2018 թ. նոյեմբերի 7-ին Երևանի Պարույր Սևակի 8/3 հասցեում տեղի ունեցավ «ԻնՍպորտ» մարզաառողջարանային առաջին կենտրոնի բացման արարողությունը: Ընդլայնելով գործունեությունը՝ 2023 թ․ հունվարի 14-ին գործարկվեց ՀՀ մարզային ժամանակակից ամենամեծ սպորտային համալիրը՝ «ԻնՍպորտ Սյունիք»-ը։ Ժամանակակից մարզասարքերով հագեցած «ԻնՍպորտ» մարզաառողջարանային կենտրոնները նախատեսված են բոլոր այն մարդկանց համար, ովքեր գնահատում և կարևորում են առողջ ապրելակերպը։ «ԻնՍպորտ»-ի կարգախոսն է՝ «Երբ սպորտն ապրելակերպ է»։
Շուրջ 5 տարվա գործունեության ընթացքում «ԻնՍպորտը» հասցրել է դառնալ մայրաքաղաքում ընտանեկան հանգստի և մարզման լավագույն վայրերից մեկը։ Այն բազմաֆունկցիոնալ մարզական կենտրոն է և ներառում է գերժամանակակից ֆիլտրման քառաստիճան համակարգով լողավազան, ուժային պարապմունքների և կարդիո պարապմունքների սրահներ, որոնք հագեցած են ժամանակակից մարզասարքերով, խմբային պարապմունքների սրահներ, որտեղ անցկացվում են տարատեսակ խմբային մարզումներ ինչպես մեծահասակների, այնպես էլ փոքրիկ հաճախորդների համար։ Մարզիչների պրոֆեսիոնալ և հոգատար թիմը մշտապես պատասխանատու և հետևողական վերաբերմունք է ցուցաբերում յուրաքանչյուր հաճախորդի առողջության և մարզման գործընթացի նկատմամբ։
Սպորտային կենտրոնում գործում են նաև 2 տեսակի շոգեբաղնիքներ, սպա կենտրոն, որտեղ մատուցվում են առողջարանային ծառայություններ, խաղասենյակ՝ նախատեսված ավելի փոքր տարիքի երեխաների համար, որոնք հնարավորություն ունեն խաղասենյակում 2 ժամ անվճար մնալու, մինչ ծնողները կմարզվեն համալիրում։ Կենտրոնի առաջին հարկում գործում է սպորտային խանութ-սրահ։ Կենտրոնում կա նաև սրճարան, որը ամենահարմարավետ անկյունն է մարզումներից հետո կորցրած էներգիան վերականգնելու համար։
«ԻնՍպորտ» մարզաառողջարանային կենտրոնն աշխատում է ամեն օր` ժամը 07։00-ից մինչև 23։00-ն։
Գործընկերոջ մասին առավել մանրամասն տեղեկություններ ստանալու համար այցելե՛ք պաշտոնական կայքէջ՝ www.insport.am։
Ֆեյսբուքյան էջ՝ www.facebook.com/inSport.wellness
