Центр экологической безопасности

Էկոլոգիական անվտանգության կենտրոնի հետազոտությունների հիմնական ուղղություններն են՝

• ջրի և հողի մշտադիտարկում, շրջակա միջավայրի ոլորտների աղտոտվածության ուսումնասիրություն՝ պեստիցիդներով, ծանր մետաղներով՝ Hg, Pb, Cd, Sr, Cu, Fe և այլն, ՄԱՆ-երով, դրանց էկոլոգիական անվտանգության գնահատում և կանխատեսում,
• աղմուկի մակարդակի ուսումնասիրությունը մարդկանց մշտական և ժամանակավոր բնակության վայրերում, աղմուկի մակարդակի նորմավորում և նվազեցման միջոցների առաջարկում,
• հիդրոքիմիա, ջրի վրա մարդածին գործոնների ազդեցություն, գետերի, լճերի ջրերի ինքնամաքրման կարողությունների, կեղտաջրերի մաքրման մեթոդների ուսումնասիրություն:

Կենտրոնում աշխատանքային գործունեություն են ծավալել և ծավալում ոլորտի առաջատար մասնագետներ, որոնք ունեն բազմամյա փորձ ինչպես գիտական, այնպես էլ կիրառական ոլորտներում։