Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. վերարտադրել հիմնարար և համակարգված տեսական և մեթոդաբանական գիտելիքներ մշակութաբանության, մշակութային մարդաբանության, մշակույթի տեսության և պատմության վերաբերյալ,
   2. ներկայացնել հիմնարար գիտելիքներ հայ ավանդական և արդի ինքնության սահմանումների, աշխարհընկալման համալիրների և գործառական մեխանիզմների, ինքնության խորհրդանշանային համակարգերի, ինքնության կերտման մոդելների մասին,
   3. ներկայացնել տարածաշրջանի մշակութային պատկերը, հայ մշակույթի պատմությունը և ինքնությունը, նրա քաղաքակրթական դիմագիծը, վերարտադրել տեսական և մեթոդաբանական գիտելիքներ արդի շրջանում տեղի ունեցող միգրացիոն գործընթացների մշակութային դրսևորումների վերաբերյալ,
   4. դրսևորել ընդարձակ գիտելիքներ սոցիալական մարդաբանության, միջմշակութային հաղորդակցության, ազգային փոքրամասնությունների մշակույթների, մարդու էթոլոգիայի, կրոնածիսական գործընթացների, տոնի, ծեսի, մշակութային բիզնեսի, մշակութային ժամանցի և մշակութային տուրիզմի տեսական և գործնական հիմունքների, մերօրյա հայ կյանքում դրանց դերակատարումների մասին,
   5. վերլուծել քաղաքականության ու մշակույթի փոխկապակցվածության և դրսևորումների, մշակութային քաղաքականության և մշակութային ժառանգության հիմնական սահմանումների, դրսևորումների, ասպարեզի միջազգային և հայաստանյան փորձի վերաբերյալ առկա գիտական քննությունները,
   6. ներկայացնել պետական ու հանրային կյանքում ծագող խնդիրների մշակութային ասպեկտներն ու հնարավոր լուծումները, մշակութային խնդիրների շուրջ արդյունավետ հաղորդակցվելու մեխանիզմները:
2. Գործնական մասնագիտական կարողություններ
   1. կատարել հայաստանյան մշակութային գործընթացների ինքնուրույն քննություն, նկարագրել ինքնության ավանդական և արդի մեխանիզմները,
   2. նկարագրել միջմշակութային հաղորդակցության գործընթացները, ճանաչել խոչընդոտները և առաջարկել լուծման արդյունավետ միջոցներ, իրականացնել վարքային դրսևորումների մշակութային ասպեկտների հետազոտություն,
   3. վավերացնել և գնահատել կրոնական և սոցիալական գործընթացների մշակութային հենքը, հետազոտել, առաջարկներ անել տոնածիսական և ժամանցային գործընթացների վերաբերյալ,
   4. կազմել և իրականացնել սոցիալական կառուցվածքների և գործընթացների, ազգային փոքրամասնությունների սոցիալ-մշակութային կյանքին վերաբերող ծրագրեր, գնահատել իրականացված ծրագրերի արդյունավետությունը,
   5. նկարագրել և գնահատել քաղաքականության և մշակույթի փոխազդեցությունները, հայ մշակութային ժառանգության դրսևորումները: Կատարել արդի միգրացիոն գործընթացների մշակութաբանական վերլուծություն,
   6. կազմել մշակութաբանական հետազոտության ծրագիր, կատարել հանրային ու պետական կյանքի զանազան ոլորտներում ծագած խնդիրների վերաբերյալ մշակութաբանական վերլուծություն, պատրաստել հրապարակային ելույթներ
3. Ընդհանրական (փոխանցելի) կարողություններ
   1. օգտվել տեղեկատվության տարատեսակ աղբյուրներից (գրադարաններ, համացանցային ռեսուրսներ, գիտական մենագրություններ և հոդվածներ),
   2. անցկացնել մշակութաբանական-սոցիոլոգիական դիտումներ և հարցումներ, նկարագրել մշակութային գործընթացներ, նյութական և ոչ նյութական մշակույթի հուշարձաններ, թանգարանային արտեֆակտներ,
   3. ձևակերպել հետզոտության նպատակը, խնդիրները, ընտրել նյութերի հավաքման և քննության անհարժեշտ մեթոդները,
   4. ստեղծագործաբար կիրառել ձեռք բերված գիտելիքները, ընկալել և տարածել նորերը,
   5. տրաստել զեկուցումներ, ներկայացնել հետազոտությունների արդյունքները, վարել գիտական բանավեճեր,
   6. պահպանել մասնագիտական էթիկայի նորմերը
   7. տիրապետել օտար լեզվին այն ծավալով, որն անհրաժեշտ է մասնագիտական բնույթի տեղեկատվություն քաղելու օտարալեզու աղբյուրներից