Տեղեկատվական հանդիպում ԵՊՀ ուսանողների համար

Ս.թ. ապրիլի 14-ին՝ ժամը 14:30-ին, ԵՊՀ Սարգիս և Մարի Իզմիրլյանների անվան գրադարանի 501 ընթերցասրահում տեղի կունենա «Կորպորատիվ վաճառքը՝ որպես արևային բիզնեսի շարժիչ ուժ։ Աշխատանքի հնարավորություն ԵՊՀ ուսանողների համար» խորագրով տեղեկատվական հանդիպում «Արփի Սոլար» ընկերության ներկայացուցիչների հետ։

Հանդիպման ընթացքում կխոսվի ընկերության մասին,  ինչպես նաև կներկայացվեն ընկերությունում ԵՊՀ ուսանողների և շրջանավարտների կարիերայի ստեղծման հնարավորությունների մասին։ Բանախոսներն են կորպորատիվ վաճառքի պատասխանատուներ Սամվել Մարտիրոսյանը, Արման Խաչատրյանը, հատուկ նախագծերի պատասխանատու Արսեն Հարությունյանը։

Հանդիպման ընթացքում կքննարկվեն հետևյալ թեմաները՝

1.«Արևային համակարգերի դերն ու նշանակությունը»,
2.«Արևային բիզնեսի հնարավորություններն ու առանձնահատկությունները»,
3.«Արևային նախագծերի կառավարում, բիզնես բանակցություններ»,
4.«Արևային համակարգերի կորպորատիվ վաճառքի մոտեցումները և տեխնիկաները. հարցուպատասխան»,
5.«Մասնագիտական պրակտիկայի և աշխատանքի հնարավորություն ընկերությունում»: