ԵՊՀ-ում կանցկացվի երկօրյա դասընթաց

Ս.թ. ապրիլի 20-ին և 21-ին՝ ժամը 14:30-ին, ԵՊՀ եվրոպական ուսումնասիրությունների կենտրոնի Ռոբերտ Շումանի անվան սրահում (ԵՊՀ գրադարանի մասնաշենք, 1-ին հարկ) մեկնարկում են «Քեյ-Փի-Էմ-Ջի Արմենիա» ընկերության հետ համագործակցության շրջանակում կազմակերպված երկօրյա դասընթացներ, որոնք կվարեն ընկերության ներկայացուցիչները:

Երկօրյա դասընթացների ավարտին ավարտական կուրսի ուսանողները հնարավորություն կունենան մասնակցելու թեստավորմանը։ Անցողիկ միավորներ հավաքած մասնակիցները կհրավիրվեն հարցազրույցի և հաջողելու դեպքում կստանան աշխատանքի և վարձատրվող պրակտիկայի առաջարկ «Քեյ-Փի-Էմ-Ջի Արմենիա» ընկերությունից։

Դասընթացի ավարտին մասնակիցներին կտրվեն հավաստագրեր։