ԵՊՀ-ում մեկնարկում է լիտվերենի դասընթաց, որին մասնակցելու հնարավորություն ունեն բոլոր ցանկացողները։
Մասնակիցներին կտրամադրվեն լիտվերեն սովորելու համար անհրաժեշտ ժամանակակից դասագրքեր։ Դասերի ժամանակ ինտենսիվ աշխատելով՝ տնային առաջադրանք կատարելու անհրաժեշտություն չի լինի, և սովորողները մեծ ծանրաբեռնվածություն չեն ունենա։
Դասընթացից բացի՝ մասնակիցները հնարավորություն կունենան ներգրավվելու լիտվական համայնքին առնչվող նախագծերի պատրաստման և իրականացման աշխատանքներում։
Դասընթացի ավարտին մասնակիցները կունենան լիտվերենի A1 մակարդակի իմացություն։
Դասընթացը կմեկնարկի ս․թ․ հոկտեմբերի 1-ից:
Դասերը կանցկացվեն շաբաթական երկու անգամ՝ երկուշաբթի և չորեքշաբթի՝ ժամը 18։15-ին, ԵՊՀ գրադարանի մասնաշենքի Հովհաննես Ադամյանի անվան սրահում:
Դասերի տևողությունը՝ 90 րոպե:
Ամսավճարը ԵՊՀ ուսանողների և պրոֆեսորադասախոսական կազմի համար կազմում է 5000 ՀՀ դրամ:
Ամսավճարն այլ մասնակիցների համար 8000 ՀՀ դրամ է:
Գրանցվելու համար անհրաժեշտ է ուղարկել մասնակցի անունը, ազգանունը և բջջային հեռախոսահամարը ani.poghosyan@ysu.am էլհասցեին:
Լավագույնը ճանաչված առնվազն 3 ուսանողներ հնարավորություն կունենան ամռանը լիտվական բուհերում մասնակցելու լիտվերենի դասընթացների:
