Սարքավորումներ

Կիրառվում է դեղերի, ազդող նյութերի, տարաբնույթ սինթետիկ և բնական միացությունների, պոլիմերների իսկության հաստատման ու մաքրության գնահատման համար։

• Շնորհիվ ներդրված լրացուցիչ հանգույցի՝ չի պահանջում բազմափուլ, ժամանակատար նմուշապատրաստում, հետազոտությունը կատարվում է բավականին կարճ ժամանակում,

• Հնարավոր է հետազոտել և կարծր, և հեղուկ նմուշները,

• Կարևոր առավելություններից է էլեկտրոնային գրադարանի առկայությունը, որն ամփոփում է ավելի քան 10 000 միացությունների ԻԿ-սպեկտրների տվյալների բազա, ինչը էականորեն հեշտացնում է նմուշների իսկության գնահատման գործընթացը։

Կիրառվում է տարաբնույթ նմուշներում անիոնների (SO₄²⁻, NO₂⁻, PO₄³⁻, F⁻, CI⁻, Br⁻ ) և կատիոնների (Na⁺, K⁺, Li⁺, NH₄⁺) քանակական և որակական նույնականացման համար:

ԲԱՀՔ համակարգերը կիրառվում են դեղերի, դեղերի օժանդակ նյութերի և կողմնակի խառնուրդների որակի հսկման և գնահատման նպատակով, ինչպես նաև կենսաբանորեն ակտիվ միացությունների՝ շաքարներ, ամինաթթուներ, վիտամիններ, կոնսերվանտներ, օրգանական թթուներ, կարոտինոիդներ, դաբաղանյութեր, ֆլավանոիդներ, նոր սինթեզված պոտենցիալ կենսաբանորեն ակտիվ միացություններ, ներկանյութեր, միկոտոքսիններ և այլն՝ որակական և քանակական անալիզի համար։

Կիրառվում է տարաբնույթ նմուշներում, մասնավորապես՝ հանքաքարերում, հոսքաջրերում, գրունտային ջրերում, դեղաբուսահումքերում տարրային կազմի վերլուծության, դրանց որակական և քանակական որոշման համար: Ի տարբերություն ատոմային աբսորբցիոնի՝ օպտիկաէմիսսիոն սպեկտրոմետրը ապահովում է վերլուծության բարձր ճշտություն և զգայունություն, ինչպես նաև հնարավորություն է տալիս կատարելու միաժամանակյա բազմատարր վերլուծություն (մինչև 73 տարր), որի մեջ ներառվում է միկրո- և մակրոէլեմենտներ, նաև արժեքավոր ու ծանր մետաղներ։ Ունի լայն դինամիկ տիրույթ, ինչը հնարավորություն է տալիս նաև հայտնաբերելու տարրերի հետքային քանակները։ Շնորհիվ «IntelliQuant» ռեժիմի՝ հնարավոր է չափումներ կատարել առանց ստանդարտի կիրառման։

Ինդուկտիվ կապված պլազմայով օպտիկաէﬕսսիոն սպեկտրոﬔտրով հետազոտության կարևոր բաղադրիչ է նմուշապատրաստման փուլը, որն իրականացվում է միկրոալիքային վառարանում թթվային քայքայման և լուծման եղանակով։

Կիրառվում է գազային և հեշտ ցնդող միացությունների որակական և քանակական վերլուծության համար, մասնավորապես՝ եթերայուղերի, սպիրտների, ճարպաթթուների, շրջակա միջավայրի կայուն օրգանական աղտոտիչների, ինչպես նաև դեղերի ազդանյութերի, օժանդակ խառնուրդների, մնացորդային լուծիչների որոշման համար:
 

Կիրառվում է բարդ խառնուրդների վերլուծության, սննդի, բնապահպանական և դատաքիմիական/թունաբանական փորձարկումների համար, նաև անհայտ նմուշների որակական բաղադրության որոշման համար, քանի որ համալրված է գրադարանով, որում ներառված են տարբեր դասի բազմաթիվ միացությունների տվյալներ, ինչը հնարավորություն է տալիս կատարելու որակական նույնականացում՝ առանց էտալոնային նմուշների կիրառման։ 
 

Կիրառվում է քիրալային միացությունների էնանտիոմերային մաքրության գնահատման, հայտնի և նոր սինթեզված միացությունների բացարձակ կոնֆիգուրացիայի որոշման համար՝ օպտիկական պտույտի արժեքի (αD) որոշմամբ:

Կիրառվում է ուլտրամանուշակագույն և տեսանելի մարզերում կլանում ունեցող նյութերի որակական և քանակական որոշման համար:
 

Կիրառվում է դեղահատերի ամրության գնահատման համար։