Международная кредитная мобильность программы «Эразмус+». Университет Лилля, Франция

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Լիլի համալսարանի միջև կնքված պայմանագրով նախատեսվում են շարժունություններ Աշխարհագրության և երկրաբանության, Եվրոպական լեզուների և հաղորդակցության, Կենսաբանության ֆակուլտետների դասախոսների համար (հիմնական կազմ)` 2024/2025 ուստարում 1 շաբաթ ժամկետով դասավանդելու նպատակով (8 ժամ):

Անգլերենի կամ ֆրանսերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության մասին հնարավոր է գտնել «Էրազմուս+» ազգային գործակալության կայքէջում։ 

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ h.mkrtchyan@ysu.am): Նամակի վերնագրի դաշտում անհրաժեշտ է նշել ERASMUS+, Lille:

Դիմումների ընդունման վերջնաժամկետն է ս․թ. նոյեմբերի 1-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը պրոֆեսորադասախոսական կազմի համար (փաստաթղթերն ընդունվում են միայն անգլերեն, pdf տարբերակով)՝

1. անձնագրի պատճեն, 

2. ինքնակենսագրական (CV) «Europass» ձևաչափով, 

3. շարժունության համաձայնագիր դասավանդման նպատակով (Staff Mobility Agreement for Teaching) (թեմա, նկարագիր, շարժունության նպատակները, ակնկալվող գործողությունները և այլն),

4. տեղեկանք ԵՊՀ-ում աշխատելու վերաբերյալ,

5. ընդունող կողմից հրավեր նամակ։