«Էրազմուս+» ծրագրի միջազգային կրեդիտային շարժունություն Հրադեց Կրալովե համալսարան, Չեխիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Հրադեց Կրալովե (Չեխիա) համալսարանի միջև կնքված պայմանագրով նախատեսվում է 2 շարժունություն Սոցիոլոգիայի ֆակուլտետի ուսանողների համար («Սոցիալական աշխատանք» և «Սոցիոլոգիա» մասնագիտություններով)` 2024/2025 ուստարվա 1-ին կիսամյակում ուսանելու նպատակով:

Անգլերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ h.mkrtchyan@ysu.am: Նամակի վերնագրի դաշտում անհրաժեշտ է նշել Erasmus+, Hradec Kralove):

Դիմումների ընդունման վերջնաժամկետն է ս․թ․ փետրվարի 15-ը՝ ժամը 17:00-ն:

Ստորև ներկայացվում է ուսանողների համար անհրաժեշտ փաստաթղթերի ցանկը (փաստաթղթերն ընդունվում են միայն անգլերեն, PDF տարբերակով)․

1. անձնագրի պատճեն, 

2. ինքնակենսագրական (CV) «Europass» ձևաչափով,

3. մոտիվացիոն նամակ, 

4. ակադեմիական տեղեկագիր,

5. տեղեկանք ԵՊՀ-ում ուսանելու վերաբերյալ,

6. ուսանողական տոմս,

7. գունավոր լուսանկար,

8. ուսումնառության համաձայնագիր (Learning Agreement for
Studies),

9. անգլերենի իմացությունը հաստատող վկայական:

Անգլերենի դասընթացների ցանկին հնարավոր է ծանոթանալ այստեղ։