ԵՊՀ ԳԻՏԽՈՐՀՈՒՐԴԸ ՈՐՈՇԵԼ Է ՎՐԱՍՏԱՆԻ ՆԱԽԿԻՆ ՆԱԽԱԳԱՀ ՄԻԽԵԻԼ ՍԱԱԿԱՇՎԻԼԻԻՆ ԶՐԿԵԼ ԵՊՀ ՊԱՏՎԱՎՈՐ ԴՈԿՏՈՐԻ ԿՈՉՈՒՄԻՑ

ԵՊՀ գիտական խորհուրդն այսօր տեղի ունեցած նիստի ժամանակ միաձայն կողմ է քվեարկել Վրաստանի նախկին նախագահ Միխեիլ Սաակաշվիլիին ԵՊՀ պատվավոր դոկտորի կոչումից զրկելու որոշմանը:

YSU-academic-council-decided-to-deprive-Mikheil-Saakashvili-of-the-title

ԵՊՀ ռեկտորի ժ.պ. Գեղամ Գևորգյանը գիտխորհրդի անդամներին տեղեկացրել է, որ բազմաթիվ համալսարանականներ և համալսարանից դուրս մարդիկ այս օրերին դիմել են իրեն՝ Միխեիլ Սաակաշվիլիին ԵՊՀ պատվավոր դոկտորի կոչումից զրկելու համար։

Ըստ այդմ՝ Վրաստանի Հանրապետության նախկին նախագահ Միխեիլ Նիկոլոզի Սաակաշվիլիի կողմից Արցախի Հանրապետության դեմ ադրբեջանա-թուրքական ռազմական ագրեսիան առերևույթ արդարացնելու նպատակով հակահայկական հայտարարություններ անելու, Արցախի ժողովրդի ինքնորոշման իրավունքի և հայ ժողովրդի ազգային շահերի նկատմամբ կողմնակալ ու բացահայտ անհարգալից վերաբերմունք ցուցաբերելու համար ԵՊՀ գիտխորհուրդը միաձայն որոշեց զրկել նրան ԵՊՀ պատվավոր դոկտորի կոչումից:

Հիշեցնենք, որ Միխեիլ Սաակաշվիլիին ԵՊՀ պատվավոր դոկտորի կոչումը տրվել է 2009 թ. հունիսի 25-ին:

Քնար Միսակյան

ԵՊՀ ԳԻՏԽՈՐՀՈՒՐԴԸ ՈՐՈՇԵԼ Է ՎՐԱՍՏԱՆԻ ՆԱԽԿԻՆ ՆԱԽԱԳԱՀ ՄԻԽԵԻԼ ՍԱԱԿԱՇՎԻԼԻԻՆ ԶՐԿԵԼ ԵՊՀ ՊԱՏՎԱՎՈՐ ԴՈԿՏՈՐԻ ԿՈՉՈՒՄԻՑ

Զբոսաշրջության ոլորտին առնչվող կրթական ծրագրեր. Իսպանիա

«Էրազմուս+» ծրագրի միջազգային կրեդիտային շարժունություն. Օրադեայի համալսարան, Ռումինիա

«Էրազմուս+» միջազգային կրեդիտային շարժունություն. Զաարլանդի համալսարան, Գերմանիա