Մայիսի 16-ին՝ ժամը 12։00-ին, կմեկնարկի «ԲանՈՒԳործ․ ԵՊՀ էքսպո-2023»-ը՝ նվիրված ԵՊՀ հիմնադրման 104-ամյակին։
Էքսպոն կանցկացվի ԵՊՀ ամբողջ տարածքում․ համալսարանի ֆակուլտետներն ու ինստիտուտները կներկայացնեն կրթական ծրագրերը, իսկ գործընկերները՝ աշխատանքի առաջարկներ, ինչպես նաև կընդունեն մասնակիցների ինքնակենսագրականները։ Միջոցառման շրջանակում տեղի կունենան նաև՝
✅ «ԲանՈՒԳործ 2023․ կրթության և կարիերայի հնարավորությունները Հայաստանում» խորագրով կոնֆերանս,
✅ ԵՊՀ գերազանցության մրցանակաբաշխություն, տարատեսակ աշխատարաններ և խաղեր,
✅ ԵՊՀ հրատարակչության լույս ընծայած գրքերի ցուցադրում, հանդիպում-քննարկումներ ցուցադրվող գրքերի հեղինակներից շատերի հետ,
✅ տոնական համերգ։ Նշենք, որ միջոցառման գլխավոր գործընկերն է «Երեմյան Փրոջեքթս» ընկերությունը։
Երեքշաբթի օրը բանուգործդ թո՛ղ, #Արի_ԵՊՀ, Սովորի՛ր շատ ԲԱՆ ՈՒ գտի՛ր ԳՈՐԾդ։
