30.03.2009 | 
Ուսանողական, Գիտություն
ԳԼՈԲԱԼԻԶԱՑԻԱ. ԿՈՂՄ ԵՎ ԴԵՄ
ԳԼՈԲԱԼԻԶԱՑԻԱ. ԿՈՂՄ ԵՎ ԴԵՄ
Այսօր ԵՊՀ իրավագիտության ֆակուլտետի դատական նիստերի դահլիճում անցկացվեց հերթական միջբուհական գիտաժողովը:

Գիտաժողովը, որը կրում էր «Գլոբալիզացիան եւ միջազգային գործարարական հարաբերությունների իրավական կարգավորման հիմնախնդիրները» խորագիրը, կազմակերպել էին Իրավագիտության ֆակուլտետի ՈՒԳԸ-ն, ՈՒԽ-ն եւ ՀՀ իրավաբանների միությունը: Մինչ զեկուցողներին լսելը ֆակուլտետի ՈՒԳԸ նախագահ Անահիտ Մանասյանը ողջունեց մասնակիցներին, կարեւորեց գիտաժողովի թեման եւ խոսքը փոխանցեց ֆակուլտետի դեկան Գագիկ Ղազինյանին:

 

«Նմանաբնույթ գիտաժողովներն արդեն ավանդական են դարձել մեր ֆակուլտետում: Շատ ուրախ եմ, որ ՈՒԳԸ-ն բավականին ակտիվ է միջբուհական եւ միջֆակուլտետային գիտաժողովներ կազմակերպելու հարցում: Թեման նույնպես բավականին ակտուալ է, եւ կարծում եմ` ուսանողները միմյանցից շատ բան կսովորեն»,-ասաց Գագիկ Ղազինյանը:

 

Առաջինը ելույթ ունեցավ Ռուս-հայկական (Սլավոնական) պետական համալսարանի տնտեսագիտության բաժնի 3-րդ կուրսի ուսանողուհի Մարիամ Տեր-Մարտիրոսյանը, ում զեկույցի թեման էր «Գլոբալիզացիան եւ համաշխարհային տնտեսական ճգնաժամի ազդեցությունն աշխարհի եւ ՀՀ-ի վրա»:

 

«Ուրախ եմ, որ մասնակցում եմ այս գիտաժողովին, քանի որ վստահ եմ, որ նմանաբնույթ հանդիպումներն անկախ մասնագիտացումից թույլ են տալիս հավելյալ գիտելիքներ ձեռք բերել եւ կարծիքներ փոխանակել»,- ասում է Մարիամ Տեր-Մարտիրոսյանը: Զեկույցներին դահլիճը բավականին արագ էր արձագանքում, եւ թեմայի շուրջ հնչող հարցերը թույլ էին տալիս լսել նաեւ բանախոսի կարծիքը զեկույցում տեղ չգտած որոշ հարցերի մասին:

 

Գիտաժողովին, բացի ԵՊՀ իրավագիտության ֆակուլտետի ուսանողներից, մասնակցում էին նաեւ Երեւանի «Անանիա Շիրակացի» միջազգային հարաբերությունների համալսարանի, Ռուս-հայկական (Սլավոնական) պետական համալսարանի եւ ՀՀ պետական կառավարման ակադեմիայի տնտեսագիտության, իրավագիտության, քաղաքագիտության, հանրային կառավարման բաժիններ ուսանողները, ում զեկույցները վերաբերում էին գլոբալիզացիային եւ դրա հետեւանքներին, միջազգային գործարարական հարաբերություններին, դրանց իրավական կարգավորման հիմնախնդիրներին, բանկային գործին եւ մի շարք այլ կարեւոր ու արդիական խնդիրների: Գիտաժողովին ներկա էին նաեւ պրոֆեսորադասախոսական կազմի ներկայացուցիչներ:

Այլ նորություններ
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՊՀ Չարենցի անվան դահլիճում այսօր տեղի է ունեցել Եվրոպական լեզուների և հաղորդակցության ֆակուլտետի բակալավրիատի շրջանավարտների դիպլոմների հանձնման հանդիսավոր արարողությունը:
«ԳԻՏՆԱԿԱՆԻ ՑԱԾՐ ԱՇԽԱՏԱՎԱՐՁԸ ՆՇԱՆԱԿՈՒՄ Է, ՈՐ ՆԱ ԱՄԵՆԱՉՀԱՐԳՎԱԾ, ՉԸՆԴՈՒՆՎԱԾ ԴԱՍԱԿԱՐԳՆ Է». ԱՇՈՏ ՍԱՂՅԱՆ
ԵՊՀ ֆարմացիայի ինստիտուտի տնօրենի պաշտոնակատար Աշոտ Սաղյանն ընտրվել է ՀՀ գիտությունների ազգային ակադեմիայի նախագահ: Պարոն Սաղյանի հետ զրուցել ենք Հայաստանում գիտության զարգացման իր պատկերացումների, Սահմանադրական դատարանում վիճարկվող «Բարձրագույն կրթության և գիտության մասին» ՀՀ օրենքի նախագծի, բուհերի և Արցախի գիտական կենտրոնի հետ համագործակցության ձևաչափի և հեռանկարների մասին: