1. Ընդհանրական կարողություններ
Դասավանդման/մանկավարժական
· դասընթացի աշխատանքային ծրագիր (օրացուցային պլան) կազմելու հմտություն,
· դասավանդման ինտերակտիվ մեթոդների իմացություն, ակտիվ ուսուցման տեխնիկաների կիրառման կարողություն:
Հետազոտական
· տարաբնույթ գիտական աղբյուրների հետ աշխատելու, ինչպես նաև համացանցային տեղեկատվական ռեսուրսներից օգտվելու հմտություն,
· սոցիոլոգիական հետազոտություն պլանավորելու և նախագծելու, հետազոտությունների իրականացման հմտություններ,
· հետազոտական խումբ ղեկավարելու կարողություն:
Հաղորդակցման
· լսարանի հետ բանավոր հաղորդակցվելու հմտություն,
· հետազոտության արդյունքները գրավոր շարադրելու կարողություն,
· օտար լեզվի իմացություն (առնվազն անգլերենի B1 մակարդակին համապատասխան)։
ՏՀՏ կիրառություն
· բազային համակարգչային (MS Office փաթեթի ազատ տիրապետում՝ Word, Excel, Power-Point) հմտություններ,
· ժամանակակից սոցիալական հարթակներից օգտվելու հմտություն,
· լուսացուցադրություններ պատրաստելու և ներկայացնելու հմտություններ (ppt, prezi, canva և այլն),
· սոցիոլոգիական տեղեկատվության մշակման և վերլուծության համակարգչային ծրագրերի (SPSS/MaxQDA/NVivo) կիրառման բազային հմտություններ:
Այլ կարողություններ
· հասարակական հարաբերությունները կարգավորող մասնագիտական էթիկայի և իրավական նորմերի իմացություն (մասնավորապես` հաղորդա­կցու­թյուն­ների ոլորտում),
· հետազոտական էթիկայի իմացություն,
· գրագողության կանխարգելման կարգի իմացություն,
· անհրաժեշտ ռեսուրսները գնահատելու և ծրագրերը արդյունավետորեն իրականացնելու կարողություն,
· ժամանակային ռեսուրսների պլանավորման և կառավարման կարողություն:
2. Մասնագիտական կարողություններ
· սոցիոլոգիայի հիմնական սկզբունքները և հայեցակարգերը ներկայացնելու, սոցիոլոգիական գլոբալ և լոկալ հիմնախնդիրները նույնականացնելու կարողություն,
· միկրո և մակրո սոցիոլոգիական տեսությունների հիմնական դրույթները սահմանելու կարողություն,
· սոցիոլոգիական մտքի զարգացման առանձնահատկությունները նկարագրելու կարողություն,
· սոցիոլոգիական հետազոտությունների հիմնական մեթոդները, ինչպես նաև սոցիոլոգիական մեթոդաբանության զարգացման հեռանկարները ներկայացնելու կարողություն,
· տնտեսական, քաղաքական, կրթության, առողջապահության, ԶԼՄ, իրավունքի և անձի սոցիոլոգիայի հիմքերը ճանաչելու և սահմանելու հմտություն,
· սոցիալական վիճակագրության և ժողովրդագրության հիմունքները ձևակերպելու կարողություն,
· քանակական, որակական, խառը կամ համակցված մեթոդաբանությամբ սոցիոլոգիական հետազոտություններ նախագծելու և իրականացնելու կարողություն,
· միջին մակարդակի սոցիոլոգիական տեսությունների հիմնադրույթները վերլուծելու և համեմատելու կարողություն,
· սոցիոլոգիական հետազոտությունների համարժեք մեթոդաբանություն/ների մշակմամբ սոցիալական հիմնախնդիրների ուսումնասիրություններ իրականացնել կարողություն,
· հայ հասարակությունում ընթացող տարբեր գործընթացները վերլուծելու կարողություն,
· կոնֆլիկտների վերլուծության ժամանակակից մեթոդաբանությունների կիրառմամբ կոնֆլիկտների ուսումնասիրություններ իրականացնելու կարողություն։
3. Ընդհանուր պահանջներ
Գիտական աստիճան
· գիտական աստիճան և/կամ կոչում, կամ որոշ դեպքերում՝ մագիստրոսի աստիճան,
· վերջին 5 տարում առնվազն 3 գիտական և/կամ մեթոդական հրատարակու­թյունների առկայություն,
· վերջին 5 տարում առնվազն 3 մասնակցություն գիտաժողովների և/կամ աշխա­տաժողովների։
Մանկավարժական փորձ
· մասնագիտական դասընթացների դասավանդման և/կամ վերապատրաս­տումներ (թրեյնինգներ) իրականացնելու առնվազն 3 տարվա փորձ,
· վերջին 5 տարվա ընթացքում մասնակցություն տեղական կամ միջազգային վերապատրաստումների և/կամ մասնագիտական որակավորման բարձրացման դասընթացների,
Պրակտիկ աշխատանքի փորձ
· առնվազն 3 տարվա աշխատանքային փորձ սոցիոլոգիական հետազոտությունների նախագծման, իրականացման, տեղեկատվության մշակման և վերլուծության բնագավառում։
Այլ պահանջներ
· դասավանդման պորտֆոլիո՝ դասավանդվող առարկաների առնվազն 50%-ի առցանց նյութերի առկայություն,
· ուսանողական հարցման արդյունքներով ստացված գնահատականների միջինը՝ առնվազն 4,0 (գործող դասախոսների համար)։