2015 թվականի սեպտեմբերին ԵՊՀ եվրոպական ուսումնասիրությունների կենտրոնն անդամակցեց «Ժան Մոնե» ցանցին «Եվրոպական ուսումնասիրությունների զարգացում Կովկասում» («DESCnet») նախագծի շրջանակում։

«DESCnet»-ի նպատակն է բարձրացնել Կովկասում եվրոպական ուսումնասիրությունների մակարդակը։ Ցանցը բաղկացած է Եվրոպայից և Կովկասի տարածաշրջանից 9 գործընկեր համալսարաններից: Այն ունի նոր մոտեցում Կովկասում եվրոպական ուսումնասիրությունների գաղափարի խթանման գործում։ Նախագծի հիմնական մասերն ուղղված են «Կովկասի եվրոպական ուսումնասիրությունների ասոցիացիայի» (AESC) ստեղծմանը և նրա գործունեությանը։

«DESCnet» նախագծի հիմնական գործունեությունը բաժանվում է երեք ոլորտի՝

• Դասավանդում (սեզոնային դպրոցներ բակալավրիատի և մագիստրատուրայի ուսանողների համար)

• Հետազոտությունների խթանում (հետազոտական սեմինարներ երիտասարդ հետազոտողների համար)

• Հասարակայնության հետ համագործակցություն (AESC ամենամյա համաժողով)

Նախագիծը համակարգվում է Տարտուի համալսարանի Յոհան Սկիտեի քաղաքականության ուսումնասիրության ինստիտուտի կողմից։

• «DESCNet» նախագծի կոնսորցիում

• «DESCNet» նախագծի գործունեություն

• Newsletter /Տեղեկագիր

• «DESCnet» նախագծի նյութեր

• AESC գործունեություն