Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. Տիրապետել հնագիտության և ազգաբանության տեսության, մեթոդաբանության և պատմության հիմնահարցերին, հնագիտական և ազգաբանական ժամանակակից գիտակարգերի հետազոտությունների ուղղություններին:
   2. Մարդ-հասարակություն-հանրույթ բարդ ու բազմամակարդակ կապերն ու փոխհարաբերությունները վերլուծել հնագիտական և ազգաբանական ժամանակակից մոտեցումների ու տեսակետների համատեքստում:
   3. Մշակութային ժառանգության հնագիտական և ազգաբանական իմացության հիմքի վրա վերլուծել հայոց մշակույթը որպես ամբողջական, ուրույն համակարգ` փոփոխություններն ու փոխակերպումները դիտարկելով նաև տարածաշրջանային մշակույթների ու զարգացումների համատեքստում:
   4. Ստացած գիտելիքները կիրառել ոչ միայն հայոց մշակութային ժառանգության հնագիտական և ազգաբանական վերլուծությունների դաշտում, այլ ներկայացնել ու վերլուծել տարածաշրջանային մշակութային համալիրները:
2. Գործնական մասնագիտական կարողություններ
   1. Վերլուծել ու հանրայնացնել հնագիտության և ազգաբանության/մարդաբանության տեսական ու մեթոդաբանական խնդիրները, ներգրավելով նաև հայկական նյութը:
   2. Ավելի լայն քաղաքակրթական համատեքստում վերլուծել հայոց մշակութային ժառանգության հնագիտական և ազգաբանական բաղադրիչները:
   3. Հնագիտորեն և ազգաբանորեն վերլուծել և ներկայացնել մշակույթների տարածաշրջանային համալիրներն ու ենթահամալիրները:
   4. Կազմել և իրագործել հնագիտական և ազգաբանական բնույթի հետազոտական ու կիրառական ծրագրեր, վերահսկել դրանց կատարման ընթացքը, ապահովել արդյունքների հանրայնացումը:
3. Ընդհանրական (փոխանցելի) կարողություններ
   1. Օգտվել տեղեկատվության տարատեսակ աղբյուրներից (գրադարաններ, արխիվներ, ինտերնետ ռեսուրսներ, գիտական մենագրություններ և հոդվածներ):
   2. Անցկացնել հնագիտական և ազգաբանական դաշտային հետազոտություններ, պեղումներ, դիտարկումներ` ժամանակակից հետազոտական գործիքների կիրառմամբ, նկարագրել նյութական և ոչ նյութական մշակույթի հիմնական համալիրներ:
   3. Նախագծել և իրականացնել հնագիտական և ազգաբանական հետազոտություններ, ձևակերպել հետազոտության համար անհրաժեշտ հիմնական հարցադրումները, ընտրել մեթոդներն ու մեթոդաբանությունը և գործիքները:
   4. Ստեղծագործաբար կիրառել ձեռք բերված գիտելիքները, հանրայնացնել դրանք, ընկալել նորութային գիտելիքներն ու արժեքները:
   5. Պատրաստել գիտական զեկուցումներ, հաղորդումներ, հոդվածներ, գիտական միջավայրում ներկայացնել հետազոտությունների արդյունքները, մասնակցել գիտական բանավեճերի ու քննարկումների, հետազոտությունների արդյունքները հանրայնացնել զանգվածային լրատվության միջոցներով:
   6. Պահպանել մասնագիտական էթիկայի նորմերը: