Ս.թ. հոկտեմբերի 20-26-ն ընկած ժամանակահատվածում Երևանում կանցկացվի քաղաքական երգիծանկարիչ, նկարիչ և անիմատոր Վրեժ Քասունու հիմնադրած անիմացիոն ֆիլմերի և պատկերապատման արվեստի 16-րդ միջազգային «ՌեԱ» փառատոնը:
Փառատոնին ընդառաջ՝ ս.թ. սեպտեմբերի 30-ին՝ ժամը 15:00-ին, Երևանի պետական համալսարանում կհյուրընկալվի «ՌեԱ» թիմը։
Բանախոսները կներկայացնեն անիմացիոն ինդուստրիան, հայկական անիմացիան ու զարգացման ներուժը, ինչպես նաև «ՌեԱ» փառատոնի գործունեությունը, անցած ուղին և փառատոնի այս տարվա ծրագիրը:
Հանդիպմանը կցուցադրվի փառատոնի նախորդ տարիների ֆիլմացանկի լավագույն անիմացիոն ֆանտաստիկ ֆիլմերից «Իլյուզիոնիստը»:
Խաղարկությամբ ուսանողները կստանան փառատոնի ընթացքում ֆիլմերի անվճար դիտման հավատարմագրեր։
