Դասախոսի մասնագիտական կարողությունները պետք է համապատասխանեն նշված պահանջներից առնվազն երեքին

1. Ընդհանրական կարողություններ
Դասավանդման/մանկավարժական
· դասընթացի աշխատանքային ծրագիր (օրացուցային պլան) կազմելու հմտություն,
· դասավանդման ինտերակտիվ մեթոդների իմացություն, ակտիվ ուսուցման տեխնիկաների կիրառման կարողություն,
· ուսանողների մեծ խմբի (մինչև 100 հոգի) հետ աշխատանքը համակարգելու և խմբային դինամիկան կարգավորելու կարողություն:
Հետազոտական
· տարաբնույթ գիտական աղբյուրների հետ աշխատելու, ինչպես նաև համացանցային տեղեկատվական ռեսուրսներից օգտվելու հմտություն,
· սոցիոլոգիական հետազոտությունների իրականացման հմտություն,
· կարիքի գնահատում, մոնիթորինգ և արդյունարար գնահատում իրականացնելու հմտություն,
· հետազոտական խումբ ղեկավարելու կարողություն:
Հաղորդակցման
· լսարանի հետ բանավոր հաղորդակցվելու հմտություն,
· փաստաթղթեր մշակելու, կազմելու և լրացնելու, հաշվետվություններ գրավոր շարադրելու կարողություն,
· տեղեկատվության համակարգման, մշակման և ներկայացման հմտություն,
· օտար լեզվի իմացություն (առնվազն անգլերենի B1 մակարդակին համապատասխան)։
ՏՀՏ կիրառություն
· բազային համակարգչային (MS Office փաթեթի ազատ տիրապետում՝ Word, Excel, Access, PPT) հմտություններ,
· ժամանակակից սոցիալական հարթակներից օգտվելու հմտություն:
Այլ կարողություններ
· սոցիալական ոլորտը կարգավորող մասնագիտական էթիկայի և իրավական նորմերի իմացություն,
· անհրաժեշտ ռեսուրսները գնահատելու և սոցիալական ծրագրեր իրականացնելու կարողություն,
· ժամանակային ռեսուրսների պլանավորման և կառավարման կարողություն:
2. Մասնագիտական կարողություններ
· խոցելի խմբերի հիմնախնդիրները սահմանելու և նրանց իրավունքների պաշտպանության ռազմավարությունների իմացություն,
· անհատների, խմբերի, ընտանիքների և համայնքների կարիքների գնահատման հմտություն,
· սոցիալական աշխատանքի մեթոդների, մոդելների, սուպերվիզիայի տեղայնացման և կիրառման կարողություն,
· կոնֆլիկտների առաջացման պատճառները և զարգացման միտումները վերլուծելու հմտություն և կոնֆլիկտների կարգավորման կարողություն,
· սոցիալական քաղաքականության և սոցիալական աշխատանքի միջև կապը վերլուծելու կարողություն,
· սոցիալական աշխատանքի տեսության և պրակտիկայի միջև կապը վերլուծելու հմտություն,
· շահառուի կարիքների բավարարման և իրավունքների պաշտպանության համար անհրաժեշտ նյութական, մարդկային, մասնագիտական, համայնքային, մշակութային, իրավական և այլ ռեսուրսներ գտնելու և գործիքներ մշակելու հմտություն,
· սոցիալական խորհրդատվություն և սոցիալական դեպքի կառավարում իրականացնելու հմտություններ,
· շահառուների համար սոցիալական, կրթական, առողջապահական, վերականգնողական, հոգեբանական, իրավական ծառայությունների հասանելիությունը և մատչելիությունը գնահատելու և դրանց բարձրացման ուղղությամբ առաջարկություններ մշակելու կարողություն,
· խոցելի խմբերի և հասարակության շահերից բխող քաղաքական որոշումների ադվոկացիա և լոբինգ իրականացնելու կարողություն,
· զանգվածային սոցիալական գործընթացների, կոլեկտիվ վարքի, սոցիալական փոխգործունեության դրսևորման ձևերի վերլուծության կարողություն,
· շահառուների, դոնոր համայնքի, ԶԼՄ-ի, սոցիալական ծառայություններ մատուցող կազմակերպությունների և որոշում կայացնողների հետ հաղորդակցության կառավարման կարողություն:
3. Ընդհանուր պահանջներ
Գիտական աստիճան
· գիտական աստիճան և/կամ կոչում հասարակագիտական ոլորտում, կամ որոշ դեպքերում՝ տվյալ կամ հարակից մասնագիտությամբ արտերկրյա բուհում ստացած մագիստրոսի կոչում,
· վերջին 5 տարում առնվազն 3 գիտական և/կամ մեթոդական հրատարակու­թյունների առկայություն,
· վերջին 5 տարում առնվազն 3 մասնակցություն գիտաժողովների և/կամ աշխա­տաժողովների։
Մանկավարժական փորձ
· մասնագիտական դասընթացների դասավանդման և/կամ վերապատրաս­տումներ (թրեյնինգներ) իրականացնելու առնվազն 3 տարվա փորձ,
· վերջին 5 տարվա ընթացքում մասնակցություն տեղական կամ միջազգային վերապատրաստումների և/կամ մասնագիտական որակավորման բարձրացման դասընթացների:
Պրակտիկ աշխատանքի փորձ
· առնվազն 5 տարվա աշխատանքային փորձ սոցիալական աշխատանքի կամ հարակից ոլորտում՝ հոգեբանություն, կառավարում, իրավապաշտպանություն, սոցիոլոգիա, տնտեսագիտություն, մանկավարժություն, արվեստ, լրագրություն և այլն։
Այլ պահանջներ
· դասավանդման պորտֆոլիո՝ դասավանդվող առարկաների առնվազն 50%-ի առցանց նյութերի առկայություն,
ուսանողական հարցման արդյունքներով ստացված գնահատականների միջինը՝ առնվազն 4,0 (գործող դասախոսների համար)։