«Էրազմուս+» ծրագրի միջազգային կրեդիտային շարժունության գործողություն Երևանի պետական համալսարանի և Գրանադայի համալսարանի (Իսպանիա) միջև

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Իսպանիայի Գրանադայի համալսարանի միջև կնքված պայմանագրով նախատեսվում է շարժունություն բակալավրիատի ուսանողների համար` 2024/2025 ուստարվա 2-րդ կիսամյակում 5 ամիս ժամկետով ուսանելու նպատակով:

Աշխատանքային լեզուն իսպաներենը կամ անգլերենն է:

Իսպաներենի B1 մակարդակի իմացությունը պարտադիր է (դասընթացները իսպաներենով ընտրելու պարագայում):

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունություն ծրագրի մասին կարելի է գտնել «Էրազմուս+» ազգային գործակալության կայքէջում: 

Դիմումներն ընդունվում են ԵՊՀ միջազգային կապերի բաժնի mnatsakanyan@ysu.am էլհասցեով:

Դիմումների ընդունման վերջնաժամկետն է ս․թ. հոկտեմբերի 6-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը ուսանողների համար (փաստաթղթերն ընդունվում են միայն անգլերեն, PDF տարբերակով)՝

1. անձնագրի պատճեն, 

2. ինքնակենսագրական (CV)՝ «Europass» ձևաչափով, 

3. մոտիվացիոն նամակ, 

4. ակադեմիական տեղեկագիր,

5. տեղեկանք՝ ԵՊՀ-ում ուսանելու վերաբերյալ, 

6. ուսումնառության համաձայնագիր:

Առարկայացանկը՝ այստեղ։