«Մոլեկուլային և ճշգրիտ ուռուցքաբանություն» դասընթաց ԵՊՀ-ում

ԵՊՀ շրջանավարտների և կարիերայի կենտրոնը և «BostonGene» կենսատեխնոլոգիական ընկերությունը համագործակցության շրջանակում կազմակերպում են «Մոլեկուլային և ճշգրիտ ուռուցքաբանություն» դասընթաց: Դասախոսությունները վարելու են «BostonGene» ընկերության «Ճշգրիտ ուռուցքաբանության» բաժանմունքի առաջատար մասնագետները։

Դասընթացի ընթացքում ուսանողները հնարավորություն կստանան ուսումնասիրելու.

• Մոլեկուլային և բջջային կենսաբանության այն թեմաները, որոնք այսօր առավել լայնորեն կիրառվում են բժշկության մեջ,

• Ժամանակակից անհատականացված ուռուցքաբանության ոլորտում գրանցված հաջողությունները,

• Ոլորտի հեռանկարային և զարգացող ուղղությունները,

• Անհատականացված ուռուցքաբանական տվյալների բազաները, տեղեկատվական աղբյուրները, ստանդարտները և այլն։

Դասընթացը բարեհաջող ավարտած ուսանողները հնարավորություն կունենան աշխատանքի ընդունվելու «BostonGene»-ում: 

Դասընթացին առավել մանրամասն կարող եք ծանոթանալ և գրանցվել այստեղ։