05.04.2021 | 
Կրթություն
«ՀԱՅԿԱԿԱՆ ԺԱՌԱՆԳՈՒԹՅՈՒՆՆ ԱՆԻԻ ՏԱՐԱԾԱՇՐՋԱՆՈՒՄ ԵՎ ՀԵՏԵՎԱՆՔՆԵՐԸ ԱՐՑԱԽԻ ՀԱՄԱՐ». ԱՌՑԱՆՑ ՎԵԲԻՆԱՐ
«ՀԱՅԿԱԿԱՆ ԺԱՌԱՆԳՈՒԹՅՈՒՆՆ ԱՆԻԻ ՏԱՐԱԾԱՇՐՋԱՆՈՒՄ ԵՎ ՀԵՏԵՎԱՆՔՆԵՐԸ ԱՐՑԱԽԻ ՀԱՄԱՐ». ԱՌՑԱՆՑ ՎԵԲԻՆԱՐ
Երևանի պետական համալսարանի ուսանողական գիտական ընկերության նախաձեռնությամբ կայացել է առցանց վեբինար՝ «Հայկական ժառանգությունն Անիի տարածաշրջանում և հետևանքները Արցախի համար» խորագրով:

Առցանց վեբինարի բանախոսն էր ԱՄՆ Մասաչուսեթս նահանգում գտնվող Թաֆթս համալսարանի արվեստի և արվեստի պատմության պրոֆեսոր Քրիստինա Մարանսին:

 

Դասախոսության կազմակերպմանն աջակցել էր ԵՊՀ պատմության ֆակուլտետի հայոց պատմության ամբիոնի դասախոս, պատմական գիտությունների թեկնածու, դոցենտ Միքայել Մալխասյանը:


Հանդիպման սկզբում Քրիստինա Մարանսին նշեց, որ առաջին անգամ է առցանց հանդիպում ունենում Հայաստանի ուսանողների հետ, ինչը բավականին ուրախալի է:


Բանախոսը հայ արվեստի, ճարտարապետության և հնագիտության մասնագետ է և իր հայանպաստ գործունեությամբ մեծ ներդրում է ունեցել հայկական արվեստի, մշակույթի, ճարտարապետության, հնագիտության ուսումնասիրման մեջ: Վերջինս այդ բնագավառներում կատարել է մի շարք հետազոտություններ:

 


Վեբինարի ընթացքում անդրադարձ կատարվեց Անիի տարածաշրջանի պատմամշակութային ժառանգությանը և այն կոթողներին, որոնք ոչնչացվել են Արցախում Ադրբեջանի կողմից: Խոսվեց Արցախի ներկա իրավիճակի, հայկական ժառանգության ոչնչացման եզրին կանգնած լինելու մասին:


Բանախոսն անդրադարձավ Անիի տարածաշրջանի հնագիտական և մշակութային ժառանգությանը, իսկ դասախոսության ավարտին նշեց, որ նման հանդիպումներ ցանկալի է հետագայում նույնպես կազմակերպել:


Հանդիպման մասնակիցները բանախոսին հղեցին թեմայի վերաբերյալ իրենց հուզող հարցերը և ստացան սպառիչ պատասխաններ:

Այլ նորություններ
ԵՊՀ-Ն ԻՐԱԿԱՆԱՑՆՈՒՄ Է ՊԱՐՏԱԴԻՐ ԱՏԵՍՏԱՎՈՐՄԱՆ ԵՆԹԱԿԱ ՈՒՍՈՒՑԻՉՆԵՐԻ ՎԵՐԱՊԱՏՐԱՍՏՄԱՆ ԴԱՍԸՆԹԱՑ
Երևանի պետական համալսարանը երաշխավորվել է որպես ատեստավորման ենթակա ուսուցչին վերապատրաստող կազմակերպություն, որի ներկայացրած դասընթացի մոդուլը հաստատվել է ԿԳՄՍ նախարարի կողմից:
«ԸՆՏԱՆԻՔԻ ՀՈԳԵԲԱՆՈՒԹՅՈՒՆ». ՄԱԳԻՍՏՐՈՍԱԿԱՆ ՆՈՐ ԾՐԱԳԻՐ ԵՊՀ-ՈՒՄ
ԵՊՀ փիլիսոփայության և հոգեբանության ֆակուլտետում ներդրվել է «Ընտանիքի հոգեբանություն» մագիստրոսական նոր ծրագիրը, որի նպատակն է ընտանիքի հետ աշխատող ապագա մասնագետներին տրամադրել տեսական և գործնական գիտելիքներ, որոնք կհամապատասխանեն ժամանակակից ընտանիքի հիմնախնդիրների լուծման ու հաղթահարման պահանջներին: