Հանրակրթական ուսումնական հաստատություններում բնագիտական առարկաների ուսուցման ընթացքում ոչ առաջնային տեղ են գրավում գործնական աշխատանքները կամ հենց բուն փորձերը: Հաճախ է քննարկվում այն հարցը, որ հանրակրթական ուսումնական հաստատությունները միշտ չէ, որ հնարավորություն ունեն բնագիտական առարկաների դասավանդման ընթացքում իրականացնելու գործնական աշխատանքներ: Բնագիտական առարկաներն աշակերտների համար ավելի հասկանալի, մատչելի և գրավիչ դարձնելու համար ԵՊՀ շարունակական կրթության կենտրոնն առաջարկում է ամառային բնագիտական աշխատարան-ծրագիր։ Ծրագիրը եզակի հնարավորություն է՝ գիտափորձերի և պրակտիկ աշխատանքի միջոցով հասկանալու, թե «ինչպես է աշխատում» մեզ շրջապատող աշխարհը։

Ծրագրի նկարագրություն.

«Բնագիտությունը զվարճալի՜ է. տե՛ս, շոշափի՛ր, փորձի՛ր» կրթական ծրագիրը ԵՊՀ շարունակական կրթության կենտրոնի նախաձեռնությունն է։ Ծրագրի շրջանակում 8-12-րդ դասարան փոխադրված դպրոցականները ԵՊՀ դասախոսների և ուսանողների օգնությամբ կսովորեն ինքնուրույն կատարել գործնական աշխատանքներ ու գիտափորձեր «Ֆիզիկա», «Մոլեկուլյար ֆիզիկա», «Օրգանական քիմիա», «Անօրգանական քիմիա», «Աշխարհագրություն և երկրաբանություն», «Քարտեզագրություն և գեոմորֆոլոգիա» և «Կենսաբանություն» առարկաների շրջանակում (բուսաբանություն, կենդանաբանություն, էկոլոգիա, ֆիզիոլոգիա, կենսաքիմիա, գենետիկա):

Ծրագիրը կմեկնարկի հունիսի 3-ին և կտևի 3 շաբաթ։ Այս ընթացքում, հիմնվելով հանրակրթական ուսումնական հաստատությունների կրթական ծրագրերի վրա, դպրոցականները ԵՊՀ լաբորատորիաներում կկատարեն գործնական աշխատանքներ, գիտափորձեր և համակողմանի կուսումնասիրեն վերոնշյալ առարկաները գործնականում:

Ծրագրի ընթացքում դպրոցականները սեփական փորձի հիման վրա կսովորեն՝

• ինչ են լույսի բևեռացումը, գույները, օպտիկական մանրաթելը, լույսի ճնշումը, անիվի իներցիայի մոմենտը, Նյուտոնի գնդիկները, լավա լամպը, գրավիտացիան, ոչ նյուտոնյան հեղուկը,

• տարբերակել ՀՀ տարածքում աճող սնկերը, բարձրակարգ և ստորակարգ բույսերը,

• գնահատել մարդու քաղցկեղածին բջիջների կենսունակությունը տրիպան կապույտի բացառման թեստով,

• ինչպես օճառացնող հեղուկի միջոցով բանանից անջատել ԴՆԹ-ն,

• գնահատել հողերի աղակալվածության աստիճանը,

• կատարել միաբջջավորների տարբեր ներկայացուցիչների մանրադիտակային ուսումնասիրություն,

• դիտարկել օդի, ջրի և հողի մանրէաբանական կազմը (Պետրիի թասիկներում և մանրադիտակով),

• կազմել երկրաբանական կտրվածք նախապես տրված քարտեզներով, պարզաբանելու տվյալ տեղամասի երկրաբանական կառուցվածքը, շերտերի փոխհարաբերությունները և օգտակար հանածոների տարածումը՝ ըստ խորության,

• կատարել գեոդեզիական չափումներ ավանդական և ժամանակակից սարքերով և տիեզերական նկարների վերծանում ամպային տիրույթում,

Ժամանակացույց

Դպրոցականները աշխատարաններ կայցելեն շաբաթական 2 օր՝ 3-4 ժամով: Ծրագրով նախատեսված է նաև մեկանգամյա առողջ սնունդ:

Բնագիտական առարկաների աշխատարանները լինելու են՝ ԵՊՀ նորագույն տեխնոլոգիաներով հագեցած լաբորատորիաները և լսարանները:

Փաթեթներ.

Ծրագրի փաթեթներին ծանոթանալու համար այցելեք հետևյալ հղումներով՝ 

• 8-12-րդ դասարանի դպրոցականների փաթեթ / Արժեքը՝ 58.000 ՀՀ դրամ/

• 11-12-րդ դասարանի դպրոցականների փաթեթ /Արժեքը՝ 55.000 ՀՀ դրամ/

Հետաքրքրվողները պետք է մինչև ս.թ. մայիսի 27-ը լրացնեն հետևյալ հարցաթերթը:

Հարցերի դեպքում դիմել ԵՊՀ շարունակական կրթության կենտրոն:

Հեռ.՝ (+374 60) 710 212

Էլհասցե՝ cce@ysu.am