Օրացույց

Հեղինակի որոնում

Ա | Բ | Գ | Դ | Ե | Զ | Է | Ը | Թ | Ժ | Ի | Լ | Խ | Ծ | Կ | Հ | Ձ | Ղ | Ճ | Մ | Յ | Ն | Շ | Ո | Չ | Պ | Ջ | Ռ | Ս | Վ | Տ | Ր | Ց | ՈՒ | Փ | Ք | Օ | Ֆ

Նորություններ

Մարդու իրավունքների գլոբալ կամպուսի, Բարձր կենսակերպի հիմնադրամի, «ՅՈՒՆԻՍԵՖ»-ի հայաստանյան գրասենյակի, Ավստրիայի զարգացման գործակալության, «ShareMusic & Performing Arts» և Հայաստանի փոքր թատրոնի հետ համատեղ կազմակերպած գիտաժողովն րականացվում է Մարդու իրավունքների գլոբալ կամպուսի ու ԵՊՀ եվրոպական ուսումնասիրությունների կենտրոնի «Մարդու իրավունքները և ժողովրդավարացումը Կովկասում» տարածաշրջանային մագիստրոսական ծրագրի շրջանակում:

 

Մասնակիցներին ողջունեց ԵՊՀ եվրոպական ուսումնասիրությունների կենտրոնի ղեկավար Արթուր Ղազինյանը՝ շեշտելով, որ գիտաժողովի նպատակն է մեկ հարթակում համախմբել փորձագետներին և գիտնականներին՝ միջազգային գիտական ձևաչափով քննարկելու կլիմայի փոփոխությունն ու գալիք սերնդի վրա դրա ազդեցությունները:

 

«Ներկայումս աշխարհը մի շարք մարտահրավերների առջև է կանգնած: Կլիմայի համընդհանուր փոփոխությունները, որոնք հիմնականում բացասական ազդեցություն են թողնում մեր մոլորակի վրա, ամենամեծ խնդիրներից են: Գիտաժողովի առանցքային կետը երեխաներն են, որոնք, համարվելով խոցելի խումբ, մեծ ազդեցություն են կրում համընդհանուր փոփոխություններից»,- ասաց Արթուր Ղազինյանը և կոնկրետ օրինակներով ներկայացրեց Հայաստանում տիրող իրավիճակը, մասնավորապես կորոնավիրուսային հիվանդության ու Արցախյան երկրորդ պատերազմի ընթացքում երեխաների իրավունքների ոտնահարման մի շարք դեպքեր:

 

 

ԵՊՀ միջազգային համագործակցության և հասարակայնության հետ կապերի գծով պրոռեկտոր Արթուր Իսրայելյանն ասաց. «Ողջունելի է, որ համավարակի պայմաններում ժամանակակից տեխնոլոգիաների շնորհիվ, այնուամենայնիվ, հնարավոր է եղել կազմակերպել միջազգային գիտաժողով: Անկախ հանգամանքներից՝ գիտական դաշտը պետք է ակտիվ լինի և արագ արձագանքի բոլոր խնդիրներին: Այսօր կլիմայի փոփոխության հետ կապված հիմնահարցերը մարդկության դեմ ծառացած համընդհանուր խնդիրներից են, որոնց լուծումները պահանջում են ոչ միայն աշխարհի գիտական համայնքի միասնական ներուժի ներդրումը, այլև գալիք սերնդի կողմից այդ խնդիրների խորքային ընկալումն ու գիտակցումը, ինչպես նաև դրա հաղթահարմանն ուղղված ակտիվ մասնակցությունը»:

 

Առցանց ձևաչափով ողջույնի խոսք հղեցին նաև ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը, Հայաստանում Եվրոպական միության դեսպան, ԵՄ պատվիրակության ղեկավար Անդրեա Վիկտորինը, Գլոբալ կամպուսի խորհրդի գլխավոր քարտուղար Մանֆրեդ Նովակը և Հայաստանում ՄԱԿ-ի մշտական համակարգող Շոմբի Շարփը:

 

«Կլիմայի փոփոխությունը և հատկապես դրա ազդեցությունը երեխաների հետագա կենսագործունեության վրա շատ կարևոր ու առաջնահերթ թեմաներից է: Հարկ է նշել, որ ՀՀ կառավարությունը մշտապես ուշադրություն է դարձնում այս խնդիրներին: Հանրակրթական բովանդակային փոփոխությունները և մասնավորապես հանրակրթության պետական այն նոր չափորոշիչը, որը միայն վերջերս է հաստատվել կառավարության կողմից, առանձնահատուկ ընդգծում են կլիմայի փոփոխության և դրա վերաբերյալ գիտելիքների ու կարողությունների, ինչպես նաև ուսուցման ու իրազեկվածության մակարդակի ապահովման դերը դպրոցում»,- ասաց Ժաննա Անդրեասյանը:

 

 

Միջազգային գիտաժողովին մասնակցում են Հայաստանում ԵՄ պատվիրակության, ՀՀ հավատարմագրված դիվանագիտական առաքելությունների, ինչպես նաև պետական, միջազգային և հասարակական կազմակերպությունների ներկայացուցիչները:

 

Հավելենք, որ եռօրյա գիտաժողովի ընթացքում առկա և առցանց ձևաչափով զեկուցումներով հանդես են գալու միջազգային տարբեր բուհերի և կազմակերպությունների ներկայացուցիչներ:

 

Վարդուհի Զաքարյան

Այս մասին զրուցել ենք ԵՊՀ տնտեսագիտության և կառավարման ֆակուլտետի տնտեսագիտության մեջ մաթեմատիկական մոդելավորման ամբիոնի վարիչ, ԵՊՀ «TOPAS» ծրագրի կարգավորող Արամ Առաքելյանի հետ։

 

Նշենք, որ «TOPAS» ծրագրի նպատակն է համալրել Ուկրաինայի, Հայաստանի և Ուզբեկստանի գյուղատնտեսության բարձագույն կրթության ոլորտում առկա այն բացը, որը ժառանգվել է նախկին ԽՍՀՄ-ից, ներմուծել և կատարելագործել մասնագիտական ուղղվածություն ունեցող գործնական նշանակության ծրագրեր, որոնք հիմնված են արդի ուսուցման փորձի և ունակությունների վրա:

 

«Ծրագրերը նպատակաուղղված են նախկին և նոր շրջանավարտներին արդի, ճկուն տեսական և գործնական գիտելիքներ հաղորդելուն, ագրարային կառավարման տարբեր ծրագրերի իրականացման համար թափանցիկություն ապահովելուն՝ խթանելով համագործակցությունը համալսարանների և շահագրգիռ կողմերի (ագարակների, գյուղատնտեսության ոլորտի միությունների և արդյունաբերական կազմակերպությունների) միջև»,- ասաց Արամ Առաքելյանը։

 

Նա նշեց, որ ծրագրի շրջանակում կազմակերպվում և իրականացվում են իրական աշխատանքային միջավայրում գործնական ուղղվածություն ունեցող դասընթացներ, ինչի շնորհիվ մասնակիցները ստանում են աշխատանքային շուկայի պահանջարկի վերլուծություն անելու և որոշումներ կայացնելու ունակություններ։

 

Մեզ հետ զրույցում ԵՊՀ «TOPAS» ծրագրի կարգավորողն ասաց, որ ԵՊՀ-ից ծրագրին մասնակցում են Տնտեսագիտության և կառավարման ֆակուլտետի տնտեսագիտության մեջ մաթեմատիկական մոդելավորման ամբիոնի 4-րդ կուրսի ուսանողներն ու մագիստրանտները։

 

Կատարելով ծրագրի պահանջները՝ ԵՊՀ մասնակիցները պատրաստել են Ագրարային տնտեսագիտության առցանց դասավանդման դասընթացներ, Ագրարային տվյալների բազայի կառավարման տեղեկատվական համակարգ և Ագրարային տվյալների առցանց (ագարակի դաշտային տվյալների հաղորդումը սերվերին) հաղորդման հեռախոսային հավելված։

 

Մարինա Առաքելյան        

Մեզ հետ զրույցում «Հայ ասպետ» կրթադաստիարակչական բարեգործական հիմնադրամի և «Որդուս» հասարակական կազմակերպության տնօրեն Կարին Տոնոյանը, խոսելով միջոցառման նախաձեռնության և նպատակի մասին, ասաց, որ այսօր քննարկելով երկրի իրավիճակը և դրան հանգեցնող պատճառները՝ պարզ է դառնում, որ դրանք շատ խորքից են գալիս, և որոնք հենց գաղափարախոսության բացակայության ու եղած գաղափարախոսությունը չկիրառելու հետևանք են:

 

