Երևանի պետական համալսարանի ընդհանուր հոգեբանության ամբիոնի, ԵՊՀ հոգեբանության գիտահետազոտական կենտրոնի և Հայաստանի հոգեբանների միության մասնագիտական ՀԿ-ի համատեղ նախաձեռնությամբ ս.թ. հոկտեմբերի 10-12-ը  կանցկացվի «Տեսական և կիրառական հոգեբանության արդի հիմնախնդիրները» խորագրով միջազգային 10-րդ գիտաժողովը:

Գիտաժողովի նպատակներն են՝ 

• համախմբել աշխարհում հայտնի հոգեբան գիտնականներին, 
• հոգեբանական հանրությանը ծանոթացնել ժամանակակից հոգեբանության մարտահրավերներին և արդի հիմնախնդիրներին, 
• նպաստել տարբեր երկրներում գործող հոգեբանական դպրոցների ներկայացուցիչների հետ փորձի փոխանակմանը և մասնագիտական կապերի, ինչպես նաև համագործակցային եզրերի ընդլայնմանը:

Գիտաժողովին մասնակցելու են 10 երկրների ավելի քան 50 առաջատար գիտնականներ: 

Գիտաժողովի շրջանակում կանցկացվեն պանելային ելույթներ, նստաշրջաններ, սեմինարներ և ստենդային զեկույցներ: 

Նախատեսվում է նաև թեզիսների ժողովածուի տպագրում: