Մեկնարկել է «SustainMV» ամառային դպրոցին մասնակցության հայտերի ընդունելությունը:
«SustainMV»-ն ակադեմիական եզակի հարթակ է, որը կենտրոնացած է կայուն զարգացման թեմաների վրա՝ ներառելով տուրիզմի, վերականգնվող էներգիայի, թվային և տեխնոլոգիական նորարարությունների, վերամշակման և թափոնների կառավարման, էկոհամակարգերի և սոցիալական կայունության ոլորտները:
Սա հիանալի հնարավորություն է՝ ուսումնասիրելու կայուն զարգացման միջազգային մոտեցումները և ստանալու կրթական ու մշակութային հարուստ փորձ Գերմանիայում։
Ամառային դպրոցի ժամկետները
- Առցանց ներածական ծրագիր՝ ս․թ. օգոստոսի 19-21,
- առկա ուսուցման փուլ՝ ս․թ. օգոստոսի 25-ից սեպտեմբերի 5։
Վայրը՝ Մեկլենբուրգ-Առաջավոր Պոմերանիա, Գերմանիա։
Ծրագրի առավելությունները
- 4 ECTS կրեդիտ,
- մասնակցությունն անվճար է ԵՊՀ ուսանողների համար,
- ուսուցման մասնակցության գրանցման վճարը՝ 150 եվրո,
- ԵՊՀ-ից ընտրված ուսանողների համար հասանելի է 725 եվրո դրամաշնորհ։
Ովքեր հնարավորություն ունեն դիմելու
- «SustainMV 2025»-ի մասնակցության հայտ ներկայացնելու հնարավորություն ունեն բակալավրիատի բարձր կուրսերի և մագիստրատուրայի ուսանողները, որոնք ուսումնասիրում են կայուն զարգացմանն առնչվող ոլորտներ:
Դիմելու վերջնաժամկետ՝ ս․թ. ապրիլի 13։
Մանրամասն տեղեկություններ ստանալու, ինչպես նաև դիմումները ներկայացնելու կարգին հնարավոր է ծանոթանալ՝ անցնելով հետևյալ հղումով՝ https://sustainmv.de/ կամ կապ հաստատելով info@sustainmv.de էլհասցեի միջոցով:
