«Էրազմուս+» ծրագրի միջազգային կրեդիտային շարժունություն Գաբրիել դը Անունցոյի անվան համալսարան, Իտալիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Իտալիայի Գաբրիել դը Անունցոյի անվան համալսարանի միջև կնքված պայմանագրով նախատեսվում է շարժունություն բակալավրիատի և մագիստրատուրայի ուսանողների համար (հումանիտար մասնագիտություններ, ֆարմացիա, հոգեբանություն, փիլիսոփայություն, սոցիոլոգիա, իրավագիտություն, գործարարություն և տնտեսագիտություն)՝ 2024/2025 ուստարվա 1-ին կիսամյակում 5 ամիս ժամկետով ուսանելու նպատակով:

Աշխատանքային լեզուն անգլերենն (իտալերեն) է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև հոգում է ճանապարհածախսը: 

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում։ 

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am): 

Դիմումների ընդունման վերջնաժամկետն է ս․թ. մարտի 31-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն, PDF տարբերակով)`

1. անձնագրի պատճեն,

2. ինքնակենսագրական (CV) «Europass» ձևաչափով, 

3. մոտիվացիոն նամակ,

4. ակադեմիական տեղեկագիր,

5. տեղեկանք ԵՊՀ-ում ուսանելու վերաբերյալ,

6. ուսումնառության համաձայնագիր (Learning Agreement for Studies),

6․1․ առարկաների ցանկերը հնարավոր է գտնել հետևյալ կայքէջերում․

անգլերենով դասավանդվող առարկաների ցանկը՝ https://www.unich.it/sites/default/files/english_courses.pdf, 

իտալերենով դասավանդվող առարկաների ցանկը՝ https://en.unich.it/node/146,

7. մանրամասն տեղեկություններ հնարավոր է գտնել այստեղ։