ԵՊՀ ՈՒԳԸ միջազգային երիտասարդական ամենամյա գիտաժողովը՝ ուսանողների, երիտասարդ գիտնականների և հետազոտողների համախմբման հարթակ Մեկնարկեց ԵՊՀ ՈՒԳԸ միջազգային երիտասարդական 11-րդ գիտաժողովը՝ նվիրված Հայոց ցեղասպանության 110-րդ տարելիցին։ Գիտաժողովի առանցքային նպատակներից է երիտասարդ հետազոտողների և ուսանողների համար ստեղծել հարթակ՝ ակադեմիական լսարանին ներկայացնելու իրենց գիտական հետազոտությունների արդյունքները, կատարելագործելու գիտական աշխատանք կատարելու հմտությունները, ինչպես նաև գործընկերային կապեր հաստատելու Հայաստանի և արտերկրի երիտասարդ հետազոտողների հետ՝ նախանշելով համատեղ հետազոտություն կատարելու հնարավորությունները։
«Եթե մարդիկ ապրեն այն զարմանքը, որը մենք ամեն օր ապրում ենք լաբորատորիայում, նրանք կսիրեն գիտությունը»․ ԵՊՀ գիտաշխատող Վահրամ Գրիգորյան ԵՊՀ ֆիզիկայի գիտահետազոտական ինստիտուտի ֆոտոնիկայի և արհեստական բանականության լաբորատորիայի ավագ գիտաշխատող Վահրամ Գրիգորյանը այն մասնագետներից է, որը գիտությունը դիտարկում է որպես «գործիք»՝ միավորելու գիտական նորարարությունները և դրանց կիրառական նշանակությունը։ Նրա հետ զրուցել ենք գիտական հետազոտությունների, ոլորտի զարգացման և Հայաստանում գիտության դերի մասին։
«Երբ դասավանդողն ընդամենը մի քանի տարվա ավագություն ունի ուսանողի հանդեպ, դասերը դառնում են ավելի հետաքրքիր, ուսանողները՝ շատ ավելի ակտիվ». Վարուժան Տանիելյան «Վենետիկի Կա Ֆոսկարի համալսարանում երբևէ գրադարան այցելելու կարիք չեմ զգացել, քանի որ դասընթացներին վերաբերող անհրաժեշտ գրքերն ու հոդվածներն արդեն իսկ հասանելի էին «Moodle» համակարգում»,- ընդգծում է ԵՊՀ պատմության ֆակուլտետի «Հնագիտություն» բակալավրի կրթական ծրագրի 4-րդ կուրսի ուսանող Վարուժան Տանիելյանը՝ խոսելով «Էրազմուս+» ծրագրի շրջանակում մեկ կիսամյակ Իտալիայում ուսանելու մասին:
Ուսում, փորձ, նպատակներ. ԵՊՀ ուսանողը պատմում է իր կրթական ճամփորդության մասին ԵՊՀ փիլիսոփայության և հոգեբանության ֆակուլտետի բակալավրիատի 4-րդ կուրսի ուսանող Աննա Մուրադյանը պատմում է իր կրթական փորձառության մասին՝ ընդգծելով ուսանողակենտրոն միջավայրի, ոչ ֆորմալ կրթության և միջազգային փորձի կարևորությունը՝ որպես մասնագիտական և անձնական զարգացման հիմք: «ԵՊՀ-ում ես հնարավորություն ունեցա խորապես ուսումնասիրելու հոգեբանի մասնագիտությունը, ձեռք բերելու մտերիմ ընկերներ և իրականացնելու իմ երազանքը՝ ուսանել արտասահմանում»,- ասում է ուսանողը, որը «Էրազմուս+» փոխանակման ծրագրի շրջանակում մեկ կիսամյակ սովորել է Պորտուգալիայի «Universidade de Beira Interior» համալսարանում։
Լիտվացի հայտնի արվեստագետ Մ․Կ․ Չյուրլիոնիսի նկարների ցուցադրությունը՝ ԵՊՀ-ում ԵՊՀ-ում բացվեց լիտվացի նկարիչ, գրող, կոմպոզիտոր Միկալոյուս Կոնստանտինաս Չյուրլիոնիսի ստեղծագործությունների ժամանակավոր ցուցադրությունը՝ նվիրված հայտնի արվեստագետի 150-ամյակին։ Ցուցադրությունը նախաձեռնվել է Հայաստանում Լիտվայի Հանրապետության դեսպանության հետ համագործակցության շրջանակում։
Միջբուհական կապերի ամրապնդում ԵՊՀ-ի և Ռոսարիոյի ազգային համալսարանի միջև ԵՊՀ-ում հյուրընկալվել էր Ռոսարիոյի ազգային համալսարանի (Արգենտինայի Հանրապետություն) ռեկտոր Ֆրանկո Բարտոլաչին։ Հանդիպման ընթացքում կողմերը քննարկել են հայագիտական և կրթական ոլորտներում համագործակցության նոր հնարավորությունները և զարգացման հեռանկարները։
«Գիտության շաբաթ» փառատոնը՝ գիտական նվաճումների ներկայացման հարթակ․ ԵՊՀ-ն՝ գիտության փառատոնի մասնակից Ազատության հրապարակում մեկնարկեց «Գիտության շաբաթ» փառատոնը, որի նպատակն է հանրայնացնել գիտության և տեխնոլոգիաների ոլորտների նվաճումները։ Փառատոնին մասնակցում է նաև Երևանի պետական համալսարանը, մասնավորապես Ֆիզիկայի և Ֆարմացիայի ինստիտուտները, Կենսաբանության, Աշխարհագրության և երկրաբանության, Պատմության ֆակուլտետները, ՍԹԵՄ ավագ դպրոցը, Մարքեթինգի բաժինը:
Միջազգային գիտաժողովի օրակարգում էին քվանտային տեխնոլոգիաներին և օպտիկային առնչվող թեմաները Երևանի պետական համալսարանում ամփոփվեց «Օպտիկան և դրա կիրառությունները քվանտային տեխնոլոգիաներում» («Optics-QT») միջազգային գիտաժողովը, որը համախմբեց առաջատար գիտնականների՝ ներկայացնելու ոլորտի նորագույն հետազոտությունները և քննարկելու օպտիկայի դերը ժամանակակից քվանտային տեխնոլոգիաներում։
ԵՊՀ-ում կայացավ «Այլևս երբեք. համեմատել՝ ընդգծելով առանձնահատկությունները» խորագրով միջազգային դասընթացը Երևանի պետական համալսարանում անցկացվեց «Այլևս երբեք. համեմատել՝ ընդգծելով առանձնահատկությունները» դասընթացը, որը կազմակերպվել էր ԵՊՀ պատմության ֆակուլտետի, ցեղասպանության և այլ զանգվածային ոճրագործությունների կանխարգելման և կրթության ՅՈՒՆԵՍԿՕ-ի ամբիոնի ու Շոայի հուշահամալիրի (Փարիզ) համագործակցությամբ։
«Yerevan-CHEP-2025». ԵՊՀ-ում մեկնարկած գիտաժողովի քննարկան առանցքում է բարձր էներգիաների ֆիզիկան ԵՊՀ-ում մեկնարկեց «Բարձր էներգիաների ֆիզիկա» միջազգային գիտաժողովը («Yerevan-CHEP»), որը սեպտեմբերի 29-ից մինչև հոկտեմբերի 3-ը միավորելու է ոլորտի առաջատար մասնագետներին։ Երևանի պետական համալսարանի և Ա. Ի. Ալիխանյանի անվան ազգային գիտական լաբորատորիայի համատեղ ջանքերով կազմակերպված միջոցառման ժամանակ քննարկվելու են ոլորտի արդիական հարցերն ու խնդիրները։
