ՖՐԱՆՍԻԱՅԻ ԼԻԼԻ ՀԱՄԱԼՍԱՐԱՆԻ ՊՐՈՖԵՍՈՐԸ ԴԱՍԱԽՈՍՈՒԹՅՈՒՆՆԵՐ Է ԿԱՐԴՈՒՄ ԵՊՀ-ՈՒՄ

Աշխարհագրության և երկրաբանության ֆակուլտետում այսօր կայացած դասախոսության շրջանակում բանախոսը ներկայացրեց Երկրի ձևավորումը, բրածո մնացորդներն ու մասնագիտական բոլոր մանրամասները, որոնք հետաքրքրում են ուսանողներին:

Դասախոսություններին մշտապես ակտիվ մասնակցություն ցուցաբերող ուսանողները նշում են, որ պրոֆեսորների հետ հանդիպումները չափազանց կարևոր են, քանի որ մասնագիտական հմտությունները զարգացնելու հնարավորություն են ընձեռում և ցույց տալիս ուսումն արտասահմանում շարունակելու ուղիները:

Դասախոսությունների ընթացքում ուսանողները տալիս են իրենց հետաքրքրող հարցերը: Իր հերթին բանախոսն ստուգում է ուսանողների գիտելիքները հարցերի միջոցով և տարբեր թեմաների շուրջ ներկայացնում հետաքրքիր մոտեցումներ:

Տարիել Դանիելյանը մշտապես կապ է պահպանում Մայր բուհի հետ, փոխանցում իր գիտելիքներն ու փորձում օգնել համալսարանականներին Ֆրանսիա մեկնելու և կրթություն ստանալու հարցում (օրինակ` Լիլի համալսարանում), ինչի շրջանակում ներկայացնում է նաև փոխանակման ծրագրի մանրամասները:

Հանդիպումները կազմակերպվում են ԵՊՀ միջազգային համագործակցության վարչության հետ համատեղ: