«Էրազմուս+» ծրագրի միջազգային կրեդիտային շարժունություն Բուրգունդիայի Ֆրանշ-Կոնտե համալսարան, Ֆրանսիա

«Էրազմուս+» միջազգային կրեդիտային շարժունության գործողության շրջանակում Երևանի պետական և Բուրգունդիայի Ֆրանշ-Կոնտե (Ֆրանսիա) համալսարանների միջև կնքված պայմանագրով նախատեսվում են շարժունություններ մագիստրատուրայի ուսանողների և ասպիրանտների համար 2023/2024 ուստարվա 1-ին կիսամյակում ուսանելու (ասպիրանտների համար՝ հետազոտական աշխատանքներ կատարելու) նպատակով:

Անգլերենի գերազանց իմացությունը պարտադիր է:

Ծրագիրը դրամաշնորհառուներին տրամադրում է անհատական կրթաթոշակ, ինչպես նաև հոգում է ճանապարհածախսը:

Մանրամասն տեղեկություն ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ h.mkrtchyan@ysu.am: Նամակի վերնագրում խնդրում ենք նշել Erasmus+, Franche-comté):

Դիմումների ընդունման վերջնաժամկետն է ս.թ. մարտի 30-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերենով, PDF տարբերակով).

1. անձնագրի պատճեն, 

2.ինքնակենսագրական (CV) «Europass» ձևաչափով,

3. մոտիվացիոն նամակ, 

4. ակադեմիական տեղեկագիր,

5. տեղեկանք՝ ԵՊՀ-ում ուսանելու վերաբերյալ,

6.ուսումնառության  համաձայնագիր (Learning Agreement for Studies), 

7. անգլերենի իմացությունը հաստատող վկայական:

Անգլերենով դասընթացների ցանկը՝ այստեղ՝ https://bit.ly/3ZCZQ4k: