Դասախոսի մասնագիտական կարողությունները պետք է համապատասխանեն նշված պահանջներից առնվազն երեքին

1. Ընդհանրական կարողություններ
Դասավանդման/մանկավարժական
· դասընթացի աշխատանքային ծրագիր (օրացուցային պլան) կազմելու հմտություն,
· դասավանդման ինտերակտիվ մեթոդների իմացություն, ակտիվ ուսուցման տեխնիկաների կիրառման կարողություն:
Հետազոտական
· տարաբնույթ գիտական աղբյուրների հետ աշխատելու, ինչպես նաև համացանցային տեղեկատվական ռեսուրսներից օգտվելու հմտություն,
· սոցիոլոգիական և մարքեթինգային հետազոտությունների իրականացման հմտություն,
· հետազոտական խումբ ղեկավարելու կարողություն:

Հաղորդակցման
· լսարանի հետ բանավոր հաղորդակցվելու հմտություն,
· հետազոտության արդյունքները գրավոր շարադրելու կարողություն,
· օտար լեզվի իմացություն (առնվազն անգլերենի B1 մակարդակին համապատասխան)։
ՏՀՏ կիրառություն
· բազային համակարգչային (MS Office փաթեթի ազատ տիրապետում՝ Word, Excel, Power-Point) հմտություններ,
· ժամանակակից սոցիալական հարթակներից օգտվելու հմտություն,
· լուսացուցադրություններ պատրաստելու և ներկայացնելու հմտություններ (pptx, prezi, canva և այլն):
Այլ կարողություններ
· հասարակական հարաբերությունները կարգավորող մասնագիտական էթիկայի և իրավական նորմերի իմացություն (մասնավորապես` հաղորդա­կցու­թյուն­ների ոլորտում),
· անհրաժեշտ ռեսուրսները գնահատելու և ծրագրերը արդյունավետորեն իրականացնելու կարողություն,
· ժամանակային ռեսուրսների պլանավորման և կառավարման կարողություն:

2.Մասնագիտական կարողություններ
· PR, սոցիոլոգիական, մարքեինգային, քաղաքական, մեդիա հետազոտություն­ների և վերլուծության, ախտորոշող և գնահատող հետազոտությունների կարողություն,
· PR-ռազմավարություններ մշակելու և ներկայացնելու, PR-նախագծեր պլա­նա­վորելու և իրականացնելու կարողություն,
· թիրախային լսարանների առանձնացնեու և դրանց հետ ռազմավարական հաղորդակցման իրականացման կարողություն,
· բանավոր և գրավոր PR-հաղորդագրություններ մշակելու հմտություններ,
· PR-փաստաթղթեր, տեղեկատվական փաթեթներ, այլ համապատասխան տեքստեր մշակելու, ստեղծարար գրագրության հմտություն,
· հրապարակային ելույթներ պատրաստելու և իրականացնելու կարողություն,
· ԶԼՄ-ների հետ հարաբերություններ ձևավորելու հմտություններ,
· մեդիա իրադարձություններ կառավարելու կարողություն,
· կորպորատիվ հատուկ միջոցառումներ՝ ասուլիսներ, ճեպազրույցներ, համա­ժողովներ, շնորհանդեսներ և այլն կազմակերպելու և կառավարելու կարո­ղություն,
· սոցիալական ցանցերում հաղորդակցման բովանդակությունը՝ կոնտենտը կառավարելու և ապահովելու կարողություն,
· Պետական, հանրային և մասնավոր կազմակերպությունների իմիջի ձևավորման ռազմավարություն մշակելու, իմիջային հաղորդակցման իրականացնելու կարողություն,
· բրենդ-հաղորդակցություններ մշակելու և իրականացնելու կարողություն,
· Տեղեկատվական անվտանգության և ապատեղեկատվության դեմ պայքարի գործիքակազմի իմացություն,
· Արտակարգ իրավիճակներում պետական, հանրային կամ մասնավոր կազմակերպությունների հաղորդակցության համակարգման գործիքակազմի իմացություն կամ կիրառման առնվազն երեք տարվա փորձի առկայություն,
· Հանրային կառավարման ոլորտի առանձնահատկությունների իմացություն։

3. Ընդհանուր պահանջներ

Գիտական աստիճան
· գիտական աստիճան և/կամ կոչում հասարակագիտական ոլորտում, կամ որոշ դեպքերում՝ տվյալ կամ հարակից մասնագիտությամբ արտերկրյա բուհում ստացած մագիստրոսի կոչում,
· վերջին 5 տարում առնվազն 3 գիտական և/կամ մեթոդական հրատարակու­թյունների առկայություն,
· վերջին 5 տարում առնվազն 3 մասնակցություն գիտաժողովների և/կամ աշխա­տաժողովների։

Մանկավարժական փորձ
· մասնագիտական դասընթացների դասավանդման և/կամ վերապատրաս­տումներ (թրեյնինգներ) իրականացնելու առնվազն 3 տարվա փորձ,
· վերջին 5 տարվա ընթացքում մասնակցություն տեղական կամ միջազգային վերապատրաստումների և/կամ մասնագիտական որակավորման բարձրացման դասընթացների,

Պրակտիկ աշխատանքի փորձ
· առնվազն 5 տարվա աշխատանքային փորձ հասարակայնության հետ կա­պերի կամ հարակից ոլորտում՝ սոցիոլոգիա, կառավարում, քաղաքագիտություն, լրագրություն, հոգեբանություն, մարքեթինգ, բրենդինգ, գովազդ և այլն։

Այլ պահանջներ
• դասավանդման պորտֆոլիո՝ դասավանդվող առարկաների առնվազն 50%-ի առցանց նյութերի առկայություն,
ուսանողական հարցման արդյունքներով ստացված գնահատականների միջինը՝ առնվազն 4,0 (գործող դասախոսների համար)։