Ս.թ. նոյեմբերի 10-ին ԵՊՀ մանկավարժության և կրթության զարգացման կենտրոնում տեղի ունեցավ Սոցիալական մանկավարժի միջազգային օրվան նվիրված «Ես սոցիալական մանկավարժ եմ» խորագրով միջոցառումը։
![](/sites/default/files/styles/large_half_text/public/2023-11/img-d2f1f41433f1af1a3300e7ae9669ab5d-v.jpg?itok=cOElIPGB)
ԵՊՀ ՄԿԶԿ տնօրեն, պրոֆեսոր Նազիկ Հարությունյանը շնորհավորեց ուսանողներին մասնագիտական տոնի առթիվ՝ հավաստիացնելով, որ սոցիալական մանկավարժի բարձր ու պատվաբեր մասնագիտությունը մանկավարժական առաքելություն է, որն ուղղված է երեխայի երջանկությանը, սոցիալականացման խոչընդոտների վերացմանը, հոգեհուզական, վարքային խնդիրների շտկմանն ու կարգավորմանը։
Միջոցառման ընթացքում տեղի ունեցավ նաև «Սոցիալական մանկավարժություն» բակալավրիատական կրթական ծրագրի առաջինկուրսեցիների երդման հանդիսավոր արարողությունը։ Չորրորդ կուրսի ուսանողները վզկապներ և խորհրդանշական շքանշաններ նվիրեցին առաջինկուրսեցիներին։ Միջոցառման հանդիսավոր մասին հաջորդեց սոցիալական մանկավարժության վերաբերյալ ուսանողների պատրաստած զեկուցումների և սահկաշարերի ներկայացումը։
Իրենց ելույթներում ուսանողները բարձրաձայնեցին սոցիալ-մանկավարժական տարբեր հիմնախնդիրներ՝ կարևորելով սոցիալական մանկավարժի դերակատարությունը երեխայի հետ տարվող աշխատանքներում։