Природные соединения для борьбы с бактериями с множественной лекарственной устойчивостью

Պրոֆեսորը խոսեց հակաբիոտիկների և հակաբիոտիկների նկատմամբ կայունության զարգացման մասին՝ նշելով, որ բոլոր բակտերիաները դիմադրողականություն զարգացնելու հատկություն ունեն։ Սեբաստիան Գյունտերն այնուհետև անդրադարձավ հակամանրէային պեպտիդներին, սինթետիկ մանրէաբանությանը, հակավիրուլենտային դեղերին և ֆագայի թերապիային՝ որպես ուղիներ հակաբիոտիկների նկատմամբ կայունության զարգացման դեմ պայքարում։

Առաջարկելով հակաբիոտիկների  նկատմամբ կայունության զարգացման դեմ պայքարի նոր ռազմավարություններ՝ Գյունտերը ներկայացրեց իր հետազոտության արդյունքներից, այն է՝ որոշ բնական միացությունների և հակաբիոտիկների համապատասխան համակցությունները կարող են ուժեղացնել հակամանրէային ակտիվությունը։ Նա վիրուլենտության արգելափակումը ներկայացրեց որպես նոր ռազմավարություն հակաբիոտիկների նկատմամբ կայունության զարգացման դեմ պայքարում:

Պրոֆեսոր Սեբաստիան Գյունտերը  100-ից ավելի գիտական հրապարակումների հեղինակ է (H-index: 43, Scopus): Վերլուծելով հակաբակտերիալ և հակավիրուլենտային միացությունների ազդեցության մեխանիզմները և կիրառելով դեղերի հայտնաբերման համար համակարգչային մեթոդները՝ նա իր հետազոտություններում մանրամասնորեն ներկայացնում է թիրախային բակտերիալ վիրուլենտային գործոնների վրա կենսակտիվ միացությունների ազդեցությունը:

Հետազոտությունների շրջանակն ընդգրկում է հակաբիոտիկների նկատմամբ կայունության զարգացման դեմ պայքարում նոր դեղերի մշակումը, ինչպես նաև ցամաքային և ծովային աղբյուրներից (ինչպիսիք են՝ սնկերը, ցիանոբակտերիաները, միկրոջրիմուռները և բույսերը) կենսակտիվ բնական միացությունների անջատումն ու վերլուծությունը: Հետազոտությունները ներառում են նաև հակաբիոտիկների և ծանր մետաղների մնացորդային քանակների վերլուծություն, ֆիտոպատրաստուկների կենսակտիվության ուսումնասիրություն և բջջային նորարարական թեստ-համակարգերի մշակում:

Հետայդու պրոֆեսոր Գյունտերը և ինստիտուտի աշխատակիցները քննարկեցին համագործակցությունը գիտակրթական, հետազոտական մակարդակով հետագայում շարունակելու հարցը։