Кафедра английского языка для межкультурной коммуникации

Միջմշակութային հաղորդակցության անգլերենի ամբիոնը գործում է 2012 թ. սեպտեմբերից: Ամբիոնի հիմնադիր վարիչն է բանասիրական գիտությունների դոկտոր, պրոֆեսոր Շուշանիկ Պարոնյանը։ 

Հիմնադրման օրից ամբիոնը պատրաստում է անգլերենի բարձրակարգ մասնագետներ, որոնք կարողանում են արդյունավետ հաղորդակցվել տարբեր լեզվամշակույթների ներկայացուցիչների հետ` կիրառելով լեզուների հարմարարկման մեխանիզմը: Ուսուցումը տարվում է անգլերեն գրավոր և բանավոր խոսքի զարգացման, ինչպես նաև համացանցային գրագրության միջոցով (գովազդային և կոնտենտ տեղեկատվություն) հաղորդակցական հմտությունները կատարելագործելու ուղղություններով։

Ամբիոնում կատարվում է ուսումնամեթոդական և գիտահետազոտական լայնածավալ աշխատանք` ուղղված լեզվամշակութաբանության, միջմշակութային գործաբանության, ոճագիտության, գործարար հաղորդակցության, անգլերենի` որպես օտար լեզվի դասավանդման մեթոդաբանության ոլորտներին առնչվող տեսական և գործնական խնդիրների լուծմանը:

Ամբիոնի կազմում ընդգրկված են անգլերենի առաջատար մասնագետներ, լեզվաբաններ, բանասիրական գիտությունների դոկտոր պրոֆեսորներ, բանասիրական գիտությունների թեկնածու դոցենտներ, երիտասարդ դասախոսներ, որոնցից շատերը զբաղվում են գիտական աշխատանքով և պաշտպանության են պատրաստում թեկնածուական ատենախոսություններ բանասիրության տարբեր գիտակարգերի ոլորտում: Ամբիոնի գիտնական-մանկավարժները ներգրավված են տեղական և միջազգային վերապատրաստման ծրագրերում և հեղինակ են ուսումնամեթոդական ձեռնարկների, մենագրությունների, գիտական հոդվածների, որոնք տպագրվում են նաև բարձր ազդեցության գործակից ունեցող պարբերականներում։

Ամբիոնն իրականացնում է «Միջմշակութային հաղորդակցություն (անգլերեն)» բակալավրիատական և «Միջազգային գործարար հաղորդակցման լեզվամշակույթ» մագիստրատորոսական կրթական ծրագրերը։