Կրթության դերն ու նշանակությունն անձի զարգացման կոնցեպտում
Նոյեմբերի 20-ին ԵՊՀ աշխարհագրության և երկրաբանության ֆակուլտետի ՈՒԳԸ-ի նախաձեռնությամբ տեղի ունեցավ «Կրթության դերն ու նշանակությունը անձի զարգացման կոնցեպտում» խորագրով սեմինար-քննարկումն, որն իրականացրեց Սերվիս բաժնի 2-րդ կուրսի ուսանողուհի Արմինե Թովմասյանը:
![1543227434](/sites/default/files/styles/large_slide/public/migrated/images/xhHVry3OKPDsZQEAJL6NCruWPa.jpg?h=29234840&itok=wEYqvbxg)
Սեմինարն արդիական և հետաքրքրական էր հատկապես ուսանողների շրջանում, որովհետև սեմինարի ընթացքում ներկայացվեցին և քննարկվեցին այնպիսի ժամանակակից խնդիրներ, ինչպիսիք են՝ համալսարանական կրթությունը, տեղեկատվական տեխնոլոգիաների ունեցած նշանակությունը կրթության գործում,ուսանող-դասախոս փոխհարաբերություններն, անձի զարգացման շարժիչ ուժերն և այլն:
Սեմինարի ընթացքում խոսվեց բարձրագույն կրթության, ակադեմիական բավարար միջավայրի,դասապրոցեսի անցկացման ավանդական և ժամանակակից միջոցների կիրառման դերի և նշանակության մասին:
Հանդիպմանը ներկա էին նաև դասախոսներ ֆակուլտետի տարբեր բաժիններից:
Հանդիպումն ընթացավ հարց ու պատասխանի ձևաչափով, ինչի շնորհիվ սեմինարն առավել արդյունավետ ստացվեց երկու կողմերի համար:
Հեղինակ՝ Լիլիթ Զաքարյան