«Այն բոլոր ասույթներին, թե մենք այսօր չունենք ազգային գաղափարախոսություն, ես միշտ ուզել եմ պատասխանել, որ յուրաքանչյուր ազգ կերազեր ունենալ այնպիսի գաղափարախոս, ինչպիսին Գարեգին Նժդեհն է: Նա ոչ միայն փայլուն և հանճարեղ սահմանել է այն ամենը, ինչ մենք պետք է անենք և ինչին պետք է դավանենք, այլև տվել է ծրագիր, թե ինչպես պետք է կառուցենք մեր ապագա երկիրը, որ այն լինի անխոցելի, հզոր և իրականացնի բոլոր հայերի երազանքները»,- ասաց Կարին Տոնոյանը և հավելեց, որ որոշվել է այս ձևաչափով կազմակերպել միջոցառում՝ նաև ցույց տալու, որ Նժդեհն այդքան բարդ չէ, և նույնիսկ երիտասարդները կարող են յուրացնել այն, դարձնել իրենցն ու դառնալ գաղափարապես անխոցելի:

 

Կարին Տոնոյանի վստահեցմամբ, յուրաքանչյուր ոք, ով յուրացրել է Նժդեհին, պատրաստ է ցանկացած դժվարության ու պայքարի:

 

 

Մեզ հետ զրույցում ԵՊՀ իրավագիտության ֆակուլտետի ՈՒԳԸ  նախագահ, «Հայ ասպետ» դպրոցի ուսուցիչ Գևորգ Բարսեղյանն էլ փաստեց, որ ներկայումս գիտական առանձնահատուկ հետաքրքրությունների առարկա է դառնում հայ իրավական փիլիսոփայական մտքի պատմության ուսումնասիրությունը. «Այս համատեքստում իր կարևորությամբ առանձնանում են Նժդեհի հայացքները։ Նժդեհի ստեղծագործական ժառանգության, նրա իմաստասիրական հայացքների ուսումնասիրությունն ունի ինչպես տեսական նշանակություն՝ միտված այս կամ այն խնդրահարույց հարցի շուրջ հակասական և իրարամերժ գնահատականների հաղթահարմանը, այնպես էլ գործնական մեծ կարևորություն»։

 

Միջոցառման բացման խոսքն ասելիս Կարին Տոնոյանը վստահեցրեց, որ երկիրն այսօր ամենից լավ կարող են կառուցել, վերականգնել և նորից շենացնել մեր կրտսեր զավակները, որովհետև ավագ սերունդը շատ սխալներ է թույլ տվել: «Այսօր ես մեր սաների միջոցով փորձել եմ նժդեհյան իմաստությամբ ձեզ ուղղորդել, որ դուք ինքնահամոզվեք և հասկանաք, որ ձեր անելիքն է այսօր ոտքի կանգնեցնել երիտասարդությանը և շենացնել մեր երկիրը»,- դիմելով ներկաներին ասաց Կարին Տոնոյանը:

 

Նա, մեջբերելով Նժդեհի՝ «Անկախ Հայրենիքը անհրաժեշտ է հենց նրա համար, որ ձեզ` հոգով թզուկներիդ դարձնի կատարեալ մարդ և Հայ, արժանի Անկախութեան» միտքը, վստահեցրեց, որ, այո՛, միայն անկախությամբ կարելի է ստեղծագործել և հասնել հզորներին. «Այսօր, ավելի քան երբևէ, Նժդեհն ամենահզոր օգնականը պետք է լինի ու առաջնորդի մեզ»:

 

 

ԵՊՀ քաղաքական գիտության պատմության և տեսության ամբիոնի վարիչ Աշոտ Ենգոյանը ողջույնի իր խոսքում հույս հայտնեց, որ այսօրվա թեման կդառնա լուրջ քննարկման առարկա. «Մենք կարիք ունենք հասկանալու Գարեգին Նժդեհին ինչպես որպես քաղաքական գործչի, այնպես էլ որպես ազգային տեսաբանի»:

 

Աշոտ Ենգոյանի վստահեցմամբ, այն ժողովուրդներն ունեն ապագա, որոնք առաջնորդվում են ազգային գաղափարախոսությամբ: Ըստ նրա՝ շատ են եղել տեսություններ, որոնք հավակնել են դառնալու մեր ազգային գաղափարախոսությունը, այդ թվում՝ Գարեգին Նժդեհինը, սակայն այդպես էլ չեն դարձել.

 

«Ես Նժդեհի տեսությունը համարում եմ ամենամոտը, և գուցե այն մեր փրկությունն է, որովհետև Նժդեհի հիմնական սկզբունքն այն է, որ եթե հասարակությունն ուզում է ապագա ունենա, պետք է առաջնային համարի բարոյահոգեբանականը և գաղափարականը: Եթե նյութապաշտությունն իշխում է հասարակությունում, մենք հակված են կորցնելու ամեն ինչ»:

 

 

Երիտասարդական գիտաժողովին այսօր զեկուցումներով հանդես եկան ԵՊՀ-ի և այլ բուհերի ուսանողներ ու «Հայ ասպետ» դպրոցի աշակերտ՝ ներկայացնելով նժդեհյան գաղափարախոսության հիմնական դրույթներն ու տեսույթները:

 

Գիտաժողովին՝ որպես մասնագետներ, հրավիրված էին ԵՊՀ գիտական քարտուղար Լևոն Հովսեփյանը, ԵՊՀ քաղաքական ինստիտուտների և գործընթացների ամբիոնի դոցենտ Մենուա Սողոմոնյանը, Փիլիսոփայության պատմության, տեսության և տրամաբանության ամբիոնի դոցենտ Արմեն Սարգսյանը, Քաղաքական գիտության պատմության և տեսության ամբիոնի պրոֆեսոր Հենզել Մանուչարյանը, որոնք գիտաժողովի ավարտին հանդես եկան ելույթներով՝ ներկայացնելով իրենց դիտարկումները:

 

 

Կարին Տոնոյանը մեզ հետ զրույցում հայտնեց, որ հնչած բոլոր զեկուցումները հասանելի կլինեն համացանցում, կտարածվեն սոցիալական հարթակներում և կտպագրվեն. «Բացի դրանից՝ մենք կայցելենք մարզեր, կհայտնաբերենք երիտասարդներ, նրանց կվարակենք Նժդեհով և կփորձենք ուղղել 30 տարվա այն սխալը, երբ օգտագործել ենք ընդամենը Գարեգին Նժդեհի անունը՝ որպես հողածածկույթ հազար ու մի նպատակների: Մենք Գարեգին Նժդեհի էությունը, ազգապաշտությունը, տիեզերական իմաստնությունը պետք է դարձնենք մեր նոր սերնդի սեփականությունը, որով և անպարտելի կդարձնենք նրան»:

 

Քնար Միսակյան

Արդեն 20 տարի է, ինչ ֆակուլտետի ղեկավարությունն ավանդական դարձած գիտաժողովներ է կազմակերպում երիտասարդների համար՝ վերջիններիս հնարավորություն ընձեռելով զեկուցումների և հարցուպատասխանների միջոցով հմտացնելու հրապարակային խոսքն ու ներկայանալի լինելու կարողությունները:

 

 

«Սովորաբար գիտաժողովները կազմակերպվում են դեկտեմբերին՝ նախորդելով պրոֆեսորադասախոսական կազմի գիտաժողովներին, արդյունքում հրապարակվում են երկու գիտաժողովներում ընդգրկված զեկուցումները: Այս տարի հայտնի պատճառներով ժամկետների փոփոխություն եղավ, բայց դրանից ոչինչ չտուժեց»,- նշեց Իրավագիտության ֆակուլտետի դեկան Գագիկ Ղազինյանը և հավելեց, որ գիտաժողովների նպատակն է ուսանողներին պատրաստել իրենց ատենախոսության ապագա պաշտպանությանը:

 

Երկօրյա գիտաժողովի ընթացքում զեկուցումներով հանդես կգան ֆակուլտետի բոլոր ամբիոնների 30-35 ասպիրանտներն ու հայցորդները:

 

«Քննարկվում էր գիտաժողովն առցանց կազմակերպելու հարցը, սակայն այս մեծ դահլիճում մենք կարողանում ենք պահպանել բոլոր անհրաժեշտ պահանջները: Ուղղակի հանդիպումներն ու շփումները, անկասկած, ավելի արդյունավետ են»,- հավելեց ֆակուլտետի դեկանը:

 

Իրավագիտության ֆակուլտետի քաղաքացիական իրավունքի ամբիոնի ասպիրանտ Ռուբինա Պետրոսյանի զեկուցումը վերաբերում է խնամակալության և խնամատարության ներքո գտնվող, առանց ծնողական խնամքի մնացած երեխաների բնակարանային իրավունքի իրացման հիմնահարցին:

 

 

«Թեման այսօր բավականին արդիական է, քանի որ խոցելի խմբում գտնվող, առանց ծնողական խնամքի մնացած երեխաներն ունեն իրավունքի իրացման հետ կապված մի շարք խնդիրներ, որոնցից ավելի առաջնային է բնակարանային իրավունքի ապահովման հարցը: Հարկ է նշել, որ թե՛ օրենսդրական և թե՛ գործնական դաշտում որոշակի փոփոխությունների ամրագրման կարիք կա, որոնց էլ անդրադարձել եմ իմ զեկուցման մեջ»,- ասաց Ռուբինա Պետրոսյանը և հավելեց, որ ֆակուլտետի ղեկավարությունը մեծ ուշադրություն է դարձնում նմանատիպ գիտաժողովների կազմակերպմանը և բարձր մակարդակով դրանց իրականացմանը:

 

Վարդուհի Զաքարյան

ՀՀ ԲՈԿ-ի կողմից ընդունված հանդեսների ցանկում և www.elibrary.ru գիտաչափական շտեմարանում ընդգրկված «Գիտական Արցախ» պարբերականի ընթացիկ համարը նվիրված է 2020 թ. սեպտեմբերի 27-ին շփման գծում նախաձեռնած թուրք-ադրբեջանական ագրեսիանի պատճառով նահատակված հերոսներին և Արցախի Հանրապետության քաջարի պաշտպաններին:

Միջոցառման սկզբում ԵՊՀ պրոֆեսորադասախոսական կազմի ներկայացուցիչները, պարբերականի հրատարակմանն իրենց նպաստն ունեցած գիտականներն ու հոդվածագիրները «Գիտական Արցախ» պարբերականի գլխավոր խմբագիր Ավետիք Հարությունյանի առաջարկով մեկ րոպե լռությամբ հարգեցին Արցախյան պատերազմում զոհվածների հիշատակը։



Ավետիք Հարությունյանը նախ ողջունեց ներկաներին և ներկայացրեց տվյալներ պարբերականի ընթացիկ համար մասին։ Նա նշեց, որ համարում տեղ է գտել 27 հեղինակի 24 հոդված: Հեղինակներից 7-ը գիտությունների թեկնածու է, 15-ը` ասպիրանտ ու հայցորդ, իսկ 5-ը՝ մագիստրոս:

Գլխավոր խմբագիրն անդրադարձավ գիտական պարբերականի շապիկին, որի վրա պատկերված է Արցախի Հանրապետության քարտեզը՝ նշելով, որ այն չի փոխվելու․ «Պարբերականի շապիկի վրա մշտապես եղել է և լինելու է պատկերված Արցախի Հանրապետության քարտեզը, որի կենտրոնական մասում Ստեփանակերտն է․ մեր գաղափարով՝ աշխարհի կենտրոնը։ Ցավոք սրտի, ներկայիս Արցախի քարտեզը, համոզված եմ ժամանակավորապես, չի համապատասխանում մեր պատկերած քարտեզին, բայց այն պետք է մարտահրավեր լինի մեր ցավը հաղթահարելու, ապրելու և արարելու համար»։



Նա ներկայացրեց պարբերականի թեմատիկ ընդգրկումները, որոնք են՝ պատմություն, քաղաքագիտություն և միջազգային հարաբերություններ, իրավագիտություն, արևելագիտություն, տնտեսագիտություն, մանկավարժություն, լեզվաբանություն, գրականագիտություն, լրագրություն և ասաց, որ վերջին՝ «Երիտասարդ հետազոտողի ամբիոն» բաժինը նվիրվել է երիտասարդ գիտնականներն՝ նպատակ ունենալով մագիստրոսներին նույնպես հնարավորություն տալ տպագրելու իրենց հոդվածները։

Պարբերականի գլխավոր խմբագիրը հավելեց նաև, որ գիտական հոդվածների ժողովածուն սկսվում է «Արցախի փրկության ու վերակերտման հրամայականով» խմբագրական հոդվածով։

«Գիտական Արցախ» պարբերականի խմբագրական խորհրդի անդամ, ԵՊՀ միջազգային հարաբերությունների ֆակուլտետի քաղաքական ինստիտուտների և գործընթացների ամբիոնի վարիչ Գագիկ Քեռյանը ողջունեց ներկաներին և ավելացրեց, որ այս պարբերականի յուրաքանչյուր համարի լույսընծայումն ընդունվում է մեծ գոհունակությամբ՝ վերածվելով գիտական տոնի․ «Հիմա կարող ենք արձանագրել, որ «Գիտական Արցախ» պարբերականը Հայաստանի Հանրապետության գիտական հրատարակությունների շարքում իր հեղինակավոր և հաստատուն տեղն է զբաղեցնում»։



Գ․ Քեռյանն ասաեց, որ այս պարբերականը հսկայական օգնություն և պարզապես փրկօղակ է երիտասարդ հետազոտողների համար՝ իրենց գիտական ուղին շարունակելու ճանապարհին։ Նա նաև շնորհակալություն հայտնեց պարբերականի գլխավոր խմբագրին ու ամբողջ խմբագրական կազմին կատարած աշխատանքի համար։

«Գիտական Արցախ» պարբերականի խմբագրական խորհրդի անդամ, ԵՊՀ տնտեսագիտության ֆակուլտետի նորարարության տնտեսագիտության ամբիոնի վարիչ Աշոտ Մարկոսյանը, ողջունելով պարբերականի 7-րդ համարի լույսընծայումը, հավելեց, որ պարբերականում բոլոր առումներով ընդգրկված են թե՛ Հայաստանի, թե՛ Արցախի տնտեսության և քաղաքականության զարգացմանը նպաստող գիտական ոլորտները։



«Մտավորականության հիմքը միտքն է։ Եթե կա միտք, կարող է լինել նաև գաղափար, իսկ աշխարհը միշտ առաջնորդվում է գաղափարներով։ Այս տեսանկյունից ելնելով՝ մենք պետք է կարողանաք պասիվության վարքագիծը մեզնից հեռու վանել և զբաղվել գիտական այնպիսի հետազոտություններով, որոնք ունեն ոչ միայն իրատեսական, այլև կիրառական նշանակություն»,- ասաց Ա․ Մարկոսյանը։

Նա առաջարկեց պարբերականի համարները խմբագրության անունից ուղարկել Հայաստանի և Արցախի հազարապետությունների ղեկավարությանը, քանի որ հավատացած է, որ այն անհրաժեշտ է վերջիններին։

«Գիտական Արցախ» պարբերականի խմբագրական խորհրդի անդամ, ԵՊՀ պատմության ֆակուլտետի սփյուռքագիտության ամբիոնի վարիչ Արման Եղիազարյանը նախևառաջ շնորհավորեց ներկաներին պարբերականի արդեն 7-րդ համարի տպագրության առթիվ․ «Իմ կարծիքով, հանդեսը կայացել էր հենց առաջին համարից սկսած, երբ լուրջ գիտական կադրերի համախմբմամբ բազմաթիվ ուսումնասիրողների անկախ գիտական աստիճանից համար հնարավոր եղավ ձևավորել հարթակ»։



Նա շնորհակալություն հայտնեց խմբագրական խորհրդին կատարած աշխատանքի համար և հանդես եկավ առաջարկություններով։ Ա․ Եղիազարյանն առաջարկեց հանդեսում ստեղծել ընդդեմ կեղծարարության բաժին՝ հերքելու Հայաստանի և Արցախի վերաբերյալ թուրք-ադրբեջանական կեղծիքները։ Նա նաև խոսեց «Գիտական Արցախում» հոգևոր «Արցախ բաժին» ունենալու մասին, որը կհամախմբի, կենդանություն և հավերժություն կհաղորդի հայերին։

Միջոցառմանը ներկա էր նաև ԵՊՀ միջազգային համագործակցության և հասարակայնության հետ կապերի գծով պրոռեկտոր Արթուր Իսրայելյանը, որը նույնպես ողջունեց ու շնորհավորեց «Գիտական Արցախ» պարբերականի 7-րդ համարի լույսընծայումը։ Պրոռեկտորը պատրաստակամություն հայտնեց կազմակերպելու պարբերականում տեղ գտած Արցախի հարցին վերաբերյալ լավագույն երկու հոդվածի չինարեն և կորեերեն թարգմանությունը՝ դրանք չինական և կորեական ուսումնագիտական հաստատությունների բազմամիլիոնանոց լսարանին ներկայացնելու համար։



Ողջույնի խոսքերից հետո գլխավոր խմբագրին և խմբագրական խորհրդի անդամներին իրենց շնորհակալական խոսքը հղեցին «Գիտական Արցախ» պարբերականի 7-րդ համարի հոդվածագիրները։

Միջոցառման ավարտին գիտական պարբերականի գլխավոր խմբագիր Ավետիք Հարությունյանը շնորհակալություն հայտնեց ներկաներին, ինչպես նաև խմբագրության անդամներին ու հոդվածագիրներին՝ մաղթելով նրանց գիտության ասպարեզում բեղուն գործունեություն։

 

Մարինե Առաքելյան