«Էրազմուս+» ծրագրի միջազգային կրեդիտային շարժունություն․ Վառնայի մենեջմենթի համալսարան, Բուլղարիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Վառնայի մենեջմենթի համալսարանի (Բուլղարիա) միջև կնքված պայմանագրով նախատեսվում են շարժունություններ Տնտեսագիտության և կառավարման, Աշխարհագրության և երկրաբանության («Տուրիզմ» կրթական ծրագիր) ֆակուլտետների ուսանողների համար՝ 2024/2025 ուստարվա 2-րդ կիսամյակում վերոհիշյալ համալսարանում ուսանելու նպատակով:

Անգլերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում։

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ h.mkrtchyan@ysu.am: Նամակի վերնագրի դաշտում անհրաժեշտ է նշել Erasmus+, VUM):

Դիմումների ընդունման վերջնաժամկետն է ս․թ. հոկտեմբերի 20-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն, PDF տարբերակով)․

1. անձնագրի պատճեն, 

2. ինքնակենսագրական (CV) «Europass» ձևաչափով, 

3. մոտիվացիոն նամակ, 

4. ակադեմիական տեղեկագիր,

5. տեղեկանք ԵՊՀ-ում ուսանելու վերաբերյալ,

6. ուսումնառության համաձայնագիր (Learning Agreement for Studies KA171)

7. անգլերենի իմացությունը հաստատող վկայական

Անգլերենով դասընթացների ցանկը՝ այստեղ։