿԱՆ ՄԱՆԿԱՎԱՐԺԻ ԳՈՐԾՈՒՆԵՈՒԹՅՈՒՆԸ ՈՉ ԹԵ ՍՈՍԿ ՊԱՐՏԱԿԱՆՈՒԹՅՈՒՆ Է, ԱՅԼ ԱՌԱՔԵԼՈՒԹՅՈՒՆ» . ՀՈԿՏԵՄԲԵՐԻ 2-ԻՆ ՆՇՎՈՒՄ Է ՍՈՑԻԱԼԱԿԱՆ ՄԱՆԿԱՎԱՐԺՆԵՐԻ ՕՐԸ
«ՍՈՑԻԱԼԱԿԱՆ ՄԱՆԿԱՎԱՐԺԻ ԳՈՐԾՈՒՆԵՈՒԹՅՈՒՆԸ  ՈՉ ԹԵ ՍՈՍԿ ՊԱՐՏԱԿԱՆՈՒԹՅՈՒՆ Է, ԱՅԼ ԱՌԱՔԵԼՈՒԹՅՈՒՆ» . ՀՈԿՏԵՄԲԵՐԻ 2-ԻՆ ՆՇՎՈՒՄ Է ՍՈՑԻԱԼԱԿԱՆ ՄԱՆԿԱՎԱՐԺՆԵՐԻ ՕՐԸ
ԵՊՀ հայ բանասիրության ֆակուլտետի դահլիճում այսօր ԵՊՀ մանկավարժության և կրթության զարգացման կենտրոնը նշել է Սոցիալական մանկավարժի օրը:

Ավանդական դարձած այս միջոցառմանը ներկա էին Մանկավարժության և կրթության զարգացման կենտրոնի տնօրեն Նազիկ Հարությունյանը, Հայ բանասիրության ֆակուլտետի փոխդեկաններ Արտաշես Սարգսյանը և Վարդան Եղիազարյանը, պրոֆեսորադասախոսական կազմի ներկայացուցիչներ, ուսանողներ:

Ներկաներին ողջունեց և շնորհավորեց Մանկավարժության և կրթության զարգացման կենտրոնի տնօրեն, մանկավարժական գիտությունների դոկտոր, պրոֆեսոր Նազիկ Հարությունյանը:



«Սիրելի՛ ուսանողներ, հարգելի՛ գործընկերներ, սոցիալական մանկավարժի մասնագիտությունն աշխարհի ամենամարդասիրական մասնագիտություններից մեկն է, քանի որ սոցիալական մանկավարժի սոցիալ-մանկավարժական գործունեության հիմքում ընկած է մարդասիրությունը»,- ասաց տիկին Հարությունյանը:

Վերջինիս խոսքով, հանրակրթական դպրոցներում, ընտանիքներում երեխաների առջև ծառացած են տարաբնույթ խնդիրներ, որոնց լուծման համար անհրաժեշտ է սոցիալական մանկավարժի օգնությունը:

«Սոցիալական մանկավարժի գործունեությունը ոչ թե սոսկ պարտականություն է, այլ առաքելություն, և ամենամեծ որակը, որ պետք է դրսևորի սոցիալական մանկավարժը, սերն է երեխաների և մարդկանց հանդեպ»,- ընդգծեց Ն. Հարությունյանը:

Օրը նշանավորվեց նաև առաջինկուրսեցիների երդման արարողությամբ:



Ապագա մասնագետները երդվեցին լինել երեխայասեր, օգնող, համբերատար, երեխաների շահերի պաշտպան և այլն:

Երդման արարողությունից հետո չորրորդ կուրսի ուսանողները շնորհավորեցին առաջինկուրսեցիներին և նվիրեցին խորհրդանշական վզկապներ:

Միջոցառման ընթացքում ուսանողները ներկայացրին սոցիալական մանկավարժի մասնագիտության առանձնահատկությունները, անդրադարձան սոցիալական մանկավարժության արդի հիմնախնդիրներին:

Անգին Խաչատրյան

Այլ նորություններ
ԸՆՏՐՈՒԹՅՈՒՆՆԵՐԻ ԵՎ ՀԱՆՐԱՔՎԵՆԵՐԻ ՆԿԱՏՄԱՄԲ ՄԻՋԱԶԳԱՅԻՆ ՀՍԿՈՂՈՒԹՅՈՒՆԸ. ՍԵՄԻՆԱՐ ԵՊՀ-ՈՒՄ
ԵՊՀ իրավագիտության ֆակուլտետի նախաձեռնությամբ դասախոսությամբ է հանդես եկել ԱՊՀ միջխորհրդարանական վեհաժողովի խորհրդի քարտուղարության ղեկավարի տեղակալ, Ժողովրդավարության, պառլամենտարիզմի զարգացման և ԱՊՀ երկրների քաղաքացիների ընտրական իրավունքների պաշտպանության մոնիթորինգի միջազգային ինստիտուտի տնօրեն Մուշկետ Իվան Իլիչը։
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին: