Образовательная программа «Школа эссе-2» в ЕГУ
Ս.թ. սեպտեմբերի 9-20-ը ԵՊՀ ISTC կենտրոնի կոնֆերանս դահլիճում (ԵՊՀ 7-րդ մասնաշենք, 6-րդ հարկ) կանցկացվի ԵՊՀ ՈւԳԸ նախաձեռնած «Հոդվածագրության դպրոց-2» կրթական ծրագիրը՝ նվիրված ԵՊՀ հիմնադրման 105-ամյակին։
Բացման միջոցառումը տեղի կունենա ս.թ. սեպտեմբերի 9-ին՝ ժամը 16:00-ին: Ծրագրի մասին ելույթով հանդես կգա ՈւԳԸ նախագահ Սիրանուշ Բաղումյանը: Բանախոսությամբ հանդես կգա պ.գ.թ., դոցենտ Միքայել Մալխասյանը:
«Հոդվածագրության դպրոց-2» կրթական ծրագիրը կանցկացվի սեպտեմբերի 9-20-ը: Ծրագրին կարող են մասնակցել ՀՀ բոլոր բուհերի և գիտահետազոտական այլ հաստատությունների ուսանողները, ասպիրանտները, գիտությամբ հետաքրքրված երիտասարդները:
Ծրագրի իրականացման ընթացքում հոդվածագրության տարբեր հիմնախնդիրների վերաբերյալ դասախոսություններով հանդես կգան պ.գ.թ., դոցենտ Միքայել Մալխասյանը, պ.գ.թ., դոցենտ Մհեր Հովհաննիսյանը, տ.գ.դ., դոցենտ Միքայել Ալեքսանյանը, Տնտեսագիտության ֆակուլտետի դասախոս Մերի Փանոսյանը և ուրիշներ:
