«Team Telecom Armenia»-ն Հայաստանում հեռահաղորդակցության ոլորտում գործող ընկերություն է, որը տրամադրում է բջջային և ֆիքսված հեռախոսակապի ու համացանցի, ինչպես նաև թվային հեռուստատեսության ծառայություններ։ Ընկերությունն ունի հեռահաղորդակցության ոլորտում ծառայությունների մատուցման ավելի քան 100 տարվա փորձ։ Այն այժմ գործում է «Team Telecom Armenia», իսկ նախկինում գործել է «Beeline» և «ԱրմենՏել» ապրանքանիշերով։ Լինելով Հայաստանում հեռահաղորդակցության առաջին համակարգի ժառանգորդը՝ «Team»-ը ժամանակակից տեխնոլոգիաների հետ է համադրում առաջին կապի օպերատորի հարուստ փորձը։ Ընկերությունն այժմ ունի շուրջ 2000 աշխատակից։

Հեռահաղորդակցության ոլորտում իր գործունեությանը զուգահեռ՝ ընկերությունն աջակցում է տեխնոլոգիական, կրթական ու գիտական, ինչպես նաև բնապահպանական նախագծերի, նպաստում հայկական բովանդակության ստեղծմանն ու տարածմանը, աջակցում մարզերի զարգացմանը, ինչպես նաև թիմային ոգին խրախուսող նախաձեռնությունների։

2022 թ․ Հայաստանում տեղի ունեցավ Կենսաբանության միջազգային 33-րդ օլիմպիադան, որի ընթացքը պատշաճ կազմակերպելու համար Երևանի պետական համալսարանը համագործակցեց «Team Telecom Armenia»-ի հետ։ Ընկերությունը ստեղծեց ժամանակակից թվային լուծումներով ցանց՝ ապահովելով համացանցի հասանելիություն մասնակիցների և միջազգային ժյուրիի անդամների համար։

Գործընկերոջ մասին առավել մանրամասն տեղեկություններ ստանալու համար այցելե՛ք պաշտոնական կայքէջ՝ www.telecomarmenia.am։

Ֆեյսբուքյան էջ՝ www.facebook.com/telecomarmenia.am

Լինքդինյան հարթակ՝ www.linkedin.com/company/teamtelecomarmenia