ԵՊՀ շրջանավարտների ֆորում

Ս.թ. մայիսի 15-ին և 16-ին Երևանի պետական համալսարանում առաջին անգամ տեղի կունենա ԵՊՀ շրջանավարտների ֆորում, որի նպատակն է ԵՊՀ տարբեր տարիների շրջանավարտների համար ստեղծել հաղորդակցման և համագործակցության հարթակ՝ հնարավորություն ընձեռելով նրանց ներկայացնելու իրենց մասնագիտական փորձն ու ձեռքբերումները, քննարկելու արդիական խնդիրներ, անդրադառնալու Հայաստանի, տարածաշրջանի և համաշխարհային մակարդակով տարբեր ոլորտներում առկա հնարավորություններին ու մարտահրավերներին: 

Ֆորումի շրջանակում կանցկացվեն պանելային քննարկումներ, բանախոսություններ, ինչպես նաև կստեղծվի ոչ ֆորմալ պայմաններում միմյանց հետ շփվելու հնարավորություն։

Քննարկումներն ու բանախոսությունները կանցկացվեն հետևյալ թեմատիկ ուղղություններով՝

• ֆիզիկական աշխարհ,

• տիեզերք և տեխնոլոգիաներ,

• հասարակություն և տնտեսություն,

• լեզու, մշակույթ, պատմություն և ավանդույթ։

Մասնակցելու համար անհրաժեշտ է նախապես գրանցվել մինչև ս․թ․ մայիսի 5-ը։ 

Գրանցվելու, ինչպես նաև ֆորումի վերաբերյալ մանրամասներին ծանոթանալու համար անցե՛ք հետևյալ հղումով՝ https://www.ysu.am/activities/919։ 

Բաց մի՛ թողեք ԵՊՀ շրջանավարտների առաջին ֆորումին մասնակցելու այս բացառիկ հնարավորությունը։