11.06.2014 | 
Քաղաքականություն
«ՄԱՅՐ ԲՈՒՀՆ ԱՆԸՆԴՀԱՏ ԲԱՐՁՐԱՑՆՈՒՄ Է ՆՇԱՁՈՂԸ». ԳԱԼՈՒՍՏ ՍԱՀԱԿՅԱՆ
«ՄԱՅՐ ԲՈՒՀՆ ԱՆԸՆԴՀԱՏ ԲԱՐՁՐԱՑՆՈՒՄ Է ՆՇԱՁՈՂԸ». ԳԱԼՈՒՍՏ ՍԱՀԱԿՅԱՆ
ԵՊՀ գիտնականները պարգևատրվեցին ՀՀ Ազգային ժողովի Պատվո մեդալներով:

Հունիսի 10-ին խորհրդարանի Ոսկեզօծ դահլիճում ՀՀ ԱԺ նախագահ Գալուստ Սահակյանը ԵՊՀ հիմնադրման 95-ամյա հոբելյանի կապակցությամբ գիտության, կրթության ոլորտներում ներդրած մեծ ավանդի և բեղմնավոր գիտամանկավարժական գործունեության համար ՀՀ Ազգային ժողովի Պատվո մեդալով պարգևատրեց կրթության և գիտության ոլորտների ներկայացուցիչներին: ԱԺ նախագահը հանդիսավոր պայմաններում հանձնեց Ազգային ժողովի Պատվո մեդալները և ԱԺ նախագահի շնորհակալագրերը:

 

ՀՀ ԱԺ Պատվո մեդալներով պարգևատրվեցին ԵՊՀ ֆիզիկայի ֆակուլտետի դեկան, ֆիզմաթ. գիտ. դոկտոր, պրոֆեսոր, ՀՀ ԳԱԱ թղթակից անդամ Ռոլանդ Ավագյանը, ԵՊՀ փիլիսոփայության և հոգեբանության ֆակուլտետի դեկան, փիլ. գիտ. թեկնածու, դոցենտ Ալեքսան Բաղդասարյանը, ԵՊՀ պատմության ֆակուլտետի դեկան, պատմ. գիտ. դոկտոր, պրոֆեսոր Էդիկ Մինասյանը, ԵՊՀ տնտեսագիտության ֆակուլտետի դեկան, տնտես. գիտ. դոկտոր, պրոֆեսոր Հայկ Սարգսյանը, ԵՊՀ ուսումնամեթոդական վարչության պետ, կենս. գիտ. թեկնածու, դոցենտ Հրանտ Ժամհարյանը:

 

ՀՀ ԱԺ նախագահի շնորհակալագրերին արժանացան ԵՊՀ օպտիմալ կառավարման տեսության և մոտավոր մեթոդների ամբիոնի դոցենտ, ֆիզիկամաթեմատիկական գիտությունների թեկնածու, դոցենտ Միքայել Պողոսյանը, ԵՊՀ աստվածաբանության ամբիոնի վարիչ, պատմական գիտությունների դոկտոր, դոցենտ Ռաֆիկ Վարդանյանը, ԵՊՀ քիմիայի ֆակուլտետի դեկան, քիմիական գիտությունների դոկտոր, պրոֆեսոր Տարիել Ղոչիկյանը, ԵՊՀ քրեական իրավունքի ամբիոնի դոցենտ, իրավաբանական գիտությունների թեկնածու Աննա Մարգարյանը, ԵՊՀ օպտիկայի ամբիոնի պրոֆեսոր, ֆիզիկամաթեմատիկական գիտությունների դոկտոր Համլետ Կարայանը:

 

ԱԺ նախագահ Գալուստ Սահակյանը շնորհավորեց պարգևատրվածներին և նշեց, որ հաշվի առնելով արդեն ավելի քան 9 տասնամյակ շարունակվող ԵՊՀ ավանդույթները՝ Մայր բուհի պրոֆեսորադասախոսական այսօրվա կազմը ևս դրանց արժանի շարունակողն է:

 

«ԵՊՀ-ի հիմնադրմամբ 95 տարի առաջ Հայաստանում սկիզբ դրվեց ժամանակակից բարձրագույն կրթությանը: Ինքս շատ հպարտ եմ, որ այս բուհի շրջանավարտ եմ և կրկնակի հպարտությամբ ուզում եմ արձանագրել, որ ինչպես իմ ուսանելու տարիներին, այնպես էլ այսօր Երևանի պետական համալսարանը իսկապես Հայաստանի մայր բուհն է՝ մնալով առաջատարը թե՛ գիտելիքների մատուցման, թե՛ կրթության որակի, թե մասնագետներ պատրաստելու, և, իհարկե, պրոֆեսորադասախոսական կազմի առումով: Ինձ համար Մայր բուհը միշտ երիտասարդ է, չնայած 95 տարեկան է: Սա պատկառելի տարիք է, միաժամանակ տարիք, որը հնարավորություն է տալիս երիտասարդական եռանդով և նախաձեռնողականությամբ ձգտելու դեպի ապագա, նախանշելու նոր նպատակներ և հասնելու դրանց, որովհետև բուհն ամեն տարի ուսանողական այնպիսի էներգիա և ավյուն է ստանում, որ նրա զարկերակը միշտ տրոփում է աշխույժ ու ակտիվ»,- ասաց ԱԺ նախագահը:

 

ԱԺ նախագահ Գալուստ Սահակյանը հավելեց, որ այս մեդալներն ու շնորհակալագրերը համալսարանական գիտնականները կարող են համարել իրենց արժանապատիվ աշխատանքի համեստ գնահատականը:

 

 

«Համոզված եմ, որ հաջորդ հոբելյանին ԵՊՀ-ն արձանագրած կլինի ավելի մեծ հաջողություններ, որոնցում, անշուշտ, ձեր աշխատանքով կշարունակեք էական ներդրում ունենալ նաև դուք, հարգելի՛ բարեկամներ»,- եզրափակեց ԱԺ նախագահը:

Այլ նորություններ
ԵՊՀ ՀՈԳԱԲԱՐՁՈՒՆԵՐԻ ԽՈՐՀՈՒՐԴԻ ՆԻՍՏԸ ՉԿԱՅԱՑԱՎ ՔՎԵԱԿԱԶՄԻ ԲԱՑԱԿԱՅՈՒԹՅԱՆ ՊԱՏՃԱՌՈՎ
ԵՊՀ ռեկտորի ժամանակավոր պաշտոնակատար Գեղամ Գևորգյանի պահանջով մայիսի 10-ին հրավիրվել էր ԵՊՀ հոգաբարձուների խորհրդի նիստ, որը չկայացավ քվեակազմի բացակայության պատճառով։
ԵՊՀ-Ն ՀՅՈՒՐԸՆԿԱԼԵԼ ԷՐ ԳՅՈՒՄՐՈՒ «ՆՈՐ ԼՈՒՅՍ» ՀԿ-Ի ՍԱՆԵՐԻՆ
ԵՊՀ-ում այսօր Մինչհամալասարանական կրթության վարչության նախաձեռնությամբ հյուրընկալվել էին Գյումրու «Նոր լույս» հասարակական կազմակերպության սաները: