«Էրազմուս+» ծրագրի միջազգային կրեդիտային շարժունություն․ Վենետիկի Կա Ֆոսկարի համալսարան, Իտալիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Վենետիկի Կա Ֆոսկարի համալսարանի միջև կնքված պայմանագրով նախատեսվում է շարժունություն «Պատմություն և հնագիտություն» (6 ամիս ժամկետով), «Գրականություն և լեզվաբանություն» (3 ամիս ժամկետով) մասնագիտություններով ասպիրանտների համար՝ 2024/2025 ուստարվա 1-ին կիսամյակում հետազոտական աշխատանքներ կատարելու նպատակով:

Աշխատանքային լեզուն անգլերենն (իտալերեն) է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը: 

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում։ 

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am): 

Դիմումների ընդունման վերջնաժամկետն է ս․թ. մարտի 26-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն)`

1. դիմում-հայտ,

2. անձնագրի պատճեն,

3. ինքնակենսագրական (CV) «Europass» ձևաչափով, 

4. ակադեմիական տեղեկագիր,

5. տեղեկանք ԵՊՀ-ում ուսանելու վերաբերյալ,

6. ընդունող բուհի գիտական ղեկավարի համաձայնությունը (միայն ասպիրանտների համար՝ international.cooperation@unive.it էլհասցեին ուղարկել CV և հետազոտական աշխատանքի պլանը),

6.1 շարժունության համաձայնագիր: