ԵՊՀ-ՈՒՄ ՆՇՎԵՑ ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՄԻՋԱԶԳԱՅԻՆ ՕՐԸ ԵՊՀ-ի բակում այսօր անցկացվեց ռեկտորատի, Շառլ Ազնավուրի անվան մշակույթի կենտրոնի և Արհկոմիտեի համատեղ կազմակերպած տոնական միջոցառումը՝ նվիրված Երեխաների պաշտպանության միջազգային օրվան։ Միջոցառմանը համերգային ծրագրով հանդես եկան Շառլ Ազնավուրի անվան մշակույթի կենտրոնի մեներգիչները և «Համալսարանական» թատրոն-ստուդիայի սաները:
ԱՆՁՆԱՅԻՆ ՆԵՐՈՒԺԻ ԳՈՐԾԱՌՆԱԿԱՆ ԴԵՐԸ ՃԳՆԱԺԱՄԱՅԻՆ ԵՎ ԱՐՏԱԿԱՐԳ ԻՐԱՎԻՃԱԿՆԵՐԻ ՍՈՑԻԱԼ-ՀՈԳԵԲԱՆԱԿԱՆ ՀԵՏԵՎԱՆՔՆԵՐԻ ՀԱՂԹԱՀԱՐՄԱՆ ԳՈՐԾԸՆԹԱՑՈՒՄ. ԳԻՏԱԿԱՆ ԹԵՄԱ ՀՀ ԿԳՄՍՆ գիտության կոմիտեն ֆինանսավորման է երաշխավորել «Անձնային ներուժի գործառնական դերը ճգնաժամային և արտակարգ իրավիճակների սոցիալ-հոգեբանական հետևանքների հաղթահարման գործընթացում» գիտական թեման: Այն ներկայացրել է ԵՊՀ փիլիսոփայության և հոգեբանության ֆակուլտետի՝ հոգեբանության գիտահետազոտական կենտրոնը։ Թեմայի շուրջ զրուցել ենք աշխատանքային խմբի ղեկավար, հոգեբանական գիտությունների դոկտոր, պրոֆեսոր Հրանտ Ավանեսյանի հետ։
ՀԱՄԱԼՍԱՐԱՆԱԿԱՆՆԵՐՆ ԱՅՑԵԼԵՑԻՆ ԹԲԻԼԻՍԻ ԵՊՀ Շառլ Ազնավուրի անվան մշակույթի կենտրոնի ներկայացուցիչները երկօրյա այց իրականացրին Թբիլիսի; Հովհաննես Թումանյանի տուն-թանգարանում համալսարանականները մասնակցեցին Հայաստանի գրողների միության նախագահ Էդվարդ Միլիտոնյանի «Բազմաձայն երկիր Վրաստանը» գրքի շնորհանդեսին, Վարդատոնին, հանդես եկան երաժշտական և պարային կատարումներով:
ԾԱՆՐ ՄԻՋՈՒԿՆԵՐԻ ԻՆՔՆԱԿԱՄ ԵՎ ՀԱՐԿԱԴՐԱԿԱՆ ԲԱԺԱՆՄԱՆ ՀԱԶՎԱԳՅՈՒՏ ՊՐՈՑԵՍՆԵՐ. ԳԻՏԱԿԱՆ ԹԵՄԱ ՀՀ ԿԳՄՍՆ գիտության կոմիտեն ֆինանսավորման է երաշխավորել «Ծանր միջուկների ինքնակամ և հարկադրական բաժանման հազվագյուտ պրոցեսներ» գիտական թեման: Թեմայի հիմնական նպատակն է ուսումնասիրել միջուկների ինքնակամ և պրոտոնների (ֆոտոնների) ազդեցության տակ հարկադրված եռակի բաժանումը և բաժանման իզոմերները: Թեմայի շուրջ զրուցել ենք աշխատանքային խմբի ղեկավար, ֆիզմաթ. գիտ. դոկտոր Անահիտ Բալաբեկյանի հետ:
ԿՈՐԵԵՐԵՆԻ ԲԱՆԱՎՈՐ ԽՈՍՔԻ ԵՎ ԱԶԳԱՅԻՆ ՄՇԱԿՈՒՅԹԻ ՄՐՑՈՒՅԹՈՒՄ ԵՊՀ ՈՒՍԱՆՈՂՆԵՐԸ ԳՐԱՆՑԵԼ ԵՆ ԲԱՐՁՐ ԱՐԴՅՈՒՆՔՆԵՐ Հայ-կորեական բարեկամական հարաբերությունների ամրապնդման և համատեղ կրթամշակութային ծրագրերի իրականացման նպատակով կազմակերպվեց կորեերենի բանավոր խոսքի և կորեական ազգային մշակույթի մրցույթ՝ նվիրված հայ-կորեական դիվանագիտական հարաբերությունների հաստատման 30-ամյակին: Մայր բուհից կորեերենի բանավոր խոսքի մրցույթին մասնակցեցին 6 ուսանող, որոնցից չորսը գրավեցին 2-րդ և 3-րդ հորիզոնականները՝ արժանանալով պատվոգրերի և դրամական պարգևների, իսկ մյուս մասնակիցները՝ հուշանվերների և մասնակցության վկայականների։
ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ ԱՆՑԿԱՑՎԵՑ «ԴԱՆԹԵՆ ՀԱՅ ԳՐԱԿԱՆՈՒԹՅԱՆ ՄԵՋ» ԽՈՐԱԳՐՈՎ ՄԻՋՈՑԱՌՈՒՄ «Դանթեական օր» տոնակատարությունների շրջանակում կազմակերպված միջոցառման նպատակն էր ընդգծել Դանթեի և Ե. Չարենցի, Դանթեի և Հ. Շիրազի միջև առկա ստեղծագործական կապը: Միջոցառման ընթացքում ներկայացվեցին թեմատիկ զեկուցումներ:
ԵՊՀ-ՈՒՄ ԿԱԶՄԱԿԵՐՊՎԵՑ ՕՐՀՈՒՍԻ ԿՈՆՎԵՆՑԻԱՅԻՆ ՀԱՄԱՊԱՏԱՍԽԱՆԵՑՄԱՆ ԳՈՐԾՈՂՈՒԹՅՈՒՆՆԵՐԻ ՊԼԱՆԻ ՄՇԱԿՄԱՆ ՎԵՐԱԲԵՐՅԱԼ ՔՆՆԱՐԿՈՒՄ ԵՊՀ էկոլոգիական իրավունքի գիտաուսումնական կենտրոնում կազմակերպվեց «Շրջակա միջավայրի վերաբերյալ տեղեկատվության հասանելիության, որոշումների կայացմանը հանրության մասնակցության և արդարադատության մատչելիության» մասին կոնվենցիային (այսուհետ՝ Օրհուսի կոնվենցիա) համապատասխանեցման գործողությունների պլանի մշակման քննարկում:
ԵԼՀ ՖԱԿՈՒԼՏԵՏԻ ԳԵՐՄԱՆԱԿԱՆ ԲԱՆԱՍԻՐՈՒԹՅԱՆ ԱՄԲԻՈՆԸ ՀԱՄԱԼՐՎԵԼ Է ՄԱՍՆԱԳԻՏԱԿԱՆ ԴԱՍԱԳՐՔԵՐՈՎ Եվրոպական լեզուների և հաղորդակցության ֆակուլտետի դեկան Գևորգ Բարսեղյանը Գերմանական տնտեսական միավորման անդամ Իսմայիլ Շեկին հանձնեց շնորհակալագիր՝ երախտագիտություն հայտնելով ֆակուլտետի գերմանական բանասիրության ամբիոնին նվիրաբերած դասագրքերի համար: Կազմակերպված հանդիպման ընթացքում բիզնես ոլորտի ներկայացուցիչները կիսվեցին իրենց հաջողության պատմություններով՝ ներկայացնելով կրթության և հատկապես գերմաներենի իմացության դերը բիզնեսում հաջողություն գրանցելու հարցում:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ԿՈՐԵԱՅԻ ՀԱՆՐԱՊԵՏՈՒԹՅԱՆ ՄԻՋԵՎ ԴԻՎԱՆԱԳԻՏԱԿԱՆ ՀԱՐԱԲԵՐՈՒԹՅՈՒՆՆԵՐԻ ՀԱՍՏԱՏՄԱՆ 30-ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄ ԵՊՀ միջազգային հարաբերությունների ֆակուլտետի՝ կորեերենի լսարանի նախաձեռնությամբ Ծաղկաձորում գտնվող ԵՊՀ ուսումնական բազայում տեղի ունեցավ միջոցառում՝ նվիրված Հայաստանի Հանրապետության և Կորեայի Հանրապետության միջև դիվանագիտական հարաբերությունների հաստատման 30-ամյակին: Մշակութային միջոցառման նպատակն էր նպաստել հայ-կորեական բարեկամական հարաբերությունների խորացմանը և կրթամշակութային ծրագրերի համատեղ իրականացմանը։
ԿԱՅԱՑԱՎ ԵՊՀ ՍՈՑԻՈԼՈԳԻԱՅԻ ՖԱԿՈՒԼՏԵՏԻ «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ» ՄԱԳԻՍՏՐՈՍԱԿԱՆ ԾՐԱԳՐԻ ՎԵՐԱԲԵՐՅԱԼ ՏԵՂԵԿԱՏՎԱԿԱՆ ՀԱՆԴԻՊՈՒՄ «Հասարակայնության հետ կապեր» ծրագրի մանրամասների, ընձեռած հնարավորությունների և դիմելու ընթացակարգի վերաբերյալ դիմորդներին տեղեկատվություն տրամադրելու նպատակով ԵՊՀ սոցիոլոգիայի ֆակուլտետում կայացավ տեղեկատվական հանդիպում: Ֆակուլտետի «Հասարակայնության հետ կապեր» մագիստրոսական կրթական ծրագիրը կրճատվել է՝ դառնալով մեկամյա, ինչի շնորհիվ դիմորդները հնարավորություն կունենան մեկ տարվա ընթացքում ստանալու հասարակայնության հետ կապերի մասնագետի որակավորում, հիմնարար գիտելիքներ, մագիստրոսի աստիճան։
