Գիտական աշխատանքներ կատարելու հմտությունները

Ի սկզբանե սեմինարը մեկ նպատակ ուներ` ներկայացնել գիտական աշխատանք կատարելու ճիշտ տեխնիկա` զերծ թերություններից և հարիր գիտական ստանդարտներին: Պրն. Գրիգորյանը մանրամասնորեն ներկայացրեց, թե ինչպես կարելի է սկսել հետազոտությունները, և շեշտեց, որ աշխատանքի` հաջող լինելու հիմնաքարը պետք է լինի թեմայի նկատմամբ հետաքրքրությունը: Խոսվեց ղեկավարի ընտրությունից, գիտական լեզվից, աշխատանքի բովանդակությունից, ծավալից, գիտական աշխատանքին ներկայացվող պահանջներից, թեմայի արդիականությունից և այլնից:

Պրն. Գրիգորյանը նշեց նաև, որ աշխատանքը կարող է հիմնված լինել նաև բացառապես կամ հիմնականում պրակտիկ նյութերի ուսումնասիրության վրա, ինչն իրականում խնդիր չէ, եթե կատարվում է պրակտիկայի լուրջ հետազոտություն:

Ծավալվեց հետաքրքիր քննարկում` կապված հղումների հետ: Պրն. Գրիգորյանը հաջողություն մաղթեց բոլոր ուսանողներին, ովքեր պատրաստվում են գիտական աշխատանքներ կատարել` ԵՊՀ ՈՒԳԸ 6-րդ միջազգային գիտաժողովին ընդառաջ:

ԵՊՀ իրավագիտության ֆակուլտետի ՈՒԳԸ-ն ևս հաջողություն է մաղթում այս հետաքրքիր և պատասխանատու գործում:

Հեղինակ՝ Լեյլի Թադևոսյան