Պերցեպտիվ գործընթացների հոգեբանության պրակտիկում
Նոյեմբերի 29-ին տեղի ունեցավ ԵՊՀ փիլիսոփայության և հոգեբանության ֆակուլտետի ՈՒԳԸ կողմից կազմակերպված «Պերցեպտիվ գործընթացների հոգեբանության պրակտիկում» խորագիրը կրող գործնական պարապմունքը:
![1545406461](/sites/default/files/styles/large_slide/public/migrated/images/5fsCMFJ0G8zc8tyInltcuDmUql.jpg?h=c71d0c67&itok=gfCoAfvV)
Այն ուղղված էր առաջին կուրսեցիների ստացած տեսական գիտելիքների ամրապնդմանը՝ գործնական գիտելիքներ տալու միջոցով:
Բանախոսն էր ՈՒԳԸ անդամ, կառավարման հոգեբանության մագիստրատուրայի առաջին կուրսի ուսանող Մարիամ Մանուկյանը:
Հանդիպման ժամանակ անց կացվեց մաշկային զգայության ստորին շեմն որոշող վարժություն, ուսանողները նաև հնարավորություն ունեցան ինքնուրույն իրականացնել վարժությունը՝ ձեռք բերելով հոգեբանության մեջ առաջին կարևոր գործնական հմտությունները:
Հանդիպման վերջում դիտեցին նաև ընկալումների մասին կարճ վավերագրական ֆիլմ, որը թույլ տվեց ամբողջական պատկերացում կազմել ընկալման մասին՝ որպես գործընթաց:
Հեղինակ՝ Մերի Ազիզյան