Ոչ աշխատանքային օրեր։

Դեկտեմբերի 31- Ամանոր
Հունվարի 6- Սուրբ ծննդյան և Աստվածահայտնության տոն
Հունվարի 28- Հայոց բանակի օր
Մարտի 8- Կանանց միջազգային տոն
Ապրիլի 24- Հայոց ցեղասպանության զոհերի հիշատակի օր
Մայիսի 1- Աշխատանքի օր
Մայիսի 9-  Հաղթանակի և խաղաղության տոն
Մայիսի 28- Հանրապետության օր
Հուլիսի 5- Սահմանադրության և պետական խորհրդանիշների օր
Սեպտեմբերի 21- Հայաստանի անկախության օր։

Ուսանողական իրավունքները վերականգնող, ֆակուլտետը, կրթական ծրագիրը, ուսուցման ձևը փոխող կամ այլ բուհերից ԵՊՀ տեղափոխվող ուսանողները նախկինում ուսումնասիրած առարկաների կրեդիտները փոխանցելու և սահմանված ուսման վարձավճարից դրանց արժեքը հաշվանցելու վերաբերյալ դիմումները ներկայացնում են ընդհանուր բաժին կիսամյակի դասերի մեկնարկին հաջորդող 2 շաբաթների ընթացքում:

Դասընթացների կրկնման վերաբերյալ դիմումները ընդհանուր բաժին ներկայացվում են մինչև փետրվարի 6-ը:

Առկա ուսուցման բակալավրիատի և մագիստրատուրայի` ուսման վարձավճարի մասնակի փոխհատուցում տրամադրելու վերաբերյալ դիմումները մուտքագրվում են e-request.ysu.am համակարգի միջոցով փետրվարի 6-ից մինչև մարտի 5-ը ներառյալ:

Հեռակա ուսուցման բակալավրիատի և մագիստրատուրայի` ուսման վարձավճարի մասնակի փոխհատուցում տրամադրելու վերաբերյալ դիմումները մուտքագրվում են e-request.ysu.am համակարգի միջոցով փետրվարի 20-ից մինչև մարտի 19-ը ներառյալ:

Բակալավրիատի և մագիստրատուրայի առկա և հեռակա ուսուցման ուսանողների մինչև 12 կրեդիտ առարկայական պարտքերի վերահանձնման դիմումները` ֆակուլտետի դեկանի մակագրությամբ և վճարման անդորրագրով, ներկայացվում են ընդհանուր բաժին ապրիլի 4-10-ը  և հունիսի 20-30-ը:

Բակալավրիատի և մագիստրատուրայի մինչև 12 կրեդիտ առարկայական պարտքերի վերահանձնման ընթացակարգի 2.11-րդ կետին վերաբերող դիմումները ընդհանուր բաժին ներկայացվում են հունիսի 1-9։