18.02.2021 | 
Հասարակություն
«ERASMUS+ MODEST» ՆԱԽԱԳԾԻ ՆՊԱՏԱԿՆ ԱՍՊԻՐԱՆՏԱԿԱՆ ԿՐԹՈՒԹՅԱՆ ԳԻՏԱԿԱՆ ԱՐԴԻԱԿԱՆԱՑՈՒՄՆ Է ԵՎՐՈՊԱԿԱՆ ԵՐԿՐՆԵՐԻ ԵՎ ՀՀ-Ի, ՌԴ-Ի, ԲԵԼԱՌՈՒՍԻ ՄԻՋԵՎ
«ERASMUS+ MODEST» ՆԱԽԱԳԾԻ ՆՊԱՏԱԿՆ ԱՍՊԻՐԱՆՏԱԿԱՆ ԿՐԹՈՒԹՅԱՆ ԳԻՏԱԿԱՆ ԱՐԴԻԱԿԱՆԱՑՈՒՄՆ Է ԵՎՐՈՊԱԿԱՆ ԵՐԿՐՆԵՐԻ ԵՎ ՀՀ-Ի, ՌԴ-Ի, ԲԵԼԱՌՈՒՍԻ ՄԻՋԵՎ
2021 թ. փետրվարի 11-ին «Erasmus+ MODEST» ծրագրի շրջանակում տեղի է ունեցել տարեկան ժողով, որի ընթացքում քննարկվել են 2020 թ. ընթացքում կայացած ծրագրային պարապմունքները, ինչպես նաև 2021 թ. իրականացվելիք քայլերը:

Չնայած «COVID-19» համավարակին՝ անցյալ տարի իրականացվել են մի շարք գործողություններ ասպիրանտական կրթության զարգացման ոլորտում, օրինակ՝ մշակվել է վերլուծական զեկույց եվրոպական համակարգող և ռազմավարական փաստաթղթերի վերաբերյալ. ասպիրանտական (դոկտորանտուրա) կրթությունը Ֆինլանդիայում, Լատվիայում, Լեհաստանում և Միացյալ Թագավորությունում, ընդհանուր ուշադրության կենտրոնում է եղել նաև ասպիրանտական (դոկտորանտուրա) կրթությունը Ռուսաստանում, Բելառուսում և Հայաստանում:


«MODEST» թիմը ստեղծել է ասպիրանտների ցանց, կազմակերպել և անցկացրել 8 վեբինար ասպիրանտական որոշ արդիական հոդվածների վերաբերյալ, օրինակ՝ սթրեսի կառավարում, աշխատանքահեն ուսումնառություն, ասպիրանտական թրեյնինգ կենտրոնների կազմակերպում և այլն:


Բացի դրանից՝ թիմը սկսել է սերտորեն համագործակցել «ARMDOCT» ծրագրի հետ, քանի որ երկու ծրագրերի նպատակն է ամրապնդել ասպիրանտական կրթության որակը:


Ծրագրի համակարգող Ինգա Շենդերեն նշել է, որ 2021 թ. հիմնական նպատակներն են լինելու ասպիրանտական կրթության թրեյնինգ կենտրոնների զարգացումը, պիլոտային դասընթացների և ուսանողական ցանցի ստեղծումն ու ամրապնդումը: Կազմակերպվելու են ամառային դպրոցներ՝ ըստ ուսանողների կարիքների:

 

Կարևոր աշխատանք էր վերապատրաստման դասընթացների զարգացումը, որոնք հարմարեցված էին համալսարանների կարիքներին, օրինակ՝ հետազոտության մեթոդաբանությունը և հետազոտության ձևավորումը, նախագծերի կազմումը, նախագծերի կառավարումը և ֆինանսավորման աղբյուրները, ինչպես նաև հետազոտությունների, կառավարման հմտությունների վաճառքը և այլն:

 

«Erasmus+ MODEST» նախագծի նպատակն ասպիրանտական կրթության  գիտական արդիականացումն է Եվրոպական երկրների և Հայաստանի, Բելառուսի, Ռուսաստանի միջև:

 

Ծրագրի ավելի ընդգրկուն նպատակն է գործընկեր պետությունների բուհերի միջև Եվրոպական գործընկերության (EHEA) և Եվրոպական հետազոտական համագործակցության (ERA) շրջանակում ասպիրանտական (դոկտորանտուրա) կրթության հնարավորությունների ընդլայնումը:

Առավել մանրամասն կարող եք տեղեկանալ ստորև հերկայացված հղումներից՝
https://www.emodest.eu, https://www.facebook.com/modestmodernization:

Այլ նորություններ
ՀԱՅ-ՂԱԶԱԽԱԿԱՆ ՀԱՐԱԲԵՐՈՒԹՅՈՒՆՆԵՐՆ ԱՄՐԱՊՆԴՎՈՒՄ ԵՆ. ԴԵՍՊԱՆ ԲՈԼԱՏ ԻՄԱՆԲԱԵՎՆ ԱՅՑԵԼԵԼ Է ԵՊՀ
ԵՊՀ ռեկտորի ժամանակավոր պաշտոնակատար Գեղամ Գևորգյանն այսօր ընդունել է ՀՀ-ում Ղազախստանի Հանրապետության արտակարգ և լիազոր դեսպան Բոլատ Իմանբաևին:
ՀԱՄԱՐԵՔ, ՈՐ ԵՍ ԵՄ ՀՈՐԴՈՐԵԼ ՀԽ ԱՆԴԱՄՆԵՐԻՆ՝ ԳՐԵԼՈՒ ՀՐԱԺԱՐԱԿԱՆԻ ԴԻՄՈՒՄՆԵՐ. ՎԱՀՐԱՄ ԴՈՒՄԱՆՅԱՆԸ ՀԱՆԴԻՊԵԼ Է ԵՊՀ ԳԻՏԽՈՐՀՐԴԻ ԱՆԴԱՄՆԵՐԻ ՀԵՏ
ԵՊՀ գիտխորհրդի նիստերի դահլիճում այսօր տեղի է ունեցել ԿԳՄՍ նախարար Վահրամ Դումանյանի հանդիպումը ԵՊՀ գիտխորհրդի անդամների հետ: