Поздравительное послание ректора ЕГУ в Международный день студентов

Սիրելի՛ ուսանողներ, բարձրագույն կրթություն ստանալու ձեր որոշումն արդեն իսկ վկայում է ձեր երազանքների ու նպատակների իրագործմանը հասնելու վճռականության և գիտելիք ստանալու ու բացահայտումների բերկրանքը վայելելու ձեր ցանկության մասին։

Շարունակե՛ք երազել, մի՛ վախեցեք սխալվելուց և մի՛շտ հիշեք, որ յուրաքանչյուր մարտահրավեր հնարավորություն է, յուրաքանչյուր անհաջողություն՝ փորձառություն և սովորելու, զարգանալու ու ավելի լավը դառնալու միջոց։

Իմացե՛ք, որ համալսարանական մեր մեծ ընտանիքը մշտապես ձեր կողքին է՝ ձեր ուսանողական տարիները ավելի երջանիկ ու լավը դարձնելու, ձեր հետագա գործունեության ընթացքում ձեզ աջակցելու ու սատարելու համար։

Խորհրդանշական այս օրը եկեք մեկ անգամ ևս գնահատենք ու արժևորենք հանուն հայրենիքի պաշտպանության հավերժի ճամփորդ դարձած մեր ուսանողների սխրանքը։ Հավերժ փառք և խոնարհում նրանց հիշատակին